ಸುಮ್ನೆ ಓದಿ ಬಿಟ್ಹಾಕಿ

:-) ಕನ್ನಡ ಕಲೀತಿದ್ದ ಹಾಗೆ ಗೀಚಿದ ಭಂಕಸ್ ಸಾಲುಗಳು. 6 ವರ್ಷಗಳ ಹಿಂದೆ ಬರೆದಿದ್ದು ಈಗ ಯಾವುದೋ ಫೈಲ್ ಹುಡುಕುತ್ತಿದ್ದಾಗ ಸಿಕ್ಕಿತು. ಎರಡು ಸಲ ಸಿಸ್ಟಮ್ ಕ್ರ್ಯಾಶ್ ಆದ್ರೂ ಇವು ಉಳುಕೊಂಡಿವೆ ಅಂದ್ರೆ..........ಅದಕ್ಕೆ ನಿಮಗೀಗ ಓದುವ ಶಿಕ್ಷೆ:-)

...............1................

ಕುಡಿದಾಗ ಒನ್ ಫುಲ್ ಬಾಟಲ್

ಅವನು ಎರಿಸ್ಟೋಟಲ್- ಪ್ರಕಾಂಡ ಪಂಡಿತ

ನಶೆ ಇಳಿದು ಮನೆಗೆ ಸುಳಿದಾಗ

ಮಡದಿಯ ಬೈಗುಳು ಖಂಡಿತ

..............2......................

ಮಹಾ ಪೌರುಷ ಒಳಗಿದ್ದಾಗ ರಮ್

ಮಾತೂ ಗರಂ

ನಶೆ ಇಳಿದಾಗ ಇಲ್ಲ ಅವನಿಗೆ ದಮ್

ಟೋಟಲ್ ಸೈಲೆನ್ಸ್ ಏಕ್ ದಮ್

...........3.....................

ಆಗಬೇಕಿಲ್ಲ ಇಂಜಿನಿಯರ್

ಗಾಳಿಯಲ್ಲಿ ಗೋಪುರ ಕಟ್ಟಲು

ತಾಜಮಹಲ್ ಕೂಡ ಕಟ್ಟಬಹುದು

ಖಾಲಿಯಾದ ಮೇಲೆ ಮದಿರೆಯ ಬಟ್ಟಲು

ನಮ್ಮ ತಂದೆಗೆ ಬ್ಯಾಂಕ್ ನಲ್ಲಿ ದೊಡ್ಡ ಪೋಸ್ಟ್. ಹದಿನೈದು ದಿನಕ್ಕೊಮ್ಮೆ ಮನೆಯಲ್ಲಿ ಡ್ರಿಂಕ್ಸ್ ಪಾರ್ಟಿ ನಮ್ಮ ತಾಯಿ ನಾನ್ ವೆಜ್ ತಿನ್ನದಿದ್ದರೂ ಒಳ್ಳೆಯ ಚಿಕನ್ ಕರಿ ಮಾಡುತ್ತಿದ್ದರು. 15 - 20 ಜನ ಊಟಕ್ಕೆ ಇರುತ್ತಿದ್ದರು. ತಮ್ಮಂದಿರಿಗೆ ಸಂಭ್ರಮ. ಐಸ್ ರೆಡಿ ಮಾಡುವುದು, ಗ್ಲಾಸ್ ರೆಡಿ ಮಾಡುವುದು, ಬೀರ್ ನ ಮುಚ್ಚಳ ತೆಗೆದು ಅದನ್ನು ಗ್ಲಾಸ್ ಗೆ ನೊರೆ ಮೇಲೆ ಬರದಂತೆ ಸುರಿಯುವುದು ವಗೈರೆ . ನನಗೆ ಮಾತ್ರ ಅಮ್ಮ ಎಲ್ಲರಿಗೂ ಚಪಾತಿ ಲಟ್ಟಿಸುತ್ತ, ಬೆವರು ಸುರಿಸುತ್ತ ಅಡಿಗೆ ಮಾಡುವುದು, ಅವರೆಲ್ಲ ಹೋಗುವ ಮುಂಚೆ 'ಭಾಭಿ ಫಸ್ಟ್ ಕ್ಲಾಸ್ ಥಾ ಖಾನಾ' ಅಂತ ಹೊಗಳಿದಾಗ ಅಮ್ಮನ ಮುಖ ಸಂತಸದಿಂದ ಅರಳುವುದು ನೋಡುವುದರಲ್ಲಿ ಮಾತ್ರ ಖುಶಿ.

ಅಜ್ಜನ ಮನೆಯಲ್ಲಿ ಬೆಳೆದ ನನಗೆ ಇದೆಲ್ಲ ಮೊದ ಮೊದಲು ಈ ಪಾರ್ಟಿ ಗೀರ್ಟಿ ಎಲ್ಲ ವಿಚಿತ್ರ ಅನ್ನಿಸುತ್ತಿತ್ತು, ಆಮೇಲೆ ಅಭ್ಯಾಸ ಆಗಿ ಹೋಯ್ತು

ಅದೇ ಅಪ್ಪನಿಗೆ ಹೃದಯ ಸಂಬಂಧಿ ಕಾಯಿಲೆಯಾದಾಗ ಈ 'ಬಾಟಲ್' ಮಿತ್ರರು ಯಾರೊಬ್ಬರೂ ಮನೆಕಡೆ ಸುಳಿದಿದ್ದರೆ ಹೇಳಿ. ಆಗ ಅಪ್ಪನಿಗೆ ಯಾರ್ಯಾರು ಹೇಗೆ ಅಂತ ಗೊತ್ತಾಗಿ ಪಾರ್ಟಿ ಗೀರ್ಟಿ ಎಲ್ಲ ಫುಲ್ ಸ್ಟಾಪ್....

ಯಾಕೋ ನೆನಪಾಯ್ತು ಶೇರ್ ಮಾಡ್ತಿದ್ದೇನೆ

:-)

Upside down pineapple cake

The easiest cake to bake

u need a ripe pineapple and some Raspberries (we got canned ones or you can also get cherries) and Pillsbury egg less cake mix

Make a mixture of melted butter and brown sugar(available in the market)  50 gms each, and coat the bottom of the cake pan with this mixture. Then arrange the pineapple cuts and Raspberry in the cake pan like shown in the picture.

The first layer is brown sugar+butter mixture followed by pineapple pieces

Raspberries

next follow the instructions (to a T) on the cake mix carton..pour it on the ready cake pan and bake  (again)as per the  instruction on the cake mix carton..

After it cools down turn the cake upside down on the plate and your yummy cake is  ready to eat...

for my Sakhees Anuradha Rao, Srimatha Ramanand and Roopalakshmi..

ಹೋಳಿಗೆ ಪುರಾಣ

ನನ್ನ ತಂಗಿ ಯು ಎಸ್ ನಿಂದ ಅಮ್ಮನ ಮನೆಗೆ ಬಂದಿಳಿದಿದ್ದಾಳೆ. ಮೊನ್ನೆ ಮಾತನಾಡುವಾಗ ’ಹೆ ಅಮ್ಮ ಹೋಳಿಗೆ ಮಾಡಿಟ್ಟಿದ್ದರು. ಎಷ್ಟು ಚೆನ್ನಾಗಿತ್ತು ಗೊತ್ತಾ? ನನ್ನ sister-in law (ಅವರು australia ದಲ್ಲಿರೋದು) ಕೂಡ ಇಷ್ಟಪಟ್ಟು ತಿಂದು ಸ್ವಲ್ಪ ಪ್ಯಾಕ್ ಮಾಡಿಕೊಂಡು ಹೋದರು ಅಂತ ಹೇಳಿದಳು

