ಸಂಕ್ರಾಂತಿಗೆ special ಬೆಲ್ಲದ ಕಿಚಡಿ

ಸ್ವಲ್ಪ different ಆಗಿದೆ. ಹಿಂದಿನ ವರ್ಷದ ಪೊಂಗಲ್ ಗೆ ಹೆಸರು ಬೇಳೆ -ಅಕ್ಕಿ ಯ ಸಕ್ಕರೆ ಪೊಂಗಲ್ post ಮಾಡಿದ್ದೆ. ಈ ವರ್ಷ ಕೆಳಗೆ ಕೊಟ್ಟಿರುವಂತಹ ಕಿಚಡಿ ತಯಾರಿಸಿ. ನನ್ನ favorite.
ಹೆಸರು ಬೇಳೆ- 1/2 ಕಪ್
ದಪ್ಪ ರವೆ/ಲ್ಯಾಪ್ಸ್ಕಿ/ಕೇಸರಿ/ಬನ್ಸಿ ರವೆ - 1/2  ಕಪ್
ತಾಜ ತೆಂಗಿನ ತುರಿ - 1ಕಪ್
ಬೆಲ್ಲ- 1 and 1/2 ಕಪ್
ತಾಜಾ ತುಪ್ಪ - 1 ಟೇಬಲ್ ಚಮಚ
ಗೋಡಂಬಿ ಚೂರು, ಏಲಕ್ಕಿ,

ಹೆಸರು ಬೇಳೆಯನ್ನು ಪರಿಮಳ ಬರುವ ತನಕ ಹುರಿದು ಆಮೇಲೆ ನೀರಿನಲ್ಲಿ ನೆನೆಸಿಡಿ. ರವೆ ಯನ್ನು ಪಸೆ ಹಾಕದೆ ಎರಡು ಮೂರು ನಿಮಿಷ ಹುರಿದು ಪಕ್ಕಕ್ಕಿಡಿ. ಹತ್ತು ನಿಮಿಷ ನೆನೆದ ಹೆಸರು ಬೇಳೆಯನ್ನು, ರವೆ ಜತೆಗೆ ಮೂರು ಕಪ್ ನೀರುಹಾಕಿ, ಕುಕ್ಕರಿನಲ್ಲಿ ಬೇಯಿಸಿ. ಬೆಲ್ಲ ಒಂದು ಸರಿಗೆ ಪಾಕ ಬರುವ ತನಕ ಬಿಸಿ ಮಾಡಿ ಅದಕ್ಕೆ ಕಾಯಿ ತುರಿ ಹಾಕಿ ಎರಡು ನಿಮಿಷ ಕೈಯಾಡಿಸಿ ಆಮೇಲೆ ಬೆಂದ ಬೇಳೆ ಸೇರಿಸಿ , ಖಿಚಡಿ ದಪ್ಪಗಾಗುತ್ತ ಬಂದ ಹಾಗೆ,ಸ್ವಲ್ಪ ತುಪ್ಪದಲ್ಲಿ ಗೋಡಂಬಿ ಹುರಿದು ಇದಕ್ಕೆ ಬೆರೆಸಿ. ಏಲಕ್ಕಿ ಪುಡಿಯನ್ನು ಸೇರಿಸಿ, ಉಳಿದ ತುಪ್ಪವನ್ನು ಹಾಕಿ ಚೆನ್ನಾಗಿ ಬೆರೆಸಿ. ಬಿಸಿಯಿರುವಾಗಲೇ ತಿನ್ನಿ.

enjoy.

ಸಂಕ್ರಾಂತಿ ಹಬ್ಬದ ಶುಭಾಶಯಗಳು...

ಚಿತ್ರಗಳು : ಮಾಲವಿಕ

ವಿ.ಸೂ: ನಾನು ನೀರು /ತೆಳುಬೆಲ್ಲ ಉಪಯೋಗಿಸುವುದರಿಂದ ಒಂದು ವರೆ ಕಪ್ ಅಂತ ನಮೂದಿಸಿದ್ದೇನೆ. ಗಟ್ಟಿ ಬೆಲ್ಲ ಉಪಯೋಗಿಸುವುದಾರೆ ಅದನ್ನು ತುರಿದು ಎರಡು ಕಪ್ ನ ಅಂದಾಜು ಹಾಕಬಹುದು. (ಹಾಗೆ ಒಂದು ಸಲ ಬೆಲ್ಲ ಕಡಿಮೆಯಾದಾಗ ನಾನು ಮೇಲಿನಿಂದ ಸಕ್ಕರೆ ಬೆರೆಸಿದ್ದೂ ಇದೆ.) ಈಗ ಎಲ್ಲ ಅಂದಾಜಿನಲ್ಲೇ ಅಡುಗೆ.Practice makes perfect
for sakkare pongal click on the link below
http://malathisanchiyinda.blogspot.com/2010/01/blog-post.html

