ಚಿತ್ರಸಂತೆ 2012

ಚಿತ್ರ ಸಂತೆಗೆ ಒಂದು ರೌಂಡ್ ಹಾಕುವ ಮುನ್ನ ನನ್ನ ವಿಚಿತ್ರ ಕತೆ ಹೇಳ್ತೆನೆ..
ನನಗೆ ಒಂದು ವಿಚಿತ್ರ ಕಾಯಿಲೆ ಇದೆ. ಅದು ಜನರ ಹೆದರಿಕೆ. ಆಂಗ್ಲ ಭಾಷೆಯಲ್ಲಿ ಇದಕ್ಕೆ Anthropophobia -ಆಂತ್ರೋಫೊಫೋಬಿಯ ಅಂತಾರೆ. ಇದು ಯಾವಗಲಿಂದ ಶುರು ಆಯ್ತು ಗೊತ್ತಿಲ್ಲ. ಬಹುಶ: ಚಿಕ್ಕಂದಿನಿಂದ ಅಜ್ಜನ ಅತೀ ಮುತುವರ್ಜಿ/ಕಾಳಜಿ ಯಿಂದ ಹೀಗಾಗಿರಬಹುದಾ? ಮನೆಯಿಂದ ಹೊರಗೆ ಹೋಗಬೇಕಾದರೆ..ಅಂದರೆ ಶಾಲೆಗೆ/ಪೇಟೆಗೆ ಎಲ್ಲದಕ್ಕೂ ಆಳು ಕಾಳು ನನ್ನ ಜತೆ ಇರುತ್ತಿದ್ದರು, ಅಥವಾ ನಮ್ಮ ಅಜ್ಜನೆ ನಮಗೆ ಕಾರಿನಲ್ಲಿ ಕರೆದುಕೊಂದು ಹೋಗೋದು. ಅಷ್ಟಲ್ಲದೆ ಅಜ್ಜನ clients ಬಂದಾಗಲೆಲ್ಲ ನನಗೆ ಗ್ರಹಬಂಧನ. ಓದಿಕೊಳ್ಳಲು ಒಂದು ರಾಶಿ ಪುಸ್ತ್ಕಕ. ಶಾಲೆಯಿಂದ ಕರೆದುಕೊಂಡು ಹೋಗುವ ಟ್ರಿಪ್/ಟೂರ್, ಸಿನಿಮಾ ಇದಕ್ಕೆಲ್ಲ ಹೋಗಲು ಅಪ್ಪಣೆ ಇರಲಿಲ್ಲ. ಎಲ್ಲಿಗಾದರೂ ಹೋಗಬೇಕಾದರೆ ಕುಟುಂಬದ ಸದಸ್ಯರೊಂದಿಗೆ ಮಾತ್ರ. ಆದ್ದರಿಂದ ನನಗೆ ಜನರ ಬಳಿ ಮಾತಾಡಲು ಅವರ ಜತೆ ಹೇಗೆ ವರ್ತಿಸಬೇಕೆಂಬುದು ಗೊತ್ತಿರಲಿಲ್ಲ..(ಈಗಲೂ...ಹೌದು ನಾಚಿಕೆ ಆಗುತ್ತೆ ಇದನ್ನು ಹೇಳಿಕೊಳ್ಳಲು) ಶ್ರೀಕಾಂತ್ ಅಂತೂ ಯಾವಾಗಲೂ ಹೇಳುತ್ತಾರೆ...for how long you can carry on like this ಅಂತ....ಮತ್ತೆ ಅವರು ಮೊದಲೆಲ್ಲ ’ಬಾಂಬೆಯಲ್ಲಿ ನೀನು ಹೇಗಿದ್ದೆ’ ಅಂದರೆ ನನ್ನ ಉತ್ತರ ’ಬಾಂಬೆಯಲ್ಲೂ ಹೀಗೆ ಇದ್ದೆ’...island ತರಹ!!

ಆದರೂ ನನ್ನ ಮನೆ ಯಿಂದ ಹೊರಗೆ ಹೋಗಿ ಮಾಡುವ ಕೆಲಸಗಳನ್ನೆಲ್ಲ ನಾನೇ ಮಾಡುತ್ತೇನೆ. It does not affect my day to day functioning in any way. 

