ಅಂತರ ಕ್ರಮಿಸಲಾಗಲಿಲ್ಲ

ನನ್ನಿಂದ ಬರಲಾಗಲಿಲ್ಲ, ನಿನ್ನಿಂದ ಕರೆಯಲಾಗಲಿಲ್ಲ

ನಮ್ಮ ನಡುವಿನ ಅಂತರ ನಮ್ಮಿಂದ ಕ್ರಮಿಸಲಾಗಲಿಲ್ಲ

ನಾವಿಬ್ಬರು ಸಂಧಿಸಿದ ಆ ಕ್ಷಣ ಇನ್ನೂ ಹಸಿರಾಗಿದೆ

ಕೈಗಳು ಬೆಸೆದವು, ಕಣ್ಣೋಟ ಕೂಡಿದವು ಮಾತು ಉಸಿರಾಗಿತ್ತು

ದಿನ ಸರಿದು, ಸಂಜೆಯಾಗಿ ಸಮಯ ಕಳೆದಿದ್ದು ಅರಿವಿಗೇ ಬರಲಿಲ್ಲ

ಹೇಗೆ ಅಳಿಸಲಿ ಆ ನೆನಪು ಮನದಾಳದಿಂದ

ಹೀಗೆ ಸಂಧಿಸಿ ಅಗಲುವುದರ ಅರಿವೆನಗಿರಲಿಲ್ಲ

ಅದೃಷ್ಟ ಖುಲಾಯಿಸುತ್ತಿದ್ದಾಗಲೆ ದುರದೃಷ್ಟ ಎದುರಾಯ್ತು

ಹೂವು ಅರಳುವ ಮುನ್ನವೆ ಹೂದೋಟ ಬರಿದಾಯ್ತು

ನೆಲಸಮವಾಯ್ತು ಯಾವತ್ತೂ  ಹೂಬಿಡದ ಹಾಗೆ

ಸಮಯ ಉರುಳುತ್ತದೆ, ನೆನಪು ಉಳಿಯುತ್ತವೆ

ಕುಸುಮ  ಅರಳುತ್ತವೆ ಹಾಗೇ ನರಳುತ್ತವೆ

ಎಲ್ಲರೂ ಹೊರಡುತ್ತಾರೆ ನೋವು ಉಳಿಯುತ್ತದೆ

ನೀನು ಹೃದಯಕ್ಕೆ ಹಾಕಿದ ಬರೆ ಅಳಿಸಲಾಗಲಿಲ್ಲ

ನಮ್ಮ ನಡುವಿನ ಅಂತರ ನಮ್ಮಿಂದ ಕ್ರಮಿಸಲಾಗಲಿಲ್ಲ

( ತಲತ್ ಮಹಮೂದ್ ರ  ’ಹಮ್ ಸೆ ಆಯಾ ನ ಗಯಾ, ತುಮ್ ಸೆ ಬುಲಾಯಾ ನಾ ಗಯ” ಹಾಡಿನ ಲೈಟ್ ಅನುವಾದ..) 

--

:-)
malathi S