:-)

one year over

ನಾನು ಬ್ಲಾಗ್ ಶುರು ಮಾಡಿ ಆಗಲೇ ಒಂದು ವರ್ಷ ಆಗೇ ಬಿಡ್ತು ಗೊತ್ತೆ ಆಗಲಿಲ್ಲ :-) (August  5)not bad

ಎಲ್ಲರಿಗೂ ಸ್ವಾತಂತ್ರ್ಯೋತ್ಸವದ ಶುಭಾಶಯಗಳು

ಸಬ್ಬಕ್ಕಿ/ಸೀಮೆ ಅಕ್ಕಿ/ಸಾಬುದಾಣಾ (ಮರಾಠಿಯಲ್ಲಿ) ಉಸ್ಲಿ/KichDi
ಇದನ್ನೊಮ್ಮೆ ಮಾಡಿ ನೋಡಿ. US ನಲ್ಲಿರುವ ಶ್ರೀಕಾಂತ್ Bedathur ಅವರು ಈ recipe ಕೇಳಿದ್ರು.. ಅದಕ್ಕೆ

1 ಗ್ಲಾಸ್ ಸಬ್ಬಕ್ಕಿ

2 ಹಸಿ ಮೆಣಸಿನಕಾಯಿ chopped

2 ಟೀ  ಸ್ಪೂನ್ ಎಣ್ಣೆ

ಒಗ್ಗರಣೆಗೆ- ಸಾಸಿವೆ, ಕರಿಬೇವು, ಜೀರಿಗೆ, ಹಿಂಗು ಪುಡಿ (asafoetida)

1 ಟೇಬಲ್ ಸ್ಪೂನ್ -ಹುರಿದು, ಸಿಪ್ಪೆ ತೆಗೆದು, ಕುಟ್ಟಿ ದ (coarsely pounded) ಶೇಂಗಾ

ಉಪ್ಪು/ಸಕ್ಕರೆ, ಕೊತ್ತಂಬರಿ ಸೊಪ್ಪು ಮತ್ತು ನಿಂಬೆ ಹುಳಿ

ಸಬ್ಬಕ್ಕಿಯನ್ನು ಎರಡು ಗಂಟೆ ನೀರಲ್ಲಿ ನೆನೆಸಿಡಿ. ಆಮೇಲೆ ನೀರು ಬಸಿದು ಹೋಗುವಂತೆ  ಜಾಲರಿ ಪಾತ್ರೆಯಲ್ಲಿ (colander)ಹಾಕಿಡಿ.

ಎಣ್ಣೆ ಬಿಸಿ ಮಾಡಿ, ಸಾಸಿವೆ, ಜೀರಿಗೆ, ಕರಿಬೇವು ಮತ್ತು ಹಿಂಗಿನ ಪುಡಿಯ ಒಗ್ಗರಣೆ ಹಾಕಿ. ಅದಕ್ಕೆ ಹಸಿಮೆಣಸಿನಕಾಯಿ ಹಾಕಿ ಸ್ವಲ್ಪ ಹುರಿಯಿರಿ. ನೀರು ಬಸಿದ ಸಬ್ಬಕ್ಕಿ, ಉಪ್ಪು, ಸಕ್ಕರೆ ಬೆರೆಸಿ ಐದು ನಿಮಿಷ ಹಾಗೇ ಮುಚ್ಚಿ ಇಡಿ. ಬಡಿಸುವ ಮುನ್ನ ಕೊತ್ತಂಬರಿ ಸೊಪ್ಪು ಮತ್ತು ಕುಟ್ಟಿದ ಶೇಂಗಾ ಹಾಕಿ. ಬೇಕಾದಲ್ಲಿ ನಿಂಬೆ ಹುಳಿ ಹಿಂಡಿ.

ಬಿಸಿ ಬಿಸಿ ಉಸ್ಲಿ , ಅದೂ ಮಳೆಗಾಲದಲ್ಲಿ, ಟೀ ಜತೆ.........

* ಮಹಾರಾಷ್ಟ್ರದಲ್ಲಿ ಸಬ್ಬಕ್ಕಿಯನ್ನು ಉಪವಾಸದಂದು ಬಳಸುತ್ತಾರೆ. its made from tapioca. tapioca ಗೆ ಕನ್ನಡದಲ್ಲಿ ಏನನ್ನುತ್ತಾರೆ?? ಗೊತ್ತಿದ್ದವರು ತಿಳಿಸಿ ಪ್ಲೀssssಸ್.
ಸಬ್ಬಕ್ಕಿ ಪಾಯಸ, ವಡೆ. ದೋಸೆ /ರೊಟ್ಟಿ ಕೂಡ ಮಾಡಬಹುದು

ಪುರುಸೊತ್ತು ಇದ್ರೆ ಇದನ್ನೂ ಓದಿ

http://malathisanchiyinda.blogspot.com/2009/08/blog-post_17.html

:-)

preparation and Photo : T.V. Malavika Shenoy