ಚುಟುಕತೆ

ಅವನಿಗೆ ಅಂತರ್ ರಾಷ್ಟ್ರೀಯ ಬ್ಯಾಂಕ್ ಒಂದರಲ್ಲಿ ಕೆಲಸ. ಹೊಸದಾಗಿ ಮದುವೆಯಾದಾಗ ತನ್ನ ಹೆಂಡತಿಗೆ ಆಫಿಸ್ ಪಾರ್ಟಿಗೆ ಕರೆದುಕೊಂಡು ಹೋಗಿದಾಗ ಅವನ ಲೇಡಿ ಕಲೀಗ್ಸ್ ಅವನ್ ಹೆಂಡತಿಯ ಚೆಂದದ ಡ್ರೆಸ್ ಸೆನ್ಸ್ ಬಗ್ಗೆ ಮಾತಾಡಿಕೊಂಡು ಆಕೆ ತನ್ನ ಬ್ಲೌಸ್ ಎಲ್ಲಿ ಹೊಲಿಸಿಕೊಳ್ಳೋದು ಅಂತ ಆಕೆಯನ್ನು ಕೇಳಿದರು. ಆಕೆ 'ನನ್ನ ಬಟ್ಟೆ ನಾನೇ ಹೊಲಿದು ಕೊಳ್ಳೋದು' ಅಂತ ಉತ್ತರಿಸಿದಳು

pastel

 ನಿಧಾನವಾಗಿ ಆಫಿಸ್ ನ ಹೆಂಗಸರು ತಮ್ಮ ಚೂಡಿದಾರ ಕುರ್ತಾ, ಬ್ಲೌಸ್ ಅವಳ ಬಳಿ ಹೊಲಿಸಲಿಕ್ಕೆ ಹತ್ತಿದರು.

ಅಷ್ಟರಲ್ಲಿ ಅವನಿಗೆ ಬೇರೆ ಊರಿಗೆ ವರ್ಗವಾಯಿತು. ಹೊಸ ಬ್ರಾಂಚ್ ನಲ್ಲಿ ಹೊಸದಾಗಿ ಬಂದ ಇವನಿಗೆ ಪಾರ್ಟಿ ಇಟ್ಟಿದ್ದರು. ಹೆಂಡತಿ ರೆಡಿ ಆಗ್ತಿದ್ದ ಹಾಗೆ ಅವನು "ಒಂದು ಮಾತು ಹೇಳಲಾ"?

"ಹೇಳಿ"

"ನಿನ್ನ ಬಟ್ಟೆಗಳನ್ನು ನೀನೆ ಹೊಲೀತಿಯಾ ಅಂತ ದಯವಿಟ್ಟು ಹೇಳಬೇಡಾ"

ಆಕೆ ಆಶ್ಚರ್ಯದಿಂದ, "ಯಾಕೆ"?

"ಯಾಕಂದರೆ ಅವರು ನನಗೆ 'ನನ್ನ ಬ್ಲೌಸ್ ರೆಡಿಯಾಯ್ತ? ರೆಡಿಯಾಗಿದ್ರೆ ಆಫಿಸ್ ಗೆ ತಂದು ಕೊಡಿ, ಅಥವಾ ಎದೆ ಬಳಿ , ಕುಂಕುಳ ಬಳಿ ಟೈಟ್ ಆಗುತ್ತೆ ಅಂತ ಹೇಳಿ'  ಅಂತೆಲ್ಲ ಆಫಿಸ್ ನಲ್ಲಿ ಗಟ್ಟಿ ದನಿಯಿಂದ ನನ್ನ ಬಳಿ ಮಾತಾಡ್ತಾರೆ. ನನಗೆ ಟೈಲರ್ ಳ ಗಂಡ ಅನ್ನಿಸಿಕೊಳ್ಳೋಕೆ ಮುಜುಗರ ಆಗುತ್ತೆ"

ಅವಳು ನಕ್ಕು 'ಸರಿ' ಅಂದ್ಲು.

ಅಷ್ಟರಲ್ಲೆ ಅವಳು ತನ್ನದೇ ಬೂಟಿಕ್ ಒಂದನ್ನು ಶುರು ಮಾಡಿ ಅದು ತುಂಬಾ ಚೆನ್ನಾಗಿ ನಡೆಯುತ್ತಿತ್ತು ಕೂಡ

ಹೋಟಲ್ ನಲ್ಲಿ ಊಟಕ್ಕೆ ಕಾಯ್ತಾ ಫೇಸ್ ಟಿಶ್ಯೂ ನಲ್ಲಿ ಮಾಲವಿಕಳ ಡೂಡಲ್

ಅವನ ಆಫಿಸ್ ಅನ್ನು ಬೇರೆ ದೊಡ್ಡ ವಿದೇಶಿ ಬ್ಯಾಂಕ್ ಒಂದು ಟೇಕ್ ಓವರ್ ಮಾಡಿದ್ದರಿಂದ ಇವನಿಗೆ ಒಂದು ಕೆಳಗಿನ ಹುದ್ದೆ ಸಿಕ್ಕಿತು. ಅವನಿಗೆ ಕಿರಿ ಕಿರಿ ಕೋಪ ಬಂದು ಕೆಲಸ ಬಿಟ್ಟು ಬಿಟ್ಟ. ಬೇರೆ ಕೆಲಸ ಹುಡುಕುತ್ತ ಅವನು ಬೂಟಿಕ್ ನ ಕೆಲಸಗಳನ್ನು ನೋಡಿಕೊಳ್ಳಲಾರಂಭಿಸಿದ.

soft pastel: art by Malavika

ಈಗ ಅವನು ಅವಳ ಬೂಟಿಕ್ ನ ಎಕೌಂಟ್ಸ್ ಮ್ಯಾನೇಜ್ ಮಾಡ್ತಾನೆ. ಬೂಟಿಕ್ ಈಗ ಹೊರದೇಶಗಳಲ್ಲೂ ಶಾಖೆಗಳನ್ನು ಹೊಂದಿದೆ. ಈಗ ಆತ ಡ್ರೆಸ್ ಡಿಸೈನರ್ ಳ ಗಂಡ ಅನ್ನಿಸಿಕೊಳ್ಳೋದಕ್ಕೆ ಮುಜುಗರ ಪಡ್ತಾ ಇಲ್ಲ.

Anonymous ji diet change ನ ಪ್ರಭಾವ ಹೆಂಗಿದೆ??
(ಸ್ವಲ್ಪ ನಿಜ ಸ್ವಲ್ಪ ಕಪೋಲಕಲ್ಪಿತ....ಕಪೋಲಕಲ್ಪಿತ ನಾ ಕಲಿತ ಹೊಸ ಪದ)

:-)