ಹೌದು ನಮ್ಮ ಅಮ್ಮ ಬಿಟ್ಟರೆ ನನ್ನ ಮಿತ್ರ ಗುರುದತ್ ನ ಅಮ್ಮ ಮಾಡಿದ ಹೋಳಿಗೆ ಮಾತ್ರ ನಾನು ಇಷ್ಟ ಪಟ್ಟು ತಿನ್ನೋದು. ನಾವು ಮುಂಬೈನಲ್ಲಿದ್ದಾಗ ಹೋಳಿಗೆ ಮಾಡುತ್ತಿದ್ದ ನೆನಪು ಬಂತು.  ನನಗೆ  ಬುದ್ದಿ ತಿಳಿದಾಗಿನಿಂದ - ಅದೊಂದು family affair ಆಗಿರುತ್ತಿತ್ತು. ಅಡಿಗೆ ಮನೆಗೆ ಕಾಲಿಡದ ಅಪ್ಪನಿಗೂ ಕಡ್ಡಾಯವಾಗಿ ಆ ದಿನ ಅಡಿಗೆ ಮನೆಗೆ ಬರಲೇಬೇಕಾಗುತ್ತಿತ್ತು. ಹೋಲಿ ಹಬ್ಬದ ಹತ್ತಿರದ ಭಾನುವಾರ ಅದಕ್ಕೆ ಮೀಸಲು. ಬೆಳಿಗ್ಗೆ ಬೇಗ ಅಡಿಗೆ ರೆಡಿಯಾಗಿರುತ್ತಿತ್ತು. ಅಮ್ಮ ಬೇಳೆ ಬೇಯಿಸಲು ಇಡುತ್ತಿದ್ದರು. ಕುಕ್ಕರ್ ಬಂದ ಮೇಲೆ ಆ ಕೆಲಸ ಸ್ವಲ್ಪ ಸಲೀಸಾಯಿತು. ಬೆಂದ ಕಡಲೇ ಬೇಳೆಯನ್ನು ಅಮ್ಮ ಜಾಲರಿ ಪಾತ್ರೆಯಲ್ಲಿ ಅದರ ನೀರು ಬಸಿದು ಹೋಗಲು + ಆರಲು ಇಡುತ್ತಿದ್ದರು. ಅದರಲ್ಲಿ ನನ್ನ  ಪಾಲಿನ ಕೆಲಸ ಅಂದ್ರೆ ಒರಳನ್ನು ತೊಳೆದು ಸ್ವಚ್ಛವಾಗಿ ಒರೆಸಿಡುವುದು. ಅಮ್ಮ ಅದರಲ್ಲಿ ಹಾಕಿದ ಸಾಸಿವೆಯನ್ನು ನೀರು ಹಾಕದೆ ರುಬ್ಬುವುದು. ಸಾಸಿವೆ ಯಿಂದ ಹೋಳಿಗೆಗೆ ಯೂನಿಕ್ ಕಲರ್ ಮತ್ತು ಸುವಾಸನೆ. ಸಾಧಾರಣ ಒಂದು ಚಮಚ ಸಾಸಿವೆ ದೊಡ್ಡ ರುಬ್ಬುವ ಕಲ್ಲಲ್ಲಿ ರುಬ್ಬುವುದು ಒಂದು ಹರಸಾಹಸವೇ ಸೈ.ಅದರ ಘಾಟಿಗೆ ಕಣ್ಣಲ್ಲೆಲ್ಲ ನೀರು. (ಬಹುಶ: ಅದಕ್ಕೆ ಏನೋ ನನಗೆ ಸಾಧರಣ ಕಾಯಿಲೆಗಳಾದ ಕೆಮ್ಮು ಶೀತ ತಲೆ ನೋವು ಎಲ್ಲ ಬಾಧಿಸದೇ ಇರುವುದು. ಎಲ್ಲರಿಗೂ ಒಂದು ರೌಂಡ್ ಜ್ವರ ಕಾಯಿಲೆ ಎಲ್ಲ ಆದಾಗ ನಾ ಮಾತ್ರ ಒಬ್ಬಳು ಅದಕ್ಕೆ ಗುರಿಯಾಗ್ತಿರಲಿಲ್ಲ. ಶ್ರೀಕಾಂತ ಗೆ ನಾನು ಯಾವಗಲೂ ಹೇಳುತ್ತಿರುತ್ತೇನೆ ನನಗೊಸ್ಕರ ವೈದ್ಯರ ಬಳಿ ಖರ್ಚಾಗಿದ್ದು ಕಡಿಮೆ ಅಂತ- ಜಂಬ ಕಣ್ರೀ ನನಗೆ) ನಾನು ಅದನ್ನು ನುಣ್ಣಗೆ ರುಬ್ಬುವಾಗ ಅಮ್ಮ ಮೈದಾ ಹಿಟ್ಟನ್ನು ಮೊದಲು ನೀರಿನಿಂದ ನಂತರ ಎಣ್ಣೆ ಹಾಕಿ ಚೆನ್ನಾಗಿ ನಾದುತ್ತಿದ್ದರು. ಅಷ್ಟರಲ್ಲಿ ನನ್ನ ರುಬ್ಬುವ ಕೆಸ ಮುಗಿಸಿರುತ್ತಿದ್ದೆ. ಆ ಸಾಸಿವೆ ಪೇಸ್ಟ್ ನ್ನು ಮೈದಾ ಹಿಟ್ಟಿನ ಕಣಕಕ್ಕೆ ಬೆರೆಸಿ ಅದನ್ನು ನಾದುವ ಕೆಲಸ ನನ್ನ ಪಾಲಿಗೆ. ಸರಿಯಾಗಿ ಮೆತ್ತಗಾದ ಮೇಲೆ ಅದನ್ನು ಒದ್ದೆ ಬಟ್ಟೆಯಿಂದ ಮುಚ್ಚಿಡುತ್ತಿದ್ದೆವು. 

ಈಗ ಸ್ವಲ್ಪವೇ ಆರಿದ ಕಡ್ಲೇ ಬೇಳೆಯನ್ನು ಸುಲಿದ ಏಲಕ್ಕಿ ಬೆಲ್ಲದೊಂದಿಗೆ ರುಬ್ಬುವುದು. ರುಬ್ತಾ ರುಬ್ತಾ ಅದು ಗಟ್ಟಿಯಾಗುತ್ತೆ. ಉಂಡೆ ಕಟ್ಟುವ ಹದಕ್ಕೆ ಬಂದೊಡನೆ ಅದನ್ನು ಪಾತ್ರೆಗೆ ವರ್ಗಾಯಿಸುವುದು. ಇದು ಹೂರಣ

ಈಗ ನಾನು ಮೈದಾ ಹಿಟ್ಟಿನ ಸಣ್ಣ ಸಣ್ಣ ಉಂಡೆಗಳನ್ನು ಮಾಡುತ್ತಿದ್ದರೆ ನನ್ನ ತಮ್ಮ ಕೃಷ್ಣ ಕಡ್ಲೆ ಬೇಳೆಯ ದೊಡ್ಡ ಗಾತ್ರದ ಉಂಡೆ ಮಾಡಿಡುತ್ತಿದ್ದ. this will be thrice the size of the maida ball. ನಾನು ಅಮ್ಮ ಎರಡು ಬೇಲನ್ ನೊಂದಿಗೆ ಸಜ್ಜಾಗುತ್ತಿದ್ದೆವು. ನಾನು ಮೈದಾ ಹಿಟ್ಟಿನ್ನು ಸಣ್ಣ ಚಪಾತಿ ತರಹ ಲಟ್ಟಿಸಿ ಕೊಡುತ್ತಿದೆ. ಅದರಲ್ಲಿ ಅಮ್ಮ ಚೆಂದಮಾಡಿ ಕಡಲೆಬೇಳೆಯ ಹೂರಣವನ್ನು ಇಟ್ಟು ದೊಡ್ಡ ಗಾತ್ರದ ಚಪಾತಿ ಸೈಜ್ ಗೆ ಅದನ್ನು ಲಟ್ಟಿಸುತ್ತಿದ್ದರು. ಮೊದಲು ಸ್ಟವ್ ಆಮೇಲೆ ಗ್ಯಾಸ್ ಬಂದ ಮೇಲೆ ಗ್ಯಾಸ್ ಕಟ್ಟೆಯನ್ನು ನೆಲದ ಮೇಲಿಟ್ಟು ನಾವೆಲ್ಲ ಸುತ್ತು ಕೂತುಕೊಂಡು ಹೋಳಿಗೆ ಮಾಡುತ್ತಿದ್ದೆವು. ಅಪ್ಪನ ಕೆಲಸ ಅವನ್ನು ಬೇಯಿಸುವುದು. ಒಂದೈದು ಹೋಳಿಗೆ ಬೇಯಿಸಿದ ನಂತರ ಅಪ್ಪನಿಗೆ ಅದರ ಹದ ಗೊತ್ತಾಗಿ ಮಾತಿಲ್ಲದೇ ನಮ್ಮ ಕೆಲಸ ಸಾಗುತ್ತಿತ್ತು. (ಅದೇ ನಾನು ನನ್ನ ಮಕ್ಕಳೊಂದಿಗೆ ಏನಾದರೂ ಕೆಲಸ ಮಾಡುತ್ತಿರಬೇಕಾದ್ರೆ ಮಾತು ನಗು ಎಷ್ಟು ಗಮ್ಮತ್ತು ಮಾಡ್ತೇವೆ, ಅಲ್ಲಿ ನಾವೆಲ್ಲ ಆಗ ಅಷ್ಟು ಸೀರಿಯಸ್ ಯಾಕಿರ್ತಿದ್ವಿ ಗೊತ್ತಿಲ್ಲ. ಈಗ ಹಾಗಿಲ್ಲ ಮನೆ ತುಂಬ ಗೌಜು ಗಲಾಟೆ ಗದ್ದಲ ಮಾತಿಗೊಮ್ಮೆ ನಗಿಸುವ ತಮ್ಮ ಪಾಂಡು) ಎಲ್ಲ ಮುಗಿಸುವಾಗ ಸಾಧಾರಣ ಮಧ್ಯಾಹ್ನ ಒಂದು ಗಂಟೆ ಆಗುತ್ತಿತ್ತು. ನಾನು ಪಾತ್ರೆಗಳನ್ನು ತೆಗೆದಿಟ್ಟು, ಅಡಿಗೆ ಮನೆ ಸ್ವಚ್ಛ ಮಾಡುವಷ್ಟರಲ್ಲಿ ಅಮ್ಮ ಬಸಿದಿಟ್ಟ ಕಡಲೆ ಬೇಳೆಯ ಸಾರಿಗೆ ಸಾಸಿವೆ, ಕರಿಬೇವು, ಹಿಂಗು ಕೆಂಪು ಮೆಣಸಿನ ಒಗ್ಗರಣೆ, ಒಂಚೂರು ಬೆಲ್ಲ ಎಲ್ಲ ಹಾಕಿ ರೆಡಿ ಮಾಡುತ್ತಿದ್ದರು. ನಮ್ಮ ಅಡಿಗೆ ಮನೆ ಚಿಕ್ಕದಿತ್ತು ಹಾಗೂ ಡೈನಿಂಗ್ ಟೇಬಲ್ ಇರಲಿಲ್ಲ, ಮಾಡಿದ ಅಡಿಗೆ, ಹೋಳಿಗೆಯನ್ನೆಲ್ಲ ಹಾಲ್ ನಲ್ಲಿ ತಂದಿಟ್ಟುಕೊಂಡು ನಮ್ಮ ಊಟ. ಅಡಿಗೆ ಮಧ್ಯದಲ್ಲಿ ,ನಾವೆಲ್ಲ ಅದರ ಸುತ್ತ. ಊಟ ಆದಮೇಲೆ ಇನ್ನೂ ಸ್ವಲ್ಪ ಬಿಸಿ ಇದ್ದ(warm) ಹೋಳಿಗೆಯ ಮೇಲೆ, ಅಮ್ಮ ಮನೆಯಲ್ಲೇ ಕಾಸಿದ ತುಪ್ಪ ಹಾಕ್ಕೊಂಡು ಪೊಗದಸ್ತಾದ ಊಟ. ಊಟ ಕೂಡ ಮಾತಿಲ್ಲದೆ ಸಾಗುತ್ತಿತ್ತು.

