ನಮ್ಮ ಮನೆಯ ಗೋದ್ರೇಜ್ ಕಪಾಟು (450th post)

 ಬ್ಲಾಗ್ ಬರೆಯಲು ಶುರು ಮಾಡಿ 11 ವರ್ಷ ಆಯ್ತು ಮೊನ್ನೆ ಆಗಸ್ಟ್ 5 ಕ್ಕೆ..ಹಾಗೆ ಇದು ನನ್ನ 450 ನೆ ಬರಹ..hard to believe 😊😊
ಚಿಕ್ಕವರಿದ್ದಾಗ ಆಗಾಗ ತೀರ್ಥಯಾತ್ರೆ ಗೆ ಅಜೋಬ ನಾನಿ, ನಮ್ಮನ್ನೆಲ್ಲ ಹೊರಡಿಸ್ತಿದ್ರು ಅಂತ ಹಳೆ ಪೋಸ್ಟ್ ಒಂದರಲ್ಲಿ ಬರೆದಿದ್ದೆ. 

ಒಂದು ಸಲ ಬಾಡಿಗೆ ಮನೆಯಿಂದ ಹೀಗೆ ರಾಮೇಶ್ವರ ಕಡೆ ಹೋಗಿದ್ದೆವು. ಮನೆ owner ಮನೆಯಲ್ಲಿ ಮದುವೆ. ಹಾಗಾಗಿ ಮನೆ ಇಡೀ ಪೈಂಟಿಂಗ್ ನಡೀತಿತ್ತು. ನಾವು ನಮ್ಮ ಕಾರಲ್ಲಿ ಹೊರಟ್ವಿ. ನಾಲ್ಕೈದು ದಿನಗಳ ಪ್ರವಾಸ

ವಾಪಸ್ ಬಂದು ನೋಡ್ತೀವಿ ಮನೆಯಲ್ಲಿ ಸಾಮಾನು ಚಿಲ್ಲಾಪಿಲ್ಲಿ. ಸಿನಿಮಾದಲ್ಲಿ ಐ ಟಿ ರೈಡ್ ಆದಾಗ ತೋರಿಸುತ್ತಾರ ಲ್ಲವಾ ಹಾಗೆ, ಪುಸ್ತಕದ ಕಪಾಟು, ಅಡಿಗೆಮನೆ ಕಪಾಟು  ಅದರಲ್ಲಿನ ಸಾಮಾನು, ಪುಸ್ತಕ, ಪಾತ್ರೆ ಎಲ್ಲ ನೆಲದಮೇಲೆ. ಅಷ್ಟೇ ಅಲ್ಲ ದೇವರ ಪೀಠ ಕೂಡ ಜರುಗಿಸಲಾಗಿತ್ತು..ಇಷ್ಟೆಲ್ಲ ಯಾಕಂದ್ರೆ ನಮ್ಮಲ್ಲಿರುವ made to order ಕಬ್ಬಿಣದ ಬೀರು (bureau) ಬೀಗದ ಕೈ ಹುಡುಕಿದ್ದು. ಅದು ಸಿಗದೆ ಬಲವಾದ ಚೂಪಾದ ವಸ್ತುವಿನಿಂದ  ಬೀರುವಿನ ಬಾಗಿಲು ಒಡೆಯುವ ಪ್ರಯತ್ನ ಮಾಡಿದ ಕುರುಹೂ ಇತ್ತು.

ದೇವರ ಚಿಕ್ಕ ಪುಟ್ಟ ಬೆಳ್ಳಿಯ ಮೂರ್ತಿ ಒಯ್ದಿದ್ದರು. ಸೂಟ್ಕೇಸ್ ನಲ್ಲಿ ಲ್ಯಾವೆಂಡರ್, ಕರ್ಪೂರ ಇಟ್ಟು ಜೋಪಾನವಾಗಿಟ್ಟ ನನ್ನ ನಾನಿಯ ಬೆಲೆಬಾಳುವ ಸೀರೆಗಳನ್ನೆಲ್ಲ ಒಯ್ದು, ಖಾಲಿ ಸೂಟ್ಕೇಸನ್ನು ಯಾರದ್ದೋ ಪಾಯಿಖಾನೆಯಲ್ಲಿ ಬಿಸಾಕಿದ್ರು. 

ಪೊಲೀಸ್ ಗೆಲ್ಲ ಹೇಳಿದ್ದಾಯ್ತು. ನಮ್ಮ ಮನೆಯ ಒಂದು ಜತೆ ಬೀಗದ ಕೈ , owner ಮನೆಗೆ ಕೊಟ್ಟಿದ್ವಿ. ಬಹುಶ ಅಲ್ಲಿಂದ ಬೀಗದ ಕೈ ಪೈಂಟ್ ಮಾಡುವವರು ಕದ್ದು ಮನೆಯೊಳಗೆ ಬಂದಿರಬಹುದೆಂದು ಅನುಮಾನ