ಒಬ್ಬಳೆ ಹೊರಗೆ ಹೋದಾಗ ಪೂರ್ತಿ switch off ಆಗಿ ಬಿಡ್ತೇನೆ. ನನ್ನ ಸುತ್ತಲೂ ಒಂದು ಕೋಟೆ ನಿರ್ಮಾಣವಾಗುತ್ತೆ. ಆದರೆ ನಾವು ನಾಲ್ಕು ಜನ ಎಲ್ಲಾದರೂ ಹೋದಾಗ ಅದು ಒಂದು ಬೇರೆ ಪ್ರಪಂಚ. ಇದರಲ್ಲಿ ನಾನು ಯಾರನ್ನೂ ಸೇರಿಸ ಬಯಸುವುದಿಲ್ಲ. ಉಳಿದ ಜನಜಂಗುಳಿಯೆಲ್ಲ ಒಂದು ತರಹ peripheral vision ನಲ್ಲಿ kaleidoscope ತರಹ ಮೂವ್ ಆಗ್ತಾ ಇರುತ್ತೆ. ಇದೆಲ್ಲ ಯಾಕೆ ಹೇಳ್ತಾ ಇದ್ದೇನಿ ಅಂದ್ರೆ ಮೊನ್ನೆ ಚಿತ್ರ ಸಂತೆಗೆ ಹೋದಾಗ ನನ್ನ ಕೆಲವು ಬ್ಲಾಗ್ ಓದುಗರನ್ನು ನೋಡಿದೆ. ಅವರು ನಗು ಮುಖ ಮಾಡಿಕೊಂಡು ನನ್ನ ಬಳಿ ಬರುವಷ್ಟರಲ್ಲಿ ನಾನು ಮುಖ ತಿರುಗಿಸಿ ಅಲ್ಲಿಂದ ಜಾಗ ಖಾಲಿ ಮಾಡಿ ಆಗಿತ್ತು. ಯಾಕೋ ನನಗೆ ಇದರ ಮೇಲೆ ಪೂರ್ತಿ control ಇಲ್ಲ. ಒಬ್ಬಳೆ ಊರೂರು ತಿರುಗಿದ್ದೇನೆ... ನನಗೆ ಫೇಸ್ ಬುಕ್ ನಲ್ಲಿ ಇಷ್ಟು ಸ್ನೇಹಿತರು ಇದ್ದಾರೆ ಅಂತ ನನ್ನ ತಮ್ಮ ಯಾವಾಗಲೂ ನನಗೆ ತಮಾಷೆ ಮಾಡ್ತಾನೆ. "ಫೇಸ್ ಬುಕ್ ನಲ್ಲಿ ಫ್ರೆಂಡ್ಸ್...ಫೇಸ್ to ಫೇಸ್ ಆದಾಗ ಹೆದರು ಪುಕ್ಕಲಿ ಅಂತ. ಇಷ್ಟಕ್ಕೂ ಯಾರಾದರೂ ನನ್ನ ಗಂಭೀರ ಮುಖ ನೋಡಿ ಧೈರ್ಯ ಮಾಡಿ ಮಾತ ನಾಡಿಸಲು ಬಂದರೆ ನಾನು ಕೆಂಪು ಕೆಂಪು ಆಗಿ ನಾಲಗೆ ತೊದಲುತ್ತದೆ.ಬೆ ಬೆ ಬೆ ಅಂತಿರತ್ತೀನಿ.....ಯಾರೋ ಒಬ್ಬರು ನನ್ನನ್ನು ಭೇಟಿ ಮಾಡಿದ ಮೇಲೆ ಒಂದು ಎಸ್ ಎಮ್ ಎಸ್ ಕಳುಹಿಸಿದ್ದರು..ಬ್ಲಾಗ್ ನೀವೆ ಬರೆಯುವುದಾ...u sound so funny and interesting in your writings..ಅಂತ :-((