ಮದುವೆ ಆದ ಮೇಲೆ ನಾನು ಕೊಪ್ಪಕ್ಕೆ ಬಂದ ಮೇಲೆ ಒಂದು ಸಲ ಹೋಳಿಗೆ ಮಾಡುವ ಹುಕ್ಕಿ ಬಂದಿತು. ನಾನು ಮಹಾ ಪ್ರೋ ಅಂದು ಕೊಂಡಿದ್ದೆ. ಅಮ್ಮನಿಗೆ ಅಷ್ಟೆಲ್ಲ ಹೆಲ್ಪ್ ಮಾಡಿದ ನನಗೆ ಹೋಳಿಗೆ ಬನಾನಾ ಬಾಯೇಂ ಹಾತ್ ಕಾ ಖೇಲ್ ಎಂಬ ಅಹಂಕಾರ. ಸರಿ ಒಬ್ಬಳೆ ಸ್ವ್ಲಲ್ಪವೇ ಸ್ವಲ್ಪ ಹೋಳಿಗೆ ಮಾಡುವ..ಹೇಗೂ ಒಬ್ಬಳೆ ತಾನೆ ಮಾಡಬೇಕಾದ್ದು. ಅಮ್ಮ ಮಾಡುತ್ತಿದ್ದನ್ನು ಚಾಚೂ ತಪ್ಪದೆ ಪಾಲಿಸಿದೆ. ಹೋಳಿಗೆ finally ರೆಡಿ ಆದಾಗ ಗಟ್ಟಿ ಆಗಿತ್ತು. ಅದನ್ನೆ ತಟ್ಟೆಯನ್ನಾಗಿ ಬಳಸಬಹುದಿತ್ತು. ಶ್ರೀಕಾಂತ ಗೆ ಆಫಿಸ್ ಗೆ ಹೋಗುವ ಮುನ್ನ ನನ್ನ ಹೋಳಿಗೆ ಮಾಡುವ ಕಾರ್ಯಕ್ರಮದ ಬಗ್ಗೆ ಕೊಚ್ಚಿಕೊಂಡಿದ್ದೆ. ಅವರು ಬರುವಾಗ ಮಿತ್ರರ ಹಿಂಡಿನೊಂದಿಗೆ ಬಂದಿದ್ದರು

ಹೋಳಿಗೆ ನೋಡಿದ ಮೇಲೆ ಒಬ್ಬಬ್ಬರದ್ದು ಒಂದೊಂದು ಕಮೆಂಟ್

"ಮ್ಯಾಡಂ ವೈರಿಗಳಿದ್ದರೆ ಸುದರ್ಶನ ಚಕ್ರ ದಂತೆ  ಇದರ ಪ್ರಯೋಗ ಮಾಡಿ ಅವರ ರುಂಡ ತುಂಡು ಮಾಡಬಹುದು ಎಂದು ನಾಟಕೀಯ ವಾಗಿ ಒಬ್ರು ಹೇಳಿದರೆ, ಇನ್ನೊಬ್ಬರು ಮ್ಯಾಡಂ ದನಕ್ಕೆಲ್ಲ ಹಾಕಲು ಹೋಗಬೇಡಿ ಅದರ ಗಂಟಲಿಗೆ ಗಾಯ ಆಗಬಹುದು , ಇನ್ನೊಬ್ಬರು ಮ್ಯಾಡಂ ಗೋಡೆಗೆ ಬಡಿದ್ರೆ ಗೋಡೆ ತುಂಡಾಗಬಹುದು, ಫ್ರಿಸ್ ಬೀ ತರಹ ಆಟ ಆಡಬಹುದು...ಅಂತೆಲ್ಲ. ನಮ್ಮ ರಾಯರು ನನ್ನ ಪೆಚ್ಚು ಮುಖ ನೋಡಿ its allright ದಿನಾ ಅದನ್ನು ಕುಟ್ಟಾಣಿಯಲ್ಲಿ ಕುಟ್ಟಿ ತಿನ್ನುತ್ತೇನೆ ಆಯ್ತಾ ಅಂದರು

ನಾವು ಕೊಂಕಣಿಯವರು ಯಾವುದನ್ನೂ ವೇಸ್ಟ್ ಮಾಡಲ್ಲ. ನಾನು ಬೆಳಿಗ್ಗೆ ಎದ್ದು ಅದನ್ನು ತುಂಡು ಮಾಡಿ ಹಾಲಲ್ಲಿ ಹಾಕಿಟ್ಟು, ನನ್ನ ಕೆಲಸ ಎಲ್ಲ ಮುಗಿಸಿದ ಮೇಲೆ ಅದಕ್ಕೆ ಸಕ್ಕರೆ ಹಾಕಿಕೊಂಡು ಸ್ಪೂನ್ ನಲ್ಲಿ ತಿನ್ನುತ್ತಿದ್ದೆ.

ಅದೇ ಫಸ್ಟ್ ಎಂಡ್ ಲಾಸ್ಟ್ ನನ್ನ ಹೋಳಿಗೆ ಪ್ರಯೋಗ

ನನ್ನ ತಂಗಿ ಸ್ಟೇಟ್ಸ್ ನಲ್ಲಿ ಇತ್ತೀಚಿಗೆ ಮಾಡಿದ್ಲಂತೆ, ಅಮ್ಮ ಮಾಡಿದ ತರಹ ಆಗದಿದ್ದರೂ iT was ok ಅಂದ್ಲು. 

ಮಕ್ಕಳ ಜತೆ ಇದನ್ನೆಲ್ಲ ಶೇರ್ ಮಾಡುವಾಗ ’ಅಮ್ಮ ನಾವು ಹೋಳಿಗೆ ಮಾಡುವ’ ಅಂದಿದ್ದಾಳೆ ಮಾಲವಿಕ. ಇನ್ನು ಮೂರು ನಾಲ್ಕು ದಿನಗಳಲ್ಲಿ ಟ್ರೈ ಮಾಡುವವರಿದ್ದೇವೆ

ನಮಗೆ ಗುಡ್ ಲಕ್ ಹೇಳ್ತೀರಾ??

:-)

ನೋಟ (ಮಿನಿ ಮಿನಿ ಕತೆ)

ಅವರಿಬ್ಬರಿಗೂ ಮಕ್ಕಳಿರಲಿಲ್ಲ. ಡಾಕ್ಟರ್ ರಿಪೋರ್ಟ್ ನಲ್ಲಿ ತೊಂದರೆ ಅವನಲ್ಲಿದೆಯಂತ ಅಂತ ಅಂವ ಬೇಜಾರಿನಿಂದ ಹೇಳಿದಾಗ, ತಾನು ಮಹಾ ತ್ಯಾಗಮಯಿಯ ಪೋಸ್ ಕೊಟ್ಟು ಅವನ ತಲೆ ಸವರಿ, 'ಇರಲಿ ಬಿಡಿ ನಾನು ನಿಮಗೆ ಮಗು ನೀವು ನನಗೆ ಮಗುವಾಗಿರೋಣ. ಈ ವಿಷಯ ಯಾರಿಗೂ ಹೇಳುವುದು ಬೇಡ' ಅಂತ ಅವಳು ಉಸುರಿದಾಗ ಅವನ ಮುಖದಲ್ಲಿ ನಿರಾಳ.

ಆಮೇಲೆ ಕುಟುಂಬದವರು ಆಪ್ತೇಷ್ಟರು ಮಕ್ಕಳ ಬಗ್ಗೆ ಕೇಳಿದಾಗ 'ಇಲ್ಲ ಆಗಿಲ್ಲ' ಅಂತ ಸುಮ್ಮನೆ ಹೇಳ್ತಾ ಮನಸ್ಸಿನಲ್ಲಿ ತ್ಯಾಗದ ಬಗ್ಗೆ ಅಹಂಕಾರ ಪಟ್ಟುಕೊಳ್ಳುವ ಅಭ್ಯಾಸ ಆಕೆಗೆ ಆಯಿತು.

ಕೆಲವೊಮ್ಮೆ ಅವಳಿಗೆ ಎಲ್ಲರಿಗೂ ಹೇಳಿ ಬಿಡಲಾ ಅಂತ ಅನ್ನಿಸ್ತಿತ್ತು. ಆದರೆ ಅವಳು ಅವನ ಮುಖವನ್ನು ಕನಿಕರದಿಂದ ನೋಡುವಾಗ ಅವಳ ಮುಖವನ್ನೇ ನೋಡುತ್ತಿರುವ ಅವನು ತಟ್ಟನೆ ತಲೆಕೆಳಗೆ ಹಾಕುತ್ತಿದ್ದ

ಒಂದು ದಿನ ಅವನು ತೀರಿಕೊಂಡ

ಯಾವುದೋ ಕಾಗದ ಪತ್ರ ಫೈಲ್ ನಲ್ಲಿಡ ಬೇಕಾದ್ರೆ infertility clinic ನ ರಿಪೋರ್ಟ್ ಅವಳ ಕೈಗೆ ಹತ್ತಿತು. ಅದನ್ನು ತೆರೆದು ನೋಡಿದ್ರೆ ಅದರಲ್ಲಿ ಸ್ಪಷ್ಟವಾಗಿ ನಮೂದಿಸಲಾಗಿತ್ತು 'ತೊಂದರೆ ಇದ್ದದ್ದು ಅವಳಲ್ಲಿ'

ಅವನ ಕಣ್ಣೋಟದ ಅರ್ಥ ಈಗ ತಿಳಿದು, ಕುಸಿದು ಕೂತು ಅಳಲು ಶುರು ಮಾಡಿದಳಾಕೆ..

:-)

ಒಂದು special get together

ಶ್ರೀವತ್ಸ ಜೋಶಿಯವರ ಪರಿಚಯ ಹಲವಾರು ವರ್ಷ ಹಿಂದಿನದ್ದು. ಹೇಳಬೇಕಂದ್ರೆ ಅವರು ನನ್ನ very first male friend*. ಅದೇನಾಯ್ತು ಅಂದ್ರೆ ...ಅರೇ ಫ್ಲ್ಯಾಶ್ ಬ್ಯಾಕ್ ಇಲ್ಲದೆ ನನ್ನ ಪೋಸ್ಟ್ ಯಾವತ್ತಾದ್ರೂ ಮುಂದೆ ಹೋಗಿದ್ಯ್ಯಾ?? ಹೇಳಿ ಕೇಳಿ ಇದು ನೆನಪಿನ ಸಂಚಿ. :-)