ಮೊನ್ನೆ ಬೆಳಗಾವಿಗೆ ಹೋದಾಗ ಆ ಕಪಾಟು- ಈಗಲೂ ನಮ್ಮಲ್ಲಿ ದೆ ನನಗೆ 52 ಆಯ್ತು, ಕಪಾಟು ಇನ್ನೂ ಹಳೆದು.. ಅಮ್ಮ, ' ನೀನು facebook ನಲ್ಲಿ ಹಾಕ್ತಿ ಅಂತ ಪಾಂಡು ಹೇಳಿದ್ದ...ಫೋಟೋ ತೆಗೆದು ಹಾಕಬೇಡ ಅಂದ್ರು...
ಆ ಕಪಾಟಿಗೆ ದೊಡ್ಡ ಕನ್ನಡಿ ಇದ್ದುದ್ದು ಇನ್ನೊಂದು ವಿಶೇಷತೆ. ಎಲ್ಲಾದರೂ ಹೊರಗೆ ಹೋಗಲಿಕ್ಕಿದ್ರೆ, ಅಮ್ಮ ಅದುರ ಎದುರು ನಿಂತು ತಯಾರು ಆಗೋದು ನೋಡುವುದು ನನಗೆ ತುಂಬಾ ಖುಷಿ. ಮೊಫಲಿಗೆ ಮುಖಕ್ಕೆ ಸ್ನೋ, ಆಮೇಲೆ ಪೌಡರ್, kukmkumada ಬಟ್ಟು, -ಲಾಲಗಂದ್ ಅನ್ನುತ್ತಿದ್ವಿ ಆಗ...ಮೊಣಕಾಲಿಗಿಂತ ಉದ್ದನೆಯ ಕೂದಲು, ಜಡೆ ಹಣೆಯುವುದು, ಆಮೇಲೆ ಸೀರೆ ಉಡುವುದು....ಅಮ್ಮನ ಆಪ್ತ ಸ್ನೇಹಿತೆ ವಿಜಯ..ಮನೆಯ ಮಹಡಿ ಮೇಲೆ ವಾಸ...ಅವರ ಗಂಡನಿಗೆ ಅಂತರರಾಷ್ಟ್ಟ್ರ್ರ್ಈಈಎಯ ಕಂಪೆನಿಯಲ್ಲಿ ದೊಡ್ಡ ಹುದ್ದೆ, ಅಮ್ಮನಿಗಿಂತ ಸ್ವಲ್ಪ ಹಿರಿಯರು...ಇನ್ನೂ ಮಕ್ಕಳಾಗಿರಲಿಲ್ಲ...ಅಮ್ಮನಿಗೆ ನಾವು ಮೂರು ಮಕ್ಕಳು ಹುಟ್ಟಿಯಾಗಿತ್ತು 😊...ವಿಜಯ ಆಂಟಿ ಸೀರೆ ಉಡಲು ನಮ್ಮ ಮನೆಗೆ ಬರುತ್ತಿದ್ದರು. ಉದ್ದನೆಯ ದೊಡ್ಡ ಕನ್ನಡಿ ಇದ್ದುದ್ದಕ್ಕೆ. ಅವರೊ ತುಂಬಾ ಉದ್ದನೆಯ ವ್ಯಕ್ತಿ... ಗುಂಗುರು ಕೂದಲಿನ ಮೋಟು ಜಡೆ, ಕಿವಿಗೆ ದೊಡ್ಡ ದೊಡ್ಡ ರಿಂಗ್...ನಾನು ಮಂಚದ ಮೇಲೆ ಬೋರಲು ಮಲಗಿ ಇವನ್ನೆಲ್ಲ ನೋಡುತ್ತಿದ್ದೆ
ಆ ಮೇಲೆ ನನ್ನ ಪುಟ್ಟ ತಂಗಿಯ ಸರದಿ....ದಿನದ ಮುಕ್ಕಾಲು ಪಾಲು ಅವಳು ಕನ್ನಡಿ ಎದುರಿಗೆ. ಅಲ್ಲೇ ಅವಳ ಮಾತು ಕತೆ, ಇಂಗ್ಲಿಷ್ ಅಂತ ಏನೋ ಕಚೀಪಿಚಿ ಭಾಷೆ...ಅಳು ನಗು ಮುಂತಾದ ತರಹಾವೇರಿ ಮುಖಗಳನ್ನು ಕನ್ನಡಿಯಲ್ಲಿ ನೋಡಿ ಮಾಡುತ್ತಿದ್ದಳು.  ಯಾವಾಗಲೂ canada ಗೆ ಹೋಗಿ ಇರುವುದಾಗಿ ಮಾತನಾಡುತ್ತಿದ್ದಳು.

ಅದಕ್ಕೆ ಕತೆ ಅಷ್ಟೇ..no photo..ಈಗ ಅಷ್ಟು ಗಟ್ಟಿಮುಟ್ಟಾದ ಕಪಾಟು ಇರೋದೇ ಅನುಮಾನ
ಯಾತ್ರೆಗೆ ಹೋದಾಗ ತೆಗೆದುಕೊಂಡು ಹೋಗಿದ್ದರಿಂದ ಕೆಲವು ರೇಷ್ಮೆ ಸೀರೆಗಳಲ್ಲಿ ಇದೂ ಒಂದು. 80 +ವರ್ಷ ಹಳೆಯ ಈ ಸೀರೆ ಈಗ ನನ್ನಲ್ಲಿ 👍😊🤗