ನೀಲೇಶ ಜವಳಿ - ತೀರ್ಥಹಳ್ಳಿಯ ಯುವ ಉದ್ಯಮಿ

ಮೊನ್ನೆಯಷ್ಟೇ ತೀರ್ಥಹಳ್ಳಿಯ, ನನ್ನ ಮಾವನವರ ಬಗ್ಗೆ ಓದಿದ್ರಿ. ಈಗ ನನ್ನ ಕಿರಿಯ ಮಿತ್ರ ನೀಲೇಶ ಜವಳಿ ಬಗ್ಗೆ ಓದಿ.

ನೀಲೇಶ ಪದವಿ ಶಿಕ್ಷಣ ಮುಗಿಸಿದ್ದು ಬೆಂಗಳೂರಿನಲ್ಲಿ. ಆದರೂ ಇಲ್ಲಿನ ತಳಕು ಬೆಳಕಿಗೆ ಮರುಳಾಗದೆ, ತಮ್ಮ ಸ್ವಂತ ಊರಾದ ತೀರ್ಥಹಳ್ಳಿಗೆ ತೆರಳಿ,ತಮ್ಮ ತಂದೆಯವರೊಡಗೂಡಿ ಶ್ರೀ ಕಾಫಿ ವರ್ಕ್ಸ್ ಅನ್ನು ಕಾಫಿ ಮಾತ್ರವಲ್ಲ ,ಇನ್ನೂ ಕೆಲವು products ಸೇರಿಸಿ  ಚೆನ್ನಾಗಿ ಮುನ್ನಡಿಸಿದ್ದಾರೆ.

Face book ನಿಂದ ಕಾಪಿ ಮಾಡಿದ್ದು. ಬರಹ : ನಿಖಿಲ್ ಕಾಮತ 

#Thirthahalli2Global - 2

ಯಾರು ಯಾವುದೇ ಕಾರಣಕ್ಕೆ ಫೋನ್ ಮಾಡೀರ್ಲಿ ಮಾತು ಶುರುವಾಗೋದೆ ಕಾಫೀ ಆಯ್ತಾ ಅಂತ... ಮನೆಗೆ ಬಂದವರು ಅವಸರದಿಂದ ಹೊರಟಾಗ ಹೇಳುವ ಕಾಮನ್ ಡೈಲಾಗ್ "ಅಯ್ಯೋ ಕುತ್ಕೊಳ್ರಿ, ಸ್ವಲ್ಪ ಕಾಫಿ ಕುಡ್ಕೊಂಡು ಹೋಗೋರಂತೆ" ಹೀಗೆ ಕಾಫೀ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. 

ಸುಮಾರು 15ನೇ ಶತಮಾನದಲ್ಲಿ ಯಮನ್ ದೇಶದಲ್ಲಿ ಮೊದಲ ಬಾರಿಗೆ ಕಾಫಿ ಪ್ರಯೋಗವಾಯಿತು. ಅಲ್ಲಿಂದ ಇಲ್ಲಿಯವರೆಗೆ ಕಾಫಿ ನಮ್ಮಲ್ಲಿ ಅಡಕವಾಗಿದೆ. 

ಈ ಎಲ್ಲಾ ಪೀಠೀಕೆಗಳೇಕೆಂದರೆ ನಮ್ಮ ನಡುವೆ ಒಬ್ಬ ಕಾಫಿಪುಡಿ ಮಾರಾಟಗಾರರಿದ್ದಾರೆ. ಅವರು ತಮ್ಮ ವೃತ್ತಿ -ಪ್ರವೃತ್ತಿಗಳಿಂದ ನಮಗೆಲ್ಲಾ ಚಿರಪರಿಚಿತರೇ. ಅವರೇ ಶ್ರೀ ನಿಲೇಶ್ ಜವಳಿ. 