 ನಾವು ಹೊಸ ಮನೆಗೆ ಶಿಫ್ಟ್ ಆಗಿದ್ವಿ. ಶಿಫ್ಟ್ ಮಾಡಿದ್ದ ದಿನದ ರಾತ್ರಿನೇ ಶ್ರೀಕಾಂತ 15 ದಿವಸಗಳ ಮಟ್ಟಿಗೆ ಓಡಿಶಾ ಗೆ ಆಫಿಸ್ ಟೂರ್ ಮೇಲೆ ಹೊರಡಬೇಕಾಯ್ತು. ನಾ ಒಬ್ಬಳೆ ಮನೆಯ ಸಾಮಾನುಗಳನ್ನು ಜೋಡಿಸ್ತಾ ಇದ್ದೆ. ಸುಮಾರು ರಾತ್ರಿ ತನಕ ಈ ಕೆಲಸ ಮಾಡಿದೆ. ಮಕ್ಕಳಾಗಲೇ ನಿದ್ದೆ ಹೋಗಿದ್ರು. ಆಗ ಮಡಚಿದ ಸ್ಥಿತಿಯಲ್ಲಿ ನನಗೆ ಸಿಕ್ಕಿದ್ದು ಒಂದು ಹಳೆಯ ವಿಜಯಕರ್ನಾಟಕ ಪೇಪರ್. ಮಡಚಿದ ಒಂದು ಬದಿಯಲ್ಲಿ ಇತ್ತು ಶ್ರೀವತ್ಸ ಜೋಶಿಯವರ ಕಾಲಂ. ಶ್ರೀಕಾಂತ ನನಗೆ ಯಾವತ್ತೋ ಒಂದು ದಿನ ಅದನ್ನು ಓದು ಅಂತ ಕೊಟ್ಟಿದ್ದು ನಾನು ಆ ಮೇಲೆ ಓದಿದ್ರಾಯ್ತು. ಕನ್ನಡದಲ್ಲಿ ಏನು ಓದೋದು ಅಂತ ಒಂದು ಉಢಾಫೆ ಕೂಡ ಸೇರಿದ್ದಿರಬಹುದು. ಮನೆಗೆ ತಲುಪಿದ ನಂತರ ಮಾಡಿದ ಮೊದಲ ಕೆಲಸ ನಾನು ಕಂಪ್ಯೂಟರ್ ಸಿಸ್ಟಮ್ ಅನ್ನು ಎಸೆಂಬಲ್ ಮಾಡಿದ್ದು. ಮಾರನೇ ದಿನವೇ BSNL ನವರು ಬಂದು ಫೋನ್ ಹಾಗೂ ಇಂಟರ್ ನೆಟ್ ಕನೆಕ್ಷನ್ ಕೊಟ್ಟದ್ದು ನನಗೆ ಅತ್ಯಂತ ಆಶ್ಚರ್ಯಕರ ಸಂಗತಿ. ನನಗಂತೂ ಅವರನ್ನು ಎಷ್ಟು ಹೊಗಳಿದರೂ ಸಾಲದು. ಈ ಹನ್ನೊಂದು ವರ್ಷಗಳಲ್ಲಿ ಅವರಿಂದ ನಮಗೆ ಯಾವುದೇ ತೊಂದರೆ ಆಗಿಲ್ಲ. ರಿಪೇರಿ ಎಲ್ಲ ಇದ್ರೂ ಕಂಪ್ಲೈನ್ ಲಾಜ್ ಮಾಡಿದ ದಿನಾನೆ ಸರಿ ಮಾಡಿ ಹೋಗ್ತಾರೆ. ನಾನಂತು  BSNL ನವರ advertisement ಯಾವಾಗ್ಲೂ ಮಾಡ್ತಿರ್ತೀನಿ.

ಶ್ರೀವತ್ಸ ಜೋಶಿಯವರ ಅಂಕಣದ ತಲೆಬರಹ 'Monday busy ಇಲ್ಲ, ಮಂಡೆ ಬಿಸಿಯೂ ಇಲ್ಲ' ಅಂತ ಇತ್ತು. ಅದನ್ನು ಓದಿ ಅವರಿಗೊಂದು ಮೈಲ್ ಕಳಿಸಿದೆ. ನನಗೆ 'ಮಂಡೆ'/monday ಅನ್ನುವ ಪದದಿಂದ ಆ ಲೇಖನ atrract ಆಗಿದ್ದು. ಯಾಕೆಂದರೆ ದಕ್ಷಿಣ ಕನ್ನಡ ಜಿಲ್ಲೆ ಯಲ್ಲಿ ನಾವು ಕೆಲವು ವರ್ಷ ಇದ್ದೆವು ಅಲ್ಲಿ ತಲೆ ಗೆ ಮಂಡೆ ಅಂತ ಹೆಚ್ಚು ಬಳಸುತ್ತಾರೆ, 'ಮಂಡೆ ಸಮಾ ಇಜ್ಜಿಯಾ' ಮಂಡೆ ಬೆಚ್ಚ ಮಾರಾಯ್ರೆ etc etc...ಆ ಲೇಖನದಲ್ಲಿ perfect blend of ಹ್ಯೂಮರ್, ಇನ್ಫೋ ಮುಂತಾದವು ಇದ್ದವು. ಅಲ್ಲೇ ಕೆಳಗೆ ಕೊಟ್ಟಿದ್ದ ಇ ಮೈಲ್ ಐಡಿಗೆ ಒಂದು ಮೈಲ್ ಕಳಿಸಿದೆ. ಏನಾಶ್ಚರ್ಯ ಐದೇ ನಿಮಿಷದಲ್ಲಿ ಉತ್ತರ ಹಾಜಿರ್. ಆಮೇಲೆ ಸಿಕ್ಕಾಪಟ್ಟೆ ಇಷ್ಟ ಆಗಿದ್ದು ' ವೃಷಭ ವಿಸರ್ಜಿತ' (ಬುಲ್ಲ್ ಶಿಟ್) ಎಂಬ ಟಾಪಿಕ್ ಓದಿ ಅಂತೂ, ಸಿಂಪಲ್ಲಾಗಿ ಇಷ್ಟೊಂದು ಯಾರಾದರೂ ನಗಿಸಬಹುದಾ ಅಂತ ಎಣಿಸಿ ಅವರಿಗೆ ಉದ್ದುದ್ದ ಮೈಲ್ ಕಳಿಸಲು ಶುರು. ಆಗ ದ್ಯಾಟ್ಸ್ ಕನ್ನಡ ದಲ್ಲಿ ಪ್ರತೀ ಮಂಗಳವಾರ ಅದು ಮೊದಲಿಗೆ ಬರುವುದು ಎಂದು ಎಸ್ ಜೆ ಹೇಳಿದರು. ಸರಿ ಮಂಗಳವಾರ ಮಧ್ಯಾಹ್ನ ನನ್ನ ಆಫಿಸ್ ನ್ ಕೆಲಸ ಮಾಡ್ತಾ thatskannada ದ ಕೊಂಡಿ ಓಪನ್ ಇರ್ತಿತ್ತು. ಅವರ ಅಂಕಣ ಬಿಸಿ ಬಿಸಿಯಿದ್ದಾಗಲೇ ಓದಿ ಅವರೊಂದಿಗೆ ಚ್ಯಾಟ್ ಮಾಡ್ತಿದ್ದೆ. ಅವರಿಂದ ಕಲಿತದ್ದು ಕನ್ನಡವೆಷ್ಟೋ' ನನಗೆ ಗೊತ್ತಾಗದ ಪದಗಳೇನಾದರೂ ಇದ್ದಲ್ಲಿ ಅವರಿಗೆ ತಲೆ ತಿನ್ನುತ್ತಿದ್ದೆ. ಚ್ಯಾಟ್ ಮಾಡೋದಕ್ಕೂ ಕಲಿಸಿದ್ದು ಅವರೇ..:-) ಹೇಳಬೇಕಾದದನ್ನು ಅಚ್ಚುಕಟ್ಟಾಗಿ, ನಮ್ಮ ಮೆದುಳಿಗೆ ಹೆಚ್ಚು ಪ್ರಯಾಸವಾಗದಂತೆ ಬರಹದ ಮೂಲಕ ನಮಗೆ ಉಣಬಡಿಸುತ್ತಾರೆ. ಅದಕ್ಕೆ ಅವರ ಅಂಕಣ ಅಷ್ಟು ಫೇಮಸ್. ಅವರೇ ಹೇಳುವ ಹಾಗೆ infotainmentನಿಂದ ಭರಪೂರ. ಇತ್ತೀಚಿಗಿನ ಕೆಲ ತಿಂಗಳಿಂದ ಬರಹಕ್ಕೆ ಬ್ರೇಕ್ ಅಂದರೂ ಬೇರೆಬೇರೆ ವೃತ್ತಪತ್ರಿಕೆಗಳಲ್ಲಿ ಕಾಣಿಸಿಕೊಂಡ stray ಬರಹಗಳನ್ನು ನಮ್ಮ ಗುಂಪಿಗೆ  ಇ-ಮೈಲ್ ಮೂಲಕ ಕಳುಹಿಸುತ್ತಿರುತ್ತಾರೆ.
ಇಲ್ಲಿಗೆ flash back ಎಂಡ್

ಒಟ್ಟಾರೆ ನಮ್ಮದೊಂದು special ಆತ್ಮೀಯ ಬಂಧ. ಸೀರಿಯಸ್ ಆಗಿರುತ್ತಿದ್ದ ನಾನು ನಗಲು ಕಲಿತದ್ದು ಅವರಿಂದ. ನಮ್ಮ ಮನೆಯಲ್ಲಿ ಬೇಕಾದರೆ proof ಕೇಳ ಬಹುದು. ಕನ್ನಡ ದ ಪನ್ ಗಳನ್ನು ಕಲಿತಿದ್ದು ಅವರಿಂದ.