funny ginny ಎಲ್ಲ ನನ್ನ ಆಪ್ತ ವಲಯದಲ್ಲಿ ಮಾತ್ರ...ಅಂದ್ರೆ ನನ್ನ ಕುಟುಂಬದ ಸದಸ್ಯರು, ಕೆಲವೇ ಕೆಲವು ಬೆರಳಣಿಕೆಯ ಮಿತ್ರರು. ನನಗೆ ಫ್ರೆಂಡ್ಸ್ ಅಂತ ಆಗಿದ್ದು ಇತ್ತೀಚಿಗಿನ 10 ವರ್ಷಗಳಲ್ಲಿ, ಬೆಂಗಳೂರಿಗೆ ಬಂದ ಮೇಲೆ...ಅದೂ 5 ಜನ...

ಮತ್ತೆ ಫೇಸ್ ಬುಕ್ ಮುಂತಾದ ತಾಣಗಳಲ್ಲಿ ಫ್ರೆಂಡ್ಸ್ ಅಂದ್ರೂ ಒಂದು ತರಹ certain degree of anonymity ಇರುತ್ತದಲ್ಲವಾ? ಅದಕ್ಕೆ ಅಲ್ಲಿ ಒಡನಾಡುವುದರಲ್ಲಿ ನನಗೇನೂ ಸಂಕೋಚ ಅನಿಸುವುದಿಲ್ಲ.