ತೀರ್ಥಹಳ್ಳಿಯ ಕಾಫಿ ಪ್ರಿಯರಿಗೆ ಕಾಫಿ ಎಂದಾಕ್ಷಣ ಬಹುತೇಕರಿಗೆ ನೆನಪಾಗುವುದೇ "ಶ್ರೀ ಕಾಫೀ ವರ್ಕ್ಸ್"

ಶ್ರೀಮನ್ಮಥ ನಾಮ ಸಂವತ್ಸರ, ಪುಷ್ಯ ಬಹುಳ ಷಷ್ಠಿ, ಫೆಬ್ರವರಿ 11,1956ರ ಗುರುವಾರ ಶ್ರೀ ಕಾಫಿ ವರ್ಕ್ಸ್ ದಿ|| ದಯಾನಂದ ಜವಳಿಯವರಿಂದ ಆರಂಭ. ಅವರ ಸುಪುತ್ರ ಶ್ರೀ ನಿಲೇಶ್ ಜವಳಿಯವರು ತಮ್ಮ ವಿದ್ಯಾಭ್ಯಾಸದ ನಂತರ ತಂದೆಯವರ ಉದ್ಯಮದಲ್ಲಿ ಕೈ ಜೋಡಿಸಿದಿರಲ್ಲದೇ ಕಾಫಿ ಪುಡಿ ಮಾಡುವುದರೊಂದಿಗೆ ಹಿಟ್ಟಿನ ಗಿರಣಿ, ಬೇಕರಿ ತಿನಿಸುಗಳ ವ್ಯಾಪಾರವನ್ನೂ ಆರಂಭಿಸಿ ಶ್ರೀ ಕಾಫೀ ವರ್ಕ್ಸ್ ಜನರಿಗೆ ಇನ್ನೂ ಹತ್ತಿರವಾಗುವಲ್ಲಿ ಶ್ರಮಿಸಿದರು. ಸುಮಾರು 64 ವರ್ಷಗಳಿಂದ ಶ್ರೀ ಕಾಫೀ ವರ್ಕ್ಸ್ ನಿರಂತರವಾಗಿ ಗ್ರಾಹಕರಿಗೆ ಸೇವೆ ಸಲ್ಲಿಸುತ್ತಾ, ಕಾಫೀ ಪ್ರಿಯರ ಮನಸೂರೆಗೊಂಡಿದೆ. 

ಶ್ರೀ ಕಾಫೀ ವರ್ಕ್ಸ್ ನವರ ಕಾಫೀ ಪುಡಿಯ ರುಚಿ ತೀರ್ಥಹಳ್ಳಿಯ ಗಡಿಯನ್ನು ದಾಟಿರುವುದಲ್ಲದೇ ಹೊರ ಊರು, ಹೊರ ಜಿಲ್ಲೆಗಳಲ್ಲಿ ಅಸಂಖ್ಯ ಅಭಿಮಾನಿ ಗ್ರಾಹಕರನ್ನು ಹೊಂದಿದೆ. ಕಾರ್ಯ ನಿಮಿತ್ತ ಬೇರೆ ಊರುಗಳಿಗೆ ತೆರಳುವವರು ಒಂದು ಕ್ಷಣ ಶ್ರೀ ಕಾಫಿ ವರ್ಕ್ಸ್ ನ ಮುಂದೆ ತಮ್ಮ ವಾಹನ ನಿಲ್ಲಿಸಿ ಕಾಫೀ ಪುಡಿ ಖರೀದಿಸಿ ಮುಂದೆ ಸಾಗುತ್ತಾರೆ. ಬೆಂಗಳೂರಿಗೆ ಬರುವ ತಮ್ಮ ನೆಂಟರ ಬಳಿ ಮರೆಯದೇ ಶ್ರೀ ಕಾಫೀ ವರ್ಕ್ಸ್ ನವರ ಕಾಫಿ ಪುಡಿ ತರ ಹೇಳುತ್ತಾರೆ.

 ಇದಕ್ಕೆಲ್ಲ ಒಂದೇ ಕಾರಣವೆಂದರೆ ಶ್ರೀ ಕಾಫೀ ವರ್ಕ್ಸ್ ನವರ ಕಾಫಿ ಪುಡಿಯ ಸ್ವಾದ ಎಂದೂ ಸಹ ಬದಲಾಗಿಲ್ಲ.