ಅವರಿಂದಲೇ ಚುಲ್ ಬುಲಿ ಜ್ಯೋತಿ ಕಡ್ಲಾಡಿ, ಸಂಧ್ಯಾ ಅವರ ಪರಿಚಯ ಆಗಿದ್ದು. ವೇದ ಮತ್ತು ನಾಗಮಣಿ ನನಗೆ ನನ್ನ ಬ್ಲಾಗ್ ಮೂಲಕ ಪರಿಚಯ ಇತ್ತಿಚಿನ ಎರಡು ವರ್ಷದ ಪರಿಚಯ ಆದ್ರೂ ಹಳೇಪರಿಚಯದಂತೆ ನಮ್ಮೊಂದಿಗೆ ಬೆರೆತು ಹೋಗಿದ್ದಾರೆ. ಒಂದಿನ ಹೇಗೋ ಶ್ರೀವತ್ಸ್ ಜೋಶಿಯವರ ಬರಹದ ಬಗ್ಗೆ ಮಾತು ಬಂದಾಗ ನಮ್ಮೆಲ್ಲರನೂ ಲಿಂಕಿಸುವ ಮೈಲ್ ಕಳುಹಿಸಿ ಹೀಗೆ ಆಯ್ತು ನಾವು ಪಂಚ ನಾರಿಯರು ಮತ್ತು ಶ್ರೀ (ಕೃಷ್ಣ)ವತ್ಸ್ ಜೋಶಿಯವರ ಗ್ಯಾಂಗ್. ನಾವು ದಿನಕ್ಕೆ ಎಷ್ತೊಂದು ಮೈಲ್ ಗಳನ್ನು ವಿನಿಮಯ ಮಾಡಿಕೊಳ್ಳುತ್ತೇವೆ. ಅದರಲ್ಲೂ ನಾನು ಆಶ್ಚರ್ಯ ಪಡುವ ಸಂಗತಿಯೆಂದರೆ ಎಸ್ ಜೆ  ಯವರಿಗೆ ಸಾವಿರಾರು ಮಿತ್ರರು. ಎಲ್ಲರ ಜತೆಯಲ್ಲೂ ಸಂಪರ್ಕದಲ್ಲಿರುತ್ತಾರೆ. ಅವರ ಪುಸ್ತಕಗಳ ಬಿಡುಗಡೆ ಎಂದರೆ ಹಾಲ್ ಕಿಕ್ಕಿರಿದು ತುಂಬಿರುತ್ತದೆ. ಸಾಧ್ಯವಾದಷ್ಟು ಎಲ್ಲರ ಬಳಿಯಲ್ಲು  ಮಾತಾಡುವ ಪರಿಚಯ ಮಾಡಿಕೊಳ್ಳುವ ಪರಿಪಾಠ ಇಟ್ಟುಕೊಂಡಿದ್ದಾರೆ. ಇನ್ನು face book ನಲ್ಲಂತೂ 5000 ಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಇವರಿಗೆ ಫ್ರೆಂಡ್ಸ್ ಇದ್ದಾರೆ. ಆದರೂ ಈ ನಮ್ಮ ಗ್ಯಾಂಗ್ ಗೋಸ್ಕರ ಯಾವತ್ತೂ ಅವರ ಬಳಿ ಸಮಯ ಇದೆ.

ಪ್ರತೀ ಸಲ ಭಾರತಕ್ಕೆ ಬಂದಾಗ ನಮ್ಮ ಭೇಟಿ ಹೊರಗಡೆ. ಎಲ್ಲರಿಗೂ convenient ಅನಿಸುವ ಜಾಗದಲ್ಲಿ ಹೆಚ್ಚಾಗಿ ಅಂಕಿತ ಪುಸ್ತಕ ಬಿಟ್ಟರೆ ಅವರ ಪುಸ್ತಕ ಬಿಡುಗಡೆ ಸಮಾರಂಬದಲ್ಲಿ ಆಗುತ್ತಿತ್ತು. ಹಿಂದಿನ ವರ್ಷ ನಮ್ಮ ಮನೆಗೆ ಊಟಕ್ಕೆ ಕರೆದಿದ್ದೆ, ಆದರೆ ನಮ್ಮ ಭೈಯ್ಯನವರು ತೀರಿಕೊಂಡಿದ್ದರಿಂದ ಅದು ರದ್ದಾಯಿತು. ಈ ವರ್ಷ ನಾವು ವೇದಾ ಅವರ ಮನೆಯಲ್ಲಿ ಊಟಕ್ಕೆಂದು ಸೇರಿದ್ದು. ಇದಕ್ಕೊಂದು ಆತ್ಮೀಯ ವಾತಾವರಣ ಒದಗಿಸಿದ್ದು ವೇದಾ ಅವರ ಮನೆ. (your home has great positive vibes, Veda). ಆರಾಮಾಗಿ ಊಟ, ಹರಟೆ, ಚರ್ಚೆ,what makes SJ tick, ಅಲ್ಲೊಂದು ಮಿನಿ ಸಂಗೀತದ ಬೈಠಕ್ಕ್. ನನಗಂತೂ ಅಲ್ಲಿಂದ  ಹೊರಡಲೂ ಮನಸ್ಸು ಬರಲಿಲ್ಲ. ಆದರೆ ರಾತ್ರಿ ಆಫಿಸ್ ನವರು ಹಾಗೂ ಕುಟುಂಬದವರೊಂದಿಗೆ 'ಮಲೆಗಳಲ್ಲಿ ಮದುಮಗಳು' ನಾಟಕ ನೋಡಲು ಹೋಗಬೇಕಾದ್ದರಿಂದ ಅಲ್ಲಿಂದ ಹೊರಟು ಬರಬೇಕಾಯಿತು. ಇದಕ್ಕೆ ತಕ್ಕ ಸಾಥ್ ನೀಡಿದ್ದು ಸಹನಾ ಜೋಶಿ, ಎಸ್ ಜೆ ಯವರ ಮಡದಿ.

SJ singing majhe mahera Pandhari a popular marathi abhang

ಯು ಎಸ್ ನಲ್ಲಿ ಪ್ರತಿಷ್ಠಿತ ಕಂಪನಿಯ  ಜವಾಬ್ದಾರಿಯುತ ಹುದ್ದೆಯಲ್ಲಿದ್ದರೂ  ಯಾವುದೇ ಅಹಂಭಾವವಿಲ್ಲದ ಸಿಂಪಲ್, down to earth ವ್ಯಕ್ತಿತ್ವ.

ಜ್ಯೋತಿಯ ಹುಟ್ಟಿದ ಹಬ್ಬ ಆ ದಿನ. ಶ್ರೀವತ್ಸ ಜೋಶಿ 'ಪಂಕಜ ನೇತ್ರಿ' ಹಾಡನ್ನು ಸೊಗಸಾಗಿ ಹಾಡ್ತಾ, ಜ್ಯೋತಿ ಅವರಿಗೆ ಸಾಥ್ ನೀಡ್ತಾ ಇದ್ರೆ ನಾನಂತೂ ಕೇಳಿರದ ಈ ಚಂದದ ಹಾಡನ್ನು ಕೇಳಿ clean blowled.. hats off SJ...

ಸಂಭ್ರಮಕ್ಕೆ ಇನ್ನೊಂದು ಕಾರಣವೆಂದರೆ ಡಾ ನಾಗಮಣಿ ಮಧ್ಯಪ್ರದೇಶದಿಂದ ನಮ್ಮೊಂದಿಗಿದ್ದದ್ದು. soft spoken ನಾಗಮಣಿ ಒಳ್ಳೆಯ ಡಾಕ್ಟರ್ ಮಾತ್ರವಲ್ಲ ಒಳ್ಳೆಯ ಬರಹಗಾರರೂ ಕೂಡ. ಬಹುಶ: ಮಿದುಮಾತಿನಿಂದ ತಮ್ಮ ಪೇಶೆಂಟ್ಸ್ ಗಳ ಕಾಯಿಲೆ ಅರ್ಧ ವಾಸಿಮಾಡುತ್ತಾರೆ ಅನ್ನಿಸುತ್ತೆ. ಒಳ್ಳೆ ಸಂಗೀತ ಉಲಿದಂತೆ ಚೆಂದದ ಅಳೆದು ಸುರಿದು ತೂಕದ ಮಾತಾಡುವಾಗ ಕೇಳುತ್ತಲೇ ಇರೋಣ ಅನ್ನಿಸುತ್ತೆ.

'ಅಮ್ಮಾ ನಿನ್ನ ಎದೆಯಾಳದಲ್ಲಿ ಗಾಳಕ್ಕೆ ಸಿಕ್ಕ ಮೀನುsss'- ಸುಶ್ರಾವ್ಯವಾಗಿ ಹಾಡಿದ ನಮ್ಮೆಲ್ಲರ ಪ್ರೀತಿಯ ಜ್ಯೋ

ಇನ್ನು ಜ್ಯೋತಿ..ನಿಜಕ್ಕ್ಕೂ ಬೆಳಕು. ತಟ್ಟನೆ ರೂಮ್ ಎಲ್ಲ ಬೆಳಕಾದ ಅನುಭವ. ನಮ್ಮ ಗ್ಯಾಂಗ್ ನ bubbly. ಆಹ್ಲಾದದಿಂದ
ಚಟುವಟಿಕೆಯಿಂದ ಚುರುಕುತನದಿಂದ ಕೂಡಿದ ವ್ಯಕ್ತಿತ್ವ, ಉಲ್ಲಾಸದ ಬುಗ್ಗೆ, ಲವಲವಿಕೆಯ ಜ್ಯೋ. ಎಷ್ಟು superlatives ಬಳಸಿದ್ರೂ ಅದು ಕಡಿಮೆನೆ. ಒಳ್ಳೆಯ ಹಾಡುಗಾರ್ತಿ, ಮಾತ್ರವಲ್ಲ ಅವರ ಆಫಿಸ್ ನ magazine ಕೂಡ ನಡೆಸಿದವರು. ಆಗಾಗ ಅವರ ಕಿರು ಬರಹ ಪುರುವಣಿಗಳಲ್ಲಿ ಕಾಣಸಿಗುತ್ತವೆ. ಸ್ಪಟಿಕ ದಂತ ಮನಸ್ಸು. ಅನಿಸಿದ್ದನ್ನು ತಟ್ಟಂತ ಏನೂ ಮುಚ್ಚುಮರೆಯಿಲ್ಲದೆ ನೇರ ನುಡಿ. ಇಂತಹ ವ್ಯಕ್ತಿತ್ವದವರು ಅತೀ ವಿರಳವೆಂದೇ ಹೇಳಬಹುದು.

ಬಂದೇ ಬರುತ್ತಾವ ಕಾಲ - ಎಂದು ಹಾಡುತ್ತಿರುವ ವೇದಾ...

ವೇದ: ಬ್ಲಾಗ್ ನಲ್ಲಿ ನಾಟಿ naughty ಕಮೆಂಟ್ಸ್ ನಿಂದ ನನ್ನ ಗಮನ ಸೆಳೆದವರು. ಅತ್ಯಲ್ಪ ಸಮಯದಲ್ಲಿ ಚುಟುಕುಗಳನ್ನು  ತ ಯಾರಿಸುವುದು, ನಮಗೆಲ್ಲರಿಗೂ ನಿಕ್ ನೇಮಗಳನ್ನು ಇಡುವುದರಲ್ಲಿ ಎತ್ತಿದ ಕೈ. ಆಫಿಸ್ ನ ಕೆಲಸ ಮ್ಯಾನೇಜ್ ಮಾಡ್ತಾನೆ ನಮ್ಮ ಮೈಲ್ ಗಳಿಗೆಲ್ಲ ಇಂಟರೆಸ್ಟಿಂಗ್ funny punny ರಿಪ್ಲೈ ಕೊಡುವವರು.