ನಮ್ಮ ಆಫಿಸ್ ನಲ್ಲಿ ನನ್ನ ಈ ಪ್ರವ್ರತ್ತಿ ಎಲ್ಲರಿಗೂ ಗೊತ್ತು ಆದ್ದರಿಂದ ನನಗೆ ನನ್ನ ಪಾಡಿಗೆ ಸುಮ್ಮನೆ ಬಿಡುತ್ತಾರೆ. ಆದರೂ ಒಂದು ಸಲ vote of thanks ಗೆ ನನ್ನ ಹೆಸರು sudden ಆಗಿ ಸ್ಟೇಜ್ ನಲ್ಲಿ ಕರೆದಾಗ..ನಾನು ಕೂಲ ಆಗಿ vote of thanks ಹೇಳಿ ಬಂದೆ. ಅದೇ ಅದಕ್ಕೇನಾದರೂ ಮೊದಲೇ practice ಎಲ್ಲ ಮಾಡಿದರೆ ನನ್ನ ಕಾಲು ತರ ತರ ಕಂಪಿಸಿ, ನನ್ನ ಎದೆ ಬಡಿತ ನನ್ನ ಕಿವಿಯೊಳಗೆ ಬಿಡಿ ಬೇರೆ ಯವರಿಗೂ ಕೇಳಿಸುತ್ತದೆಯೇನೋ ಅನ್ನುವಷ್ಟು ಧಡಕ್-ಭಡಕ್...ಅಪರೂಪಕ್ಕೆ one -to -one situation ನಲ್ಲಿ ಸರಿಯಾಗೇ ವರ್ತಿಸುತ್ತೇನೆ ಆದರೆ crowd ನಲ್ಲಿ ಏನೋ ಭಯ....ಇಲ್ಲೂ ಕೆಲವೊಂದು ವಿಚಿತ್ರ ರೀತಿ behave ಮಾಡ್ತೇನೆ.
Emergency situation ಉದಾಹರಣೆಗೆ accident ಏನಾದರೂ ಆಯಿತು ಅಂತ ತಿಳಕೊಳ್ಳಿ ಆಗ ನಾನೆ ಮುಂದಾಳತ್ವ ವಹಿಸಿ ಹೀಗೆ ಹೀಗೆ ಮಾಡಿ ಅಂತ instructions ಕೊಡ್ತೇನೆ. ಆಗ ನಾನು ಬೇರೆ ನೆ ಮಾಲತಿ...:-)
ನನ್ನ ಈ ವಿಚಿತ್ರ ನಡೆವಳಿಕೆಗೆ ಕ್ಷಮೆ ಕೋರುತ್ತಾ...ಬನ್ನಿ ಚಿತ್ರ ಸಂತೆ ಗೆ ಹೋಗಿ ಬರುವ..
ಈ ಸಲದ ವಿಶೇಷ ಅಂದ್ರೆ ನಾನಾಗಿ ಕೆಲವು ಆರ್ಟಿಸ್ಟ್ ಗಳನ್ನು ಮಾತನಾಡಿಸಿದ್ದು.
ಎಂಟರ್ ಆದ ಹಾಗೆ ಮೊದಲಿಗೆ ಇಟ್ಟಿದ್ದ exhibition ಗೆ ಹೋದಾಗ ಸೂರ್ಯಕಾಂತಿ ಹೂಗಳ ಮೇಲೆ ಬಿಟ್ಟು ಬಿಟ್ಟು ಒಂದು ಚಿಟ್ಟೇ ಬಂದು ಕೂರುತ್ತಿತ್ತು. ನಾನು ನೀಹಾ ಅದರ ಬಗ್ಗೆ ಕಾಮೆಂಟ್ ಮಾಡ್ತಾ ನಗುವಾಗ ಚಿತ್ರಕಾರನೂ ನೋಡಿ...Yes??!! ಅಂದ... ನಾನು ’ಸೀ your art work is so life like that it has confused the butterfly ಅಂದಾಗ ತುಂಬ ಖುಶಿ ಪಟ್ಟ.
"which paintings did you like ma'am?"
ನಾನು ಬೆರಳಿನಿಂದ ನನ್ನಗೆ ಇಷ್ಟ ಆದ ಚಿತ್ರಗಳನ್ನು -( ಮೂರು ನಾಲ್ಕು)- ತೋರಿಸಿದೆ.
"will you be buying ma'am?"
"Not at this time, when i move to my own place..then"
"no Problem, ma'am...all the best to having your own place". "This is my card"..When you go to your own house please visit my studio and pick which ever you want"
ಅವನಿಗೊಂದು ಥ್ಯಾಂಕ್ಸ್ ಹೇಳಿ "ಫೋಟೊ ತೆಗೀ ಬಹುದಾ ಅಂತ ಕೇಳ್ದೆ’
ಅವನು ,"Excuse me ma'am, No" ಅಂದ
"why?"
ಅದಕ್ಕೆ ಅವನ ಉತ್ತರ: ’ಹಿಂದಿನ ವರ್ಷ ಯಾರೋ ಒಬ್ಬರು ಹೀಗೆ ಫೋಟೊ ತೆಗೆದುಕೊಂಡು ಹೋಗಿ ಅದನ್ನು desk Top Calendar ಮಾಡಿಕೊಂಡು ಮಾರಿ ದುಡ್ಡು ಮಾಡಿದಾರೆ ಅಂದ
ಹೀಗೂ ಉಂಟೆ ಅಂದು ಕೊಂಡು ನಾನು ನಿಹಾ ಮುಂದಕ್ಕೆ ನಡೆದೆವು...
ಈ ಚಿತ್ರ ನನಗೆ ಕನಸಲ್ಲೂ ಕಾಡುತ್ತೆ

ಸುಮಾರು ಹೊತ್ತು ಕಾದರೂ (ಆಗ ಊಟದ ಸಮಯ ) ಚಿತ್ರಕಾರನನ್ನು ಭೇಟಿ ಮಾಡಲು ಆಗಲಿಲ್ಲ

entrance nalli...ಚೆನ್ನಾಗಿದೆ ಯಲ್ಲವಾ?

ನಾನೂ ನಿಹಾರಿಕಾನೂ ಒಂದೆ ಸಲಕ್ಕೆ wow ಅಂದಂತಹ ಚಿತ್ರ. looks so alive

photograph?? no... spent half an hour here savoring all the pictures

ಧೂಳಾಗಬಾರದೆಂದು wrap ಮಾಡಿದ ಪ್ಲ್ಯಾಸ್ಟಿಕ್ ಕವರ್ ನಿಂದ ಬೇರೆನೆ effect..:-)

so sweet!!

so intricate an art!!

ಸ್ವಲ್ಪ ನಾಚಿಕೆ ಸ್ವಲ್ಪ ಹೆಮ್ಮೆಯಿಂದ ಅವನು ಚಿತ್ರದ ಬಗ್ಗೆ ಮಾತನಾಡಿದ.

