ಒಂದರ್ಧಕತೆ 🤔🙂🙂

 ಜೂನ್ 2015 ನಲ್ಲಿ ಬರೆದಿದ್ಫು draft ನಲ್ಲಿತ್ತು : ಓದಿ ನಾನೇ ಬರೆದಿದ್ದಾ ಅಂತ 😎😎

ಆತನಿಗೂ 'ಆಕೆ'ಗೂ ಮೊದಲಿನಿಂದಲೇ ಪರಿಚಯ, ಪ್ರೀತಿ. ಅವನೋ ಪೇಟೆಗೆ ಬಂದ ಹಳ್ಳಿ ಗಮಾರ. 'ಆಕೆ' ಶ್ರೀಮಂತ ಕುಟುಂಬದವಳು. ಅವಳ ಕುಟುಂಬದ ಸದಸ್ಯರ ಆಶಯದಂತೆ ಅವಳು ಒಬ್ಬ ಶ್ರೀಮಂತನನ್ನು ವರಿಸಿದಳು. ಅವನು ಊರಿಗೆ ಹೋಗಿದ್ದ ಅವನ ಕಾಯಿಲೆಯ ಅಮ್ಮನನ್ನು ನೋಡಿಕೊಳ್ಳಲು. ಅವಳಮ್ಮನನ್ನು ನೋಡಿಕೊಳ್ಳುತ್ತಿದ್ದ ಕಸ್ತೂರಿಯ ಜತೆ ಅವನು ಮದುವೆಯಾಗಬೆಕೇಂದು ಅವನ ಅಮ್ಮನ ಕೋರಿಕೆಯಂತೆ ಅವನು ಅವಳನ್ನು ಮದುವೆಯಾದ. ಎರಡು ಮಕ್ಕಳ ತಂದೆಯಾದ. ಅಮ್ಮ ಸತ್ತುಹೋದಮೇಲೆ ಪೇಟೆಗೆ ಮರಳಿದ. ಅಲ್ಲಿ ದೊಡ್ಡದೊಂದು ಸಂಸ್ಥೆಯಲ್ಲಿ ಕೆಲಸ. ಆ ಸಂಸ್ಥೆಯಲ್ಲೇ ಭೇಟಿಯಾದಳು ಅವನ ಹಳೇ ಪ್ರೇಯಸಿ. ಅವಳೀಗ ವಿಧವೆ. ಪುನ: ಅವರ ಮಧ್ಯೆ ಸಂಬಂಧ ಚಿಗುರ ತೊಡಗಿತು. 'ಆಕೆ'ಯ ಗಂಡ ಮದುವೆಯಾದ ಆರನೇ ತಿಂಗಳಿಗೆ ಕ್ಯಾನ್ಸರ್ ಗೆ ತುತ್ತಾಗಿ ತೀರಿಕೊಂಡಿದ್ದ. ಆಘಾತ ತಾಳಲಾಗದೇ ಅಪ್ಪನೂ ತೀರಿಕೊಂಡಿದ್ದ. ಈಗ ಈಕೆ ಒಬ್ಬಂಟಿ. ಮಕ್ಕಳೂ ಇರಲಿಲ್ಲ. ಇವನ ಮಕ್ಕಳ ಮೇಲೆ ವಿಶೇಷ ಒಲವು. ಕಸ್ತೂರಿಗೆ  ತನ್ನ ಮನೆಯ ಕೆಲಸಗಳೇ ಆಗುತ್ತಿತ್ತು. ಪೇಟೆಯ ಜೀವನಕ್ಕೆ ಒಗ್ಗಿಕೊಳ್ಳಲು ಕಷ್ಟವೆನಿಸಿತ್ತು. ಮಕ್ಕಳೂ ಈಗ ಶ್ರೀಮಂತ ಆಕೆಯನ್ನು ಒಗ್ಗಿಕೊಂಡು ಅವಳ ಜತೆ ಅವಳ ದೊಡ್ಡ ಮೆನೆಯಲ್ಲಿ ಇರಲು ಇಷ್ಟಪಡುತ್ತಿದ್ದರು.ಇದರಿಂದ ಅವಳ ಹೃದಯಕ್ಕೆ ದೊಡ್ದ ಗಾಯ. ಅವಳ ಗಂಡ ಮತ್ತು ಆಕೆಯ ಬಗ್ಗೆ ಅವರಿವರಿಂದ ಕೇಳುತ್ತಿದ್ದರೂ ಏನೂ ಮಾಡಲಾಗದ ಅಸಹಾಯಕತೆ. ಕಸ್ತೂರಿಗೆ ಅವನ ಬಗ್ಗೆ ಪ್ರೀತಿ. ಆದರೆ ಅವನಿಗೆ ಆಕೆಯ ಮೇಲೆ ಪ್ರೀತಿ

ಇಂತಹ ಸಮಯದಲ್ಲೇ ಆಕೆ ನಡೆಸುತ್ತಿದ್ದ ಕಾರ್, ಇವಳ ಮಕ್ಕಳನ್ನು ಕರೆದುಕೊಂಡು ಹೋಗುತ್ತಿದ್ದಾಗ ಅಪಘಾತಕ್ಕೀಡಾಗಿ ಇಬ್ಬರೂ ಮಕ್ಕಳೂ ಸಾವಿಗೀಡಾಗುತ್ತಾರೆ. ಅವನು ಬೇಜಾರಿನಲ್ಲಿ ದೇಶಾಂತರ ಹೋಗುತ್ತಾನೆ. ಇಲ್ಲಿ ದು:ಖತಪ್ತ ಕಸ್ತೂರಿ ಮತ್ತು 'ಆಕೆ'.