ದೂರಾ ಬಹು ದೂರ ಹೋಗುವ ಬಾರ ಅಲ್ಲಿಹುದೆಮ್ಮ ಊರ ತೀರ- ನಾಗಮಣಿಯವರ ಹಾಡು, ಪಕ್ಕದಲ್ಲಿ ಸಹನಾ ಜೋಶಿ

ವೇದಾ ಅವರ ಮನೆಯವರದ್ದೆಲ್ಲ ಪರಿಚಯ ಆಗಿದ್ದು ನಿಜಕ್ಕೂ ಸಂತೋಷ. ನಮ್ಮೆಲ್ಲ ಮಾತು ಕತೆಗಳಲ್ಲಿ ಅವರ ತಾಯಿ ಕೂಡ ಸಕ್ರೀಯವಾಗಿ ಭಾಗವಹಿಸಿ ಅವರದ್ದೆ ಜೀವನಾನುಭವದ ಇಂಟರೆಸ್ಟಿಂಗ್ episodes ಗಳನ್ನು ಶೇರ್ ಮಾಡಿಕೊಂಡರು.

ವೇದಾ ಅವರ ತಾಯಿಯೊಂದಿಗೆ ಒಂದು ಫೋಟೋ

ಮಿಸ್ ಮಾಡಿಕೊಂಡಿದ್ದು ಸಂಧ್ಯಾ ಅವರನ್ನು. ಅವರಿಗೆ ಹೈದರಾಬಾದಿನಿಂದ ಬರಲಾಗಲಿಲ್ಲ. ಆದರೂ ವೇದ ಮನೆಯಿಂದಲೇ ಅವರೊಂದಿಗೆ ಫೋನ್ ನಲ್ಲಿ ಮಾತುಕತೆ.

ಸಂಧ್ಯಾ ಜತೆ ಮಾತಾಡ್ತಾ ಇದ್ದಾಗ ಒಂದು ಪೋಸ್- thanks to sweet Mukesh for the click

cake from sweet chariot

ರಾತ್ರಿ 'ಮಲೆಗಳಲ್ಲಿ ಮದುಮಗಳ' ಮೇಲೆ ಮನಸ್ಸು ಹೆಚ್ಚು ಕೇಂದ್ರಿಕರಿಸಲಾಗಲಿಲ್ಲ. ಮನಸ್ಸು ನಮ್ಮ ಮೀಟ್ ಬಗ್ಗೆಯೆ ಗಿರ್ಕಿ ಹೋಡಿತಾ ಇತ್ತು. ಆ ದಿನ ಮಾತ್ರವಲ್ಲ ಒಂದು ವಾರದ ತನಕ ಈ ಭೇಟಿಯ ಸವಿ ನೆನಪಿನ ಗುಂಗು...ನಮ್ಮ ಮನೆಯವರಿಗೆಲ್ಲ ಹೊಟ್ಟೆಕಿಚ್ಚಾಗುವಷ್ಟು.
ನಮ್ಮ ಈ ಗ್ಯಾಂಗ್ ಯಾವಾಗಲೂ ಹೀಗೇ ಚಟ್ ಪಟಾ ಆಗಿರಲಿ ಎಂದು ಹಾರೈಸುತ್ತ...  I am maha proud to have you all as my friends...ನಮ್ಮನೆಲ್ಲ ಒಂದು ಚಂದದ ಬಂಧನದಲ್ಲಿ  ಪೋಣಿಸಿದ email ಗೂ ಒಂದು ದೊಡ್ಡ ಥ್ಯಾಂಕ್ಸ್.
ಇದು ನನ್ನ 250 ನೇ ಪೋಸ್ಟ್ ಅಂತ ಹೇಳಲೂ ನಿಜಕ್ಕೂ ಖುಶಿಯಾಗುತ್ತಿದ್ದೆ. thanks to all (there are so many) who made it possible
love
* my very first male friend: by default ಶ್ರೀಕಾಂತ ಫ್ರೆಂಡ್ಸ್ ಎಲ್ಲ ನನ್ನ ಸ್ನೇಹಿತರು. ಶ್ರೀವತ್ಸ ಜೋಶಿಯವರ ಸ್ನೇಹ ನಾನೇ initiative ತೆಗೊಂಡು ಮಾಡಿದ್ದು ಅಂತ ಅಷ್ಟೆ...
:-)

ನಿರಾಳ

ಆತ ಅಡಿಗೆ ಮನೆಗೆ ಹೊಕ್ಕಾಗ ಆಕೆ ಹಾಲಿನ ಪ್ಯಾಕೆಟ್ ಒಂದನ್ನು ಕಟ್ ಮಾಡಿ ಪಾತ್ರೆಗೆ ಹಾಕ್ತಾ ಇದ್ದಳು. ಆ ಪ್ಯಾಕೆಟ್ ಕಂಡ ಕೂಡಲೆ ಅವನ ಕೋಪ ಭುಗಿಲ್ಲೆಂದಿತು. ಅವಳು ಏನಾದರೂ ಹೇಳುವ ಮುಂಚೆ ಛಟೀರ್ ಎಂದು ಅವಳ ಕೆನ್ನೆಗೆ ಹೊಡೆದ. ಹೊಡೆತವನ್ನು ನಿರೀಕ್ಷಿಸದ ಆಕೆ ಆಯ ತಪ್ಪಿ ಬಿದ್ದಳು. ಬೀಳುವಾಗ ಹಳೆ ಫ್ರಿಜ್ ನ ಅಂಚು ತಲೆಗೆ ತಾಗಿ ತಲೆಯಿಂದ ಬಳಬಳನೆ ರಕ್ತ ಸುರಿಯಲಾರಂಭಿಸಿತು. ಕಣ್ಣು ಕತ್ತೆಲೆ ಬಂದು ಬಿದ್ದಿದ್ದಳು ಆಕೆ.

ಎಚ್ಚರವಾದಾಗ ಆಸ್ಪತ್ರೆಯಲ್ಲಿದ್ದಳು. ತಲೆ ಎತ್ತಲಿಕ್ಕಾಗದಷ್ಟು ನೋವು. ಅವಳ ಅಮ್ಮ ಆಕೆಯ ಪಕ್ಕ ಕೂತವರು ಅವಳಿಗೆ ಪ್ರಜ್ಝೆ ಬಂದಿದ್ದನ್ನು ನೋಡಿ, ಕೂಡಲೆ ಅವಳ ಕಿವಿಯ ಹತ್ತಿರ ಬಾಗಿ, ಹೊರಗಡೆ ಪೋಲಿಸರಿದ್ದಾರೆ, ಕಾಲು ಜಾರಿ ಬಿದ್ದೆ ಅಂತ ಹೇಳಿಕೆ ಕೊಡು ಅಂತ ಪಿಸುಗುಟ್ಟಿದರು. ಮತ್ತೆ ನಿನಗೇನು ಬಂತು ಕೇಡು. ಅಷ್ಟು ಹೆಚ್ಚು ದುಡ್ಡು ತೆತ್ತು ಶ್ರೀಮಂತರು ಕುಡಿಯುವ ಹಾಲಿನ ಪ್ಯಾಕೆಟ್ ತಂದಿದ್ದು, ಅದೂ ಗಂಡ ನಿಗೆ ಒಳ್ಳೆಯ ಸಂಬಳವಿಲ್ಲವೆಂದೂ ಕೂಡ'?

ಆಕೆಗೆ ಅವಳ ಅಮ್ಮನ ಮೇಲೆ ಹೇಸಿಗೆ ಹುಟ್ಟಿತು. ತುಟಿಪಿಟಕ್ಕೆನ್ನದೆ ಮಣಭಾರ ಎನ್ನಿಸುವ ತಲೆಯನ್ನು ಆದಷ್ಟು ಪಕ್ಕಕ್ಕೆ ಹೊರಳಿಸಿದಳು

ಅವಳು ಬಿದ್ದು , ಅಡಿಗೆ ಮನೆಯೆಲ್ಲ ರಕ್ತ ಆದಾಗ, ಅವಳು ಅಲುಗಾಡದೆ ಮಲಗಿದ್ದನ್ನು ನೋಡಿ ಆತ ಅಕ್ಕಪಕ್ಕದವರನ್ನು ಕೂಗಿದ. ಅವರೆಲ್ಲ ಸೇರಿ ಆಕೆಯನ್ನು ಆಸ್ಪತ್ರೆಗೆ ತಂದಿದ್ದರು. ಪೋಲಿಸ್ ಕಂಪ್ಲೈನ್ ಕೊಡದೆ ಆಕೆಯನ್ನು ಸೇರಿಸಲ್ಲ ಅಂದಾಗ ಅಲ್ಲೆ ಹತ್ತಿರವಿದ್ದ ಪೋಲಿಸ್ ಸ್ಟೇಶನ್ ನಲ್ಲಿ ಕಂಪ್ಲೈನ್ ಲಾಜ್ ಮಾಡಿದ್ದರು. 6 ಗಂಟೆಗಳ ನಂತರ ಆಕೆಗೆ ಪ್ರಜ್ಞೆ ಮರುಕಳಿಸಿತ್ತು. ಈಗ ಅಮ್ಮನ ಈ ವರಾತ. ಆಕೆಗೆ ಸುಸ್ತಾಗಿತ್ತು.