ಮಾಲದಿಯಮ್ಮೆ!!ಪೈಂಟಿಂಗ್ ನೋಕುನು!!

ನಮ್ಮೆಲ್ಲರ ಕುವೆಂಪು.....

ಈ ಹುಡುಗಿ ತುಂಬಾನೆ creative ಇದ್ದಾಳೆ ಅನ್ನಿಸ್ತು..

ತಮಿಳುನಾಡಿದ ಚಿತ್ರಕಾರನ ಕೈಚಳಕ

ಕೋಲ್ಕೋತಾ ದ ಚಿತ್ರಕಾರ..

If you like my art u can also 'like' me on facebook ಅಂತ ಹೇಳಿದ Prabha Narayanan..ಅವರ ವಿಸಿಂಟಿಂಗ್ ಕಾರ್ಡ್ ತುಂಬ ಚೆನ್ನಾಗಿದೆ

ಯಾಕೋ paris ನೆನಪಾಯ್ತು!!:-)

ಡಿಟೈಲಿಂಗ್ ನೋಡಿ!!! ನಾನಂತು ದಂಗು ಬಡಿದು ಹೋದೆ!!

ಹೆಂಗಸರನ್ನೂ ನಾಚಿಸುವಷ್ಟು ಇವರ ನಾಚಿಕೆ..ಸೊ ಸ್ವೀಟ್!!:-)

ಮೇಲಿನ red T shirt ಹಾಕಿದ ಹುಡುಗ ಕೇವಲ ಮೂರುವರೆ ತಾಸಲ್ಲಿ black ball point ಪೆನ್ ನಿಂದ ಮಾಡಿದ್ದನಂತೆ!!

ಹಳೆ ಕಾಲದ ಸಿನಿಮಾ ಪೋಸ್ಟರ್ ನೆನಪಿಸಿತು

ನಿಹಾರಿಕಂಗೆ ಈ ಹುಡುಗ ವಸುಧೆಂದ್ರ ಮಾಮ (ನನ್ನ ಆಪ್ತ ಮಿತ್ರರು ಹಾಗೂ ಖ್ಯಾತ ಬರಹಗಾರರು)ನನ್ನು ನೆನಪಿಸಿತಂತೆ . ಈ ಚಿತ್ರವನ್ನು ಅವರಿಗೆ ಕಳುಹಿಸಿದಾಗ " ಈ ಹುಡುಗನಿಗೆ ನನ್ನ ಹೋಲಿಕೆಯಿದೆ ಅಂದರು". ಎಷ್ಟು ಹೊತ್ತು ಈ ಹುಡುಗನನ್ನೆ ನೋಡುತ್ತ ಇದ್ದೇವು ಅಂದರೆ ಆ ಹುಡುಗ ನಾಚಿಕೆ ಪಟ್ಟು ಫಳ್ಳನೆ ಒಂದು ಚಂದದ ನಗೆ ನಮ  ಕಡೆ ಬೀರಿದ..

ಇನ್ನೂ ಸುಮಾರು ಚಿತ್ರಗಳಿವೆ...part -2 ಮಾಡುತ್ತೇನೆ.

enjoy

:-)

ಭಾಜಿ ಪೂರಿ -ಗೋವಾ ತಿನಿಸು

ನನ್ನ ಬ್ರದರ್ ಇನ್ ಲಾ ಯು ಎಸ್ ನಿಂದ ಬಂದಾಗ ಏನಾದರೂ ಹೊಸತನ್ನು ಮಾಡುವ ಅಂತ, ಮೊದಲ ಬಾರಿಗೆ ಈ ತಿನಿಸನ್ನು ಮಾಡಿದೆ. ಗೋವಾ ದ ರುಚಿ ಬರಲಿಲ್ಲ. ಆದರೂ ಒಂತರಹ ಚೆನ್ನಾಗಿತ್ತು ಅನ್ನಲಿಕ್ಕೆ ಏನಡ್ಡಿಯಿಲ್ಲ. ಶ್ರೀಕಾಂತ ನನಗೆ on a scale of 1 to 5....3.8 ಅಂಕಗಳನ್ನು ಕೊಟ್ಟರು. :-(