ಇದಕ್ಕೆ ಒಂದು ತಾಜಾ ಉದಾಹಣೆಯೂ ಇದೆ. ಶೃಂಗೇರಿಯಲ್ಲಿ ತೀರ್ಥಹಳ್ಳಿ ಮೂಲದ ಉಪನ್ಯಾಸಕರಿದ್ದಾರೆ. ಪ್ರೋ. ಲಕ್ಷೀನಾರಾಯಣ್ . ಅವರ ತಂದೆ ಹಿರಿಯಣ್ಣ ಗೌಡರು ತೀರ್ಥಹಳ್ಳಿಯಲ್ಲಿ ಬಹುತೇಕರಿಗೆ ಪರಿಚಿತರು. ಅವರ ಕುಟುಂಬ ಶ್ರೀ ಕಾಫೀ ಪುಡಿಯ ಖಾಯಂ ಗ್ರಾಹಕರು.  ಒಮ್ಮೆ ಅವರ ಮನೆಗೆ ಬಂದಿದ್ದ ನೆಂಟರೊಬ್ಬರು ಕಾಫೀ ಬಾಯಿಗಿಡುತ್ತಲೇ ಇಂತಹ ಕಾಫೀ ನಾನು ತೀರ್ಥಹಳ್ಳಿಯಲ್ಲಿದ್ದಾಗ ಸುಮಾರು 20 ವರ್ಷಗಳ ಮುಂಚೆ ಕುಡಿದಿದ್ದು. ಅಲ್ಲಿ ಶ್ರೀ ಕಾಫೀ ವರ್ಕ್ಸ್ ಅಂತ ಒಂದು ಅಂಗಡಿ ಇದೆ. ಅಲ್ಲಿನ ಕಾಫೀ ರುಚಿ ಹೀಗೆ ಇತ್ತು ಎಂದಾಗ ಲಕ್ಷ್ಮೀನಾರಾಯಣ ಚಕಿತರಾಗಿ 20 ವರ್ಷಗಳಿಂದ ಕಾಫೀ ಪುಡಿಯ ಸ್ವಾದವೇ ಬದಲಾಗಿಲ್ಲ ಎಂದರೆ ಅದು ಹೇಗೆ ಎಂದು ನಿಲೇಶ್ ಜವಳಿಯವರ ಬಳಿ ಆಶ್ಚರ್ಯಚಕಿತರಾಗಿ ಕೇಳಿದ್ದಿದೆ.

ಪ್ರಸ್ತುತ ಗ್ರಾಹಕರ ಬೇಡಿಕೆಯ ಮೇರೆಗೆ ಶ್ರೀ ನಿಲೇಶ್ ಜವಳಿಯವರು ಹೊರ ಊರುಗಳಲ್ಲಿರುವ ತಮ್ಮ ಗ್ರಾಹಕರಿಗೆ ಕೋರಿಯರ್ ಮೂಲಕ ಕಾಫೀ ಪುಡಿ ರವಾನಿಸುತ್ತಿದ್ದಾರೆ. ಈ ವ್ಯವಸ್ಥೆ ಇರುವುದು ಅನೇಕರಿಗೆ ತಿಳಿದಿಲ್ಲ. ಶ್ರೀ ನಿಲೇಶ್ ಜವಳಿಯವರನ್ನು ದೂರವಾಣಿಯ ಮೂಲಕ ಸಂಪರ್ಕಿಸಿ, ತಮ್ಮ ಆರ್ಡರ್ ತಿಳಿಸಿ, ಆನ್ ಲೈನ್ ಮೂಲಕ ಪೇಮೆಂಟ್ ಮಾಡಲಿಚ್ಛಿಸುವ ಗ್ರಾಹಕರಿಗೆ ಶ್ರೀ ನಿಲೇಶ್ ಜವಳಿ ಕೋರಿಯರ್, ಟ್ರಾನ್ಸ್ ಪೋರ್ಟ್ ಮುಖಾಂತರ ಕಾಫಿ ಪುಡಿ ಇನ್ನಿತರ ಪದಾರ್ಥಗಳನ್ನು ಕಳುಹಿಸಿಕೊಡಲಿದ್ದಾರೆ. 

ಶೀಘ್ರದಲ್ಲಿ ಶ್ರೀ ಕಾಫಿ ವರ್ಕ್ಸ್ ನವರ ಹೊಸ್ ಬ್ರಾಂಡ್ ಕಾಫೀ ಪುಡಿ ನಮ್ಮೆಲ್ಲರ ಕೈ ಸೇರಲಿದೆ. 

ತಮ್ಮ ಸಂಸ್ಥೆಯ ಲಾಂಚನದಂತೆ ಸದಾ ನಗುಮೊಗದೊಂದಿಗೆ ನಮ್ಮೊಂದಿಗೆ ವ್ಯವಹರಿಸುವ ಶ್ರೀ ನಿಲೇಶ್ ಜವಳಿಯವರ ದೂರವಾಣಿ ಸಂಖ್ಯೆ 8050301283

#Thirthahalli2Global