ಬೇಡ ಬೇಡ ಅಂದರೂ ತನ್ನ ತಮ್ಮನನ್ನೆ ಪದವಿಧರೆಯಾದ  ಆಕೆಗೆ ಕಟ್ಟಿದ್ದಳು. ಓದಿಲ್ಲದೇ ಅಪಾಪೋಲಿ ತಿರುಗುತ್ತಿದ್ದವ. ಮದುವೆಯಾದರೆ ಸರಿ ಹೋಗುತ್ತಾನೆ ಅಂತ ಆಕೆ ಅಮ್ಮನ ವಿಶ್ವಾಸ. ಆಕೆಯ ಓದಿಗೆ ಆಕೆಯ sensibility ಗೆ ಅವನ ಒಂದು ಗುಣವೂ ತಾಳೆಯಾಗುತ್ತಿರಲಿಲ್ಲ. ಆದರೂ ಸಂಸಾರ ಎಂಬ ಸಮುದ್ರದಲ್ಲಿ ಧುಮುಕಿಯಾಗಿದೆ. ಈಜುವುದೊಂದೆ ನನ್ನ ಕೆಲಸ ಅಂತ ಆಕೆ stoic ಆಗಿ ಜೀವನ ನಡೆಸುತ್ತಿದ್ದಳು

ಅಮ್ಮ ಒಂದಿನ ಯಾವುದೋ ಸಮಾರಂಭದಲ್ಲಿ ಎಲ್ಲರೆದುರಿಗೇ ಆತ ಕಡಿಮೆ ಓದಿದವ, ಆಕೆಗೆ ಅವನ ಜತೆ ಮದುವೆ ಮಾಡಲು ಇಷ್ಟವೇ ಇರಲಿಲ್ಲ, ಈಗ ನೋಡಿ ಅಂತ ಸಂಭ್ರಮದಿಂದ ಹೇಳಿದಳೇನೋ ನಿಜ, ಆದರೆ ಆ ಮಾತನ್ನೆ  ತಲೆಯಲ್ಲಿಟ್ಟು ಅವನು ಆಕೆಗೆ ಇತ್ತೀಚಿಗೆ ಹಂಗಿಸಲು ಶುರು ಮಾಡಿದ್ದ.  ಕುಡಿದು ಬಂದಾಗ ಆಕೆ ಮುಖ ಸಿಂಡರಿಸಿ ಬಾಗಿಲು ತೆಗೆದಾಗ ಎರಡು ಹೊಡೆದಿದ್ದಾನೆ ಕೂಡ.

ಈಗ ಅವಳು ಚೊಚ್ಚಿಲ ಬಸುರಿ. ಅವಳಿಗೆ ಅವನ ಜತೆ ಏಗುವುದು ಕಷ್ಟ ವಾಗ್ತಿದೆ. ಮಗುವಿನ ಭವಿಷ್ಯ ಕೂಡ ಹಾಳಾಗುವುದರಲ್ಲಿದೆ ಎಂದು ಅವಳಿಗೆ ಅಸಮಾಧಾನ. ಅವಳಿಗೆ ತಾನು ಒಂದು ನೌಕರಿ ಮಾಡಿ ತನ್ನದೇ ಸ್ವಾವಲಂಬೀ ಬದುಕು ನಡೆಸಬೇಕೆಂಬ ಅಪೇಕ್ಷೆ.

ಅವಳು ಹುಡುಕುತ್ತಿದ್ದ ದಾರಿ ಅವಳ ಕಾಲಿಗೆ ಸಿಕ್ಕಿ ಬಿದ್ದಿದೆ.

ಅಮ್ಮನನ್ನು ಬಳಿ ಕರೆದು, 'ಅಮ್ಮ ,ನನಗೆ ಈ ವಿವಾಹದಿಂದ ಬಿಡುಗಡೆ ಮಾಡಿಸುತ್ತಿ ಎಂದಾದರೆ ನಾನು  ಆತನ ಬಗ್ಗೆ ಕಂಪ್ಲೈನ್ ನೀಡುವುದಿಲ್ಲ. ಅಷ್ಟಕ್ಕೂ ಹೆಚ್ಚು ಕ್ರಯದ ಹಾಲಿನ ಪ್ಯಾಕೆಟ್ ನಮ್ಮದಲ್ಲವೇ ಅಲ್ಲ. ಪಕ್ಕದ ಮನೆಯ ಮಗುವಿಗೋಸ್ಕರ ತಂದ ಹಾಲು. ಅವರ ಫ್ರಿಜ್ ಹಾಳಾಗಿದೆ ಅಂತ ನನಗೆ ಕೊಟ್ಟಿದ್ದರು. ಹಾಲು ಕಾಸಿ ಕೊಟ್ಟಿದ್ದರೆ ನಾವೇನೂ ಬಡವ ರಾಗ್ತಿರಲಿಲ್ಲ ಬಿಡು.ಕೇಳುವಷ್ಟು ವ್ಯವಧಾನ ಕೂಡ ಇಲ್ಲ ನಿನ್ನ ಅಳಿಯಂಗೆ.   ನನಗೆ ಅವನ ಜತೆ ಸಂಸಾರ ಮಾಡಲು ಇಷ್ಟವಿಲ್ಲ' ಎಂದಾಗ ಅಮ್ಮ ಕಕ್ಕಾಬಿಕ್ಕಿ.

(ಸುಮ್ನೆ ತೋಚಿದ್ದನ್ನು ಬೇಗ ಬೇಗ ಬರೆದು ಹಾಕಿದೆ...net ಸರಿಯಿಲ್ಲ. ಆಫಿಸ್ ನ dongle use ಮಾಡ್ತಿದ್ದೇನೆ..ಶ್ssss ಯಾರಿಗೂ ಹೇಳಬೇಡಿ ಮತ್ತೆ...ಈ ಕತೆ ಬರೀಬೇಕನ್ನಿಸಿದ್ದು ವ್ಯಾಸರಾಯ ಬಲ್ಲಾಳರ ಸಮಗ್ರ ಕತೆ'  ಗಳನ್ನು ಓದಿ)
ಇದು ಕತೆ ಬರೆಯುವ ಪ್ರಯಾಸ..ಈ ಹಿಂದೆ ಬರೆದ ಕತೆ (ಒಂದು feel good ಮಿನಿ ಕತೆ) ಯೊಂದನ್ನು ಆಪ್ತ ಮಿತ್ರರಿಗೆ ಕಳುಹಿಸಿದಾಗ ಅವರ ಉತ್ತರ ಹೀಗಿತ್ತು:
"ಮನಸಿಗೆ ಸಂತೋಷ ಕೊಡುವ ಪ್ರಸಂಗ.  ಕತೆಯಾಗಿ ಯಶಸ್ವಿಯಲ್ಲದಿದ್ದರೂ, ನಿಜವಾಗಿ ನಡೆದ ಘಟನೆಯಿರಬೇಕೆಂದು ಅನಿಸಿತು. ಕತೆಗೆ ಇಷ್ಟೊಂದೆಲ್ಲಾ ಆಕಸ್ಮಿಕಗಳು ಇರುವಂತಿಲ್ಲ!"

ಅವ್ರಿಗೊಂದು ಥ್ಯಾಂಕ್ಸ್ ಹೇಳುತ್ತಾ.....ನನ್ನ ಪ್ರಯತ್ನ ಜಾರಿಯಲ್ಲಿರಿಸುತ್ತಾ (ಈ ಪದ ಪ್ರಯೋಗ ಸರಿಯಾಗಿದೆಯಾ ಗೊತ್ತಿಲ್ಲ)

:-)

ಅಂತ:ಕರಣ

ಮಂಜ ಬ್ಯಾಂಕ್ ನಿಂದ ಫೋನ್ ಮಾಡಿದ್ದ. 'ಶರ್ಮ ಸರ್ ಬೇಗ ಬ್ಯಾಂಕ್ ಗೆ ಬನ್ನಿ' ಅಂತ. ಸ್ಪೀಕರ್ ಫೋನ್ ನಲ್ಲಿಟ್ಟು ಮೊಬೈಲ್ ಆಲಿಸುವ ಶರ್ಮರಿಗೆ ಬಂದ ಕರೆಯಿಂದ, ಮಂಜ ನ ಬೆದರಿದ ದನಿ ಎಲ್ಲರಿಗೂ ಕೇಳಿಸಿತ್ತು. ಮಂಜ ಆ ಸಂಸ್ಥೆಯಲ್ಲಿ 7 ವರ್ಷಕ್ಕಿಂತ ಹೆಚ್ಚಾಗಿ ಕೆಲಸಕ್ಕಿದ್ದಾನೆ. ಆಫಿಸ್ ನ ಕ್ಯಾಶ್ ಎಲ್ಲ ಅವನೇ ಹ್ಯಾಂಡಲ್ ಮಾಡೋದು.

ಮಂಜನನ್ನು ಕಂಡರೆ ಶರ್ಮರಿಗೆ ಮಗನಂತಹ ಅಕ್ಕರೆ. ಅವನೂ ತನಗೆ ತೊಂದರೆ ಏನಾದರೂ ಇದ್ದಲ್ಲಿ ಶರ್ಮರ ಬಳಿ ಅದನ್ನು ಶೇರ್ ಮಾಡಿ ತನ್ನ ದುಗುಡ ಕಡಿಮೆ ಮಾಡಿಕೊಳ್ಳುತ್ತಿದ್ದ. ಮನೆಯಲ್ಲಿ ಮಂಜ ಮತ್ತು ಅವನ ತಾಯಿ ಅಷ್ಟೆ ಇರುವುದು.

ಆಫಿಸ್ ಗೆ ತರುವ ಕ್ಯಾಶ್ ಏನಾದರೂ ಕಳುವಾಯಿತೆ? ಯಾಕೆ ಹುಡುಗ ಅಷ್ಟು ಹೆದರಿಕೊಂಡಿದ್ದಾನೆ ಅಂತ ಹೇಳುತ್ತಲೇ ಶರ್ಮ ಬ್ಯಾಂಕ್ ತಲುಪಿದಾಗ ಮಂಜ ನ ಮೇಲೆ ಕಳ್ಳತನದ ಆರೋಪ ಹೊರಿಸಿ ಅವನಿಗೆ ಥರ್ಡ್ ಡಿಗ್ರೀ ನೀಡ್ತಾ ಇದ್ದರು.

ಮಂಜ ಅಳುತ್ತಾ ಇದ್ದ. 'ಸರ್ ನಾನೇನೂ ಮಾಡಿಲ್ಲ, ಬ್ಯಾಂಕ್ ಹೊರಗೆ ನಿಂತ ಒಬ್ಬರು, 'ಗುರು ಪ್ಲೀಸ್ ಆ ಕಪ್ಪು ಬ್ಯಾಗ್ ಇತ್ತ ತಾ' ಅಂದಾಗ ನಾನು ಅದನ್ನು ಒಯ್ದು ಕೊಟ್ಟೆ ಆತನಿಗೆ. ಆದರೆ ಅದು- ಅಲ್ಲಿದ್ದ ಮಹಿಳೆಯ ಕಡೆ ಬೊಟ್ಟು ಮಾಡುತ್ತ  -'ಈಯಮ್ಮನದಂತೆ ಆ ಬ್ಯಾಗ್', ನಾನು ಆ ಬ್ಯಾಗ್ ತೆಗೆದುಕೊಂಡು ಹೋದವರು ಇಬ್ಬರೂ ಸೇರಿ ಕಳ್ಳತನ ಮಾಡಿದ್ದೇನಂತ, ಯಾರು ಅವರು  ಅಂತ ಹೇಳು ಅಂತ ನನಗೆ ಬೆದರಿಸ್ತಿದ್ದಾರೆ ಸರ್, ನನಗೇನೂ ಗೊತ್ತಿಲ್ಲ. ಪೋಲಿಸ್ ಗೆ ಕೊಡ್ತಾರಂತೆ.'

