ಒಂದು ಸಣ್ಣ ಕತೆ
ನಾನಿ ಹೇಳಿದ್ದು:
ಚಿಕ್ಕವರಿದ್ದಾಗ ರಾತ್ರಿ ಹೊತ್ತು ನಾನಿ 'ನೀರು ಕುಡಿದು ಮಲಗಿ ಮಕ್ಕಳೇ ಅಂತ ಹೇಳುತ್ತಿದ್ರು.
ಯಾಕೆ ಅಂತ ಕೇಳಿದಾಗ ಈ ಕತೆ ಹೇಳಿದ್ರು
ಒಬ್ಬನಿಗೆ ರಾತ್ರಿ ಮಲಗುವಾಗ ಬಾಯಾರಿಕೆ ಯಾಯಿತಂತೆ. ಸೋಂಬೇರಿ ತನ ನೀರು ಕುಡಿಯದೆ ಹಾಗೆ ಮಲಗಿದ. ರಾತ್ರಿ ಅವನ ಆತ್ಮ ನೀರಡಿಕೆ ತಾಳಲಾರದೆ ನೀರು ಹುಡುಕಿ ಹೋಯಿತಂತೆ. ಹಲವಾರು ಮನೆಗಳಿಗೆ ಭೇಟಿ ನೀಡಿತಂತೆ. ಕೊನೆಗೆ ಒಬ್ಬರ ಮನೆಯಲ್ಲಿ ನೀರಿನ ಮಡಕೆಯ ಮುಚ್ಚಳ ತೆಗೆದಿದ್ದಿದ್ದು ನೋಡಿ ಅದರಲ್ಲಿ ಮುಳುಗಿ ಬಾಯಾರಿಕೆ ನೀಗಿಸಿಕೊಂಡಿತಂತೆ. ಅಷ್ಟರಲ್ಲಿ ಮನೆಯಲ್ಲಿನ ಯಾರೋ ಮಡಕೆಗೆ ಮುಚ್ಚಳ ಹಾಕಿಬಿಟ್ಟರಂತೆ. ಆತ್ಮ ಮಡಿಕೆಯಲ್ಲೇ........
ಇಲ್ಲಿ ಮನೆಯಲ್ಲಿ ಆತ ಏಳಲಿಲ್ಲ ಇನ್ನೂ ಯಾಕೆ, ಅಂತ ನೋಡಿದರೆ ದೇಹ ತಣ್ಣಗಾಗಿತ್ತಂತೆ. ಅವನ ಅಂತ್ಯಕ್ರಿಯೆ ನಡೆಸಲು ತಯಾರಿ ನಡೆಯಿತು. ಜನರು ಅವನ ಕಳೇಬರ ಎತ್ತಿಕೊಂಡು ಸ್ಮಶಾನದ ದಾರಿ ಹಿಡಿದರು.
ಈ ಮನೆಯಲ್ಲಿ ಪುನಃ ಮಡಕೆಯ ಮುಚ್ಚಳ ತೆಗೆಯಲಾಯಿತು. ಆತ್ಮ ಹಾರಿಕೊಂಡು ಇವನ ದೇಹ ಸೇರಿತು. ಇವನು ಪಟಕ್ಕನೆ ಎದ್ದು ಕುಳಿತ ರಭಸಕ್ಕೆ, ಹೊತ್ತೊಯ್ಯುವವರು ಬೆದರಿ ಇವನನ್ನು ಕೆಳಕ್ಕೆ ಬಿಸಾಕಿ ಓಡಿ ಹೋದರಂತೆ 🙂
ಮಕ್ಕಳೇ ಆಕಸ್ಮಾತಾಗಿ ಅವನ ದೇಹ ಬೆಂಕಿಗೆ ಆಹುತಿಯಾಗಿದ್ದರೆ, ಆತ್ಮ ಏನು ಮಾಡಬೇಕಿತ್ತು???
ಗೊತ್ತಾಯ್ತಾ ಎಲ್ಲರೂ ನೀರು ಕುಡಿದು ಮಲಗಿ ಇನ್ಮೇಲಿಂದ 🙂🙂🙂
ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳು ❤️❤️🙂🙏🙏
No comments:
Post a Comment