ಅಷ್ಟರಲ್ಲಿ ಶರ್ಮ ಅವರು ಆಫಿಸ್ ನ ಇತರೇ ಸೀನಿಯರ್ಸ್ ಗೆ ಎಲ್ಲ ಹೇಳಿದ್ದರಿಂದ ಅವರೆಲ್ಲ ಬ್ಯಾಂಕ್ ತಲುಪಿ, ಮಂಜ ನ ಪರವಾಗಿ ವಾದಿಸ ಹತ್ತಿದರು. ಅವನು ಚಿಕ್ಕ ವಯಸ್ಸಿನಿಂದ ಆ ಆಫಿಸ್ ನಲ್ಲಿ ಕೆಲಸಕ್ಕಿರೋದು, ಆಫಿಸ್ ನ ಜವಾಬ್ದಾರಿಯುತ ಕೆಲಸಗಳನ್ನು ಮಾಡುತ್ತಿರುವುದು, ನಮ್ಮ ಸಂಸ್ಥೆ ಬ್ಯಾಂಕಿನ್ ಹೆಮ್ಮೆಯ ಕಸ್ಟಮರ್ಸ್ ಮುಂತಾದು.

'ಸಿ ಸಿ ಟಿ ವಿ footage ನೋಡಿ, ಆ ಮಹಿಳೆ ಕಂಪ್ಲೈನ್ ಲಾಜ್ ಮಾಡಿದರೆ, ಪೋಲಿಸ್ ಗೆ ಕರೆ ಮಾಡುವ ಅಂದಾಜಿನಲ್ಲಿದ್ದರು ಬ್ಯಾಂಕ್ ಮ್ಯಾನೇಜರ್'

ಅಷ್ಟರಲ್ಲಿ ಶರ್ಮ ರು ಕಳವಾದ ಬ್ಯಾಗ್ ನ ಮಾಲೀಕಳಾದ ಆ ಹೆಂಗಸನ್ನು ನೋಡಿದರು, ಆಕೆ ಸುಮ್ಮನೆ ನಿಂತಿದ್ದರು

'ಏನಮ್ಮ ಬ್ಯಾಗ್ ನಲ್ಲಿ ಬೆಳೆ ಬಾಳುವ ವಸ್ತು, ದುಡ್ಡು, ಬಂಗಾರ ಮುಂತಾದ್ದು ಇತ್ತೆ?

'ಇಲ್ಲ ಸರ್ ನಮ್ಮ ತಂದೆ ಇದ್ ಹಬ್ಬದ ಉಡುಗೊರೆಯಂತ ಆ ಬ್ಯಾಗ್, ಅದರಲ್ಲಿ ಮಕ್ಕಳಿಗೆ ಒಂದು ಜೊತೆ ಬಟ್ಟೆ, ಮತ್ತು ಸ್ವೀಟ್ ಅಷ್ಟೆ ಇದ್ದದ್ದು' ನಾನು ಅಬ್ಬು ಕೊಟ್ಟ ಉಡುಗೊರೆ ಕಾಣೆಯಾದದ್ದಕ್ಕೆ ಸ್ವಲ್ಪ ಗಲಾಟೆ ಮಾಡಿದ್ದು ಹೌದು ಮತ್ತು ನಿಮ್ಮ ಹುಡುಗ ಅದನ್ನು ಹೊರಗೆ ನಿಂತವರಿಗೆ ರವಾನಿಸುವುದನ್ನು ನೋಡಿದ್ದೆ'

ನೋಡಮ್ಮ ಅವನೇನೂ ಆ ಬ್ಯಾಗ್ ಹೊರಗೆ ಕಳಿಸಿಲ್ಲ ಅಂತ ಹೇಳಿಲ್ಲ, ಆದರೆ ತುಂಬ ಕಷ್ಟ ಪಟ್ಟು ಮೇಲೆ ಬರುತ್ತಿರುವ ಹುಡುಗ, ನಮ್ಮ ಸಂಸ್ಥೆಯಲ್ಲಿ ಹಲವಾರು ವರ್ಷಗಳಿಂದ ದುಡೀತಿದ್ದಾನೆ, ನಮಗೆ ಅವನ ಮೇಲೆ ನಂಬಿಕೆಯಿದೆ. ನಿಮ್ಮ ನಷ್ಟ ನಾವು ಭರಿಸುತ್ತೇವೆ, ಪೋಲಿಸ್ ಕಂಪ್ಲೈನ್ ಕೊಟ್ಟು ಅವನ ಜೀವನ ಹಾಳು ಮಾಡಬೇಡಿ ಅನ್ನುವುದು ನಮ್ಮ ಕಳಕಳಿಯ ವಿನಂತಿ' ಮುಂದೆ ನಿಮ್ಮ ಇಚ್ಛೆ' ಅಂದರು

ಅಷ್ಟರೊಳಗೆ ಸಿ ಸಿ ಟಿ ವಿ ಫೂಟೇಜ್ ನೋಡ ಸಿಕ್ಕಿತ್ತು. ಎಷ್ಟು ಸಹಜವಾಗಿತ್ತು ಆ ಹೆಳ್ಮೆಟ್ ಧಾರಿ ಮನುಷ್ಯನ 'ಗುರು ಪ್ಲೀಸ್ ಆ ಬ್ಯಾಗ್ ಕೊಡು ಅಂತ ಗಡಿಬಿಡಿಯಿಂದ ಕೇಳಿದ್ದು ಮತ್ತು reflex action ನಲ್ಲಿ ಮಂಜ ಹಿಂದುಮುಂದೆ ಯೋಚಿಸದೆ ಆ ಬ್ಯಾಗ್  ಕೌಂಟರ್ ಕೆಳಗಿನಿಂದ ಅದನ್ನು ಅವನಿಗೆ ರವಾನಿಸಿದ್ದು ಅಂದರೆ, ಮಂಜ ನ ಜಾಗ ದಲ್ಲಿ ಯಾರೇ ಇದ್ದರೂ ಅದನ್ನೆ ಮಾಡುತ್ತಿದ್ದರು. ಕಳ್ಳ ಹೆಲ್ಮೆಟ್ ಹಾಕಿದ್ದರಿಂದ ಅವನ ಮುಖ ಕ್ಯಾಮೆರಾದಲ್ಲಿ ಕಾಣಿಸುತ್ತಿರಲಿಲ್ಲ.

ಕೊನೆಗೆ  ಆ ಮಹಿಳೆ 'ಸರ್ ನಿಮ್ಮ ಆಫಿಸ್ ನ ಹುಡುಗನೊಬ್ಬನ ಪರವಾಗಿ ನೀವೆಲ್ಲ ಬಂದು ಆತನ ಒಳ್ಳೆಯತನ ಬಗ್ಗೆ ನುಡಿಯುವಾಗ ನನಗೆ ಸೋಜಿಗ. ಈಗಿನ ಕಾಲದಲ್ಲಿ ಯಾರೂ ಹೀಗೆ ತಮಗಿಂತ ಕೆಳಗಿನವರನ್ನು ವಹಿಸಿ ಸಹಾಯಮಾಡಲ್ಲ. ನಾ ಕಂಪ್ಲೈನ್ ಕೊಟ್ಟರೆ ಅಲ್ಲಾಹು ಮೆಚ್ಚಲ್ಲ. ಹೋಗ್ಲಿ ಬಿಡಿ ಸರ್. ನನ್ನ ಲಾಸ್ ನ್ನು ನೀವೂ ಭರಿಸುವುದು ಬೇಡ. ನನ್ನ ಈದ್ ನ ಕಾಣಿಕೆ ಅಂದಾಗ ಆಫಿಸ್ ನ ಹಿರಿಯರೆಲ್ಲ ಆಕೆಗೆ ತುಂಬು ಹೃದಯದ ಧನ್ಯವಾದ ಹೇಳಿದರು. ಎಲ್ಲರೂ ಚದುರುವಾಗ ಬಾಗಿಲ ಬಳಿ ಆ ಬ್ಯಾಗ್ ಪುನ: ಪ್ರತ್ಯಕ್ಷವಾಗಿತ್ತು. ಬಹುಶ: ಆ ಕಳ್ಳನಿಗೆ ಅದರಲ್ಲಿ ಬೆಲೆಬಾಳುವುದು ಏನೂ ಕಂಡಿಲ್ಲದೇ, ಪುಟ್ಟ ಮಕ್ಕಳ ಬಟ್ಟೆಗಳನ್ನು  ಕಂಡು ಏನನ್ನಿಸಿತೋ, ಆ ಬ್ಯಾಗ್ ನ್ನು ವಾಪಸ್ ಅಲ್ಲಿಟ್ಟು ಹೋದನೋ ಗೊತ್ತಿಲ್ಲ. ಅದೂ ಸಿ ಸಿ ಟಿ ವಿ ಯಲ್ಲಿ capture ಆಗಿರಬಹುದೇನೋ...

anyways once again 'all is well that ends well'

ಮಂಜ ಮಾತ್ರ ಸಖತ್ ಹೆದರಿದಾನೆ ಈ ಪ್ರಕರಣದಿಂದ, 'ಆಕಸ್ಮಾತ್ ಅದರಲ್ಲಿ ದುಡ್ಡು ಬಂಗಾರ ಇದ್ದಿದ್ದರೆ?'

this post is for you dear Anonymous...
(ಅಲ್ಲ ಯಾವ ಯಾವ ತರಹ ಕದಿಯೋರು ಇದ್ದಾರಲ್ಲವಾ?? ಎಲ್ಲ ನಮ್ಮ psychology ಮೇಲೆ ಆಟ ಆಡುವುದನ್ನು ಕಲಿತು ಕಳ್ಳ
 ತನಕ್ಕೆ ಧುಮುಕುತ್ತಾರೆ ಅನ್ನಿಸುತ್ತೆ.)