ಚಿಕ್ಕವಳಿದ್ದಾಗ( ಮತ್ತು ಈಗಲೂ) ಎಲ್ಲರೂ ಗೋವಾಕ್ಕೆ ದೇವಸ್ಥಾನಕ್ಕೆ ಭೇಟಿ ನೀಡಲು ಹೋಗುತ್ತಿದ್ದರೆ ನನಗೆ ಅಲ್ಲಿನ ಮೈನ್ attraction ದೇವಸ್ಥಾನದ ಅಕ್ಕ ಪಕ್ಕ ಇರುವ ಸಣ್ಣ ಸಣ್ಣ ಹೋಟಲ್ ನಲ್ಲಿ ಕೊಡುವ ಉಂಡೆ ಪಾವ್ ಭಾಜಿ . ಇಲ್ಲಿ ಭಾಜಿ ಅಂದರೆ ಒಂದು ಸುಖಾ (dry) ಭಾಜಿ, ಒಂದು ಪಾತಳ್ (liquidy) ಭಾಜಿ.

ಈ ಸಲ ಫೋಟೊ ನಾನೆ ತೆಗೆದದ್ದು....:-) ತಿಂಡಿ ತಿಂದು ಆಗಿರಲಿಲ್ಲ ಅದಕ್ಕೆ ಹೋಕಸ್ ಫೋಕಸ್ ಆಗಿದೆ

ಸುಖಾ ಭಾಜಿ ಅಲೂಗಡ್ಡೆಯಿಂದ ಮಾಮೂಲಿ ನಾವು ಹೇಗೆ ಮಾಡ್ತೇವೋ ಹಾಗೆ..

for ಪಾತಳ್ ಭಾಜಿ

fresh ಬಟಾಣಿ..(ಇಲ್ಲದಿದ್ದರೆ ಬಟಾಣಿಯನ್ನು ಹಿಂದಿನ ದಿನ ರಾತ್ರಿ (ಬೆಳಿಗ್ಗೆಗೆ ಮಾಡೋದಾದರೆ) ನೀರಿನಲ್ಲಿ ನೆನೆಸಿಡಿ. ಬೆಳಿಗ್ಗೆ ಕುಕ್ಕರ್ ನಲ್ಲಿ ಒಂದು ವಿಹ್ಸಲ್ ತೆಗೆಯಿರಿ)

for the masala:

ಎರಡು ದೊಡ್ಡ ಸ್ಪೂನ್ ತುರಿದ ಕೊಬ್ಬರಿ, ಎರಡು ಕೆಂಪು (ಒಣ) ಮೆಣಸು, ಅರ್ಧ ಟೀ ಸ್ಪೂನ್ ಕೊತ್ತಂಬರಿ ಬೀಜ, 5-6 ಕರಿಮೆಣಸು (pepper), ಕಾಲು ಇಂಚ್ ದಾಲ್ಚಿನಿ ತುಂಡು. ಎಣ್ಣೆಯಲ್ಲಿ ಇವೆಲ್ಲವನ್ನು ಹುರಿಯಿರಿ. ತಣ್ಣಗಾದ ಮೇಲೆ ಮಿಕ್ಸಿ ನಲ್ಲಿ ಹುಣಸೆ ಹಣ್ಣಿನ ಜತೆ ಇವನ್ನು ಹಾಕಿ ರುಬ್ಬಿ. ಈ ಮಿಶ್ರಣವನ್ನು ಬೆಂದ ಬಟಾಣಿ ಕಾಳಿಗೆ ಬೆರೆಸಿ, ಉಪ್ಪು ಸೇರಿಸಿ, ಐದು ನಿಮಿಷ ಕುದಿಸಿ....ಭಾಜಿ ರೆಡಿ....(ಗಮನಿಸಿ ಈ ಭಾಜಿಗೆ ನೀರುಳ್ಳಿ ಬೆಳ್ಳುಳ್ಳಿ ಇಲ್ಲ. ನೀರುಳ್ಳಿ ಬೇಕಿದ್ದಲ್ಲಿ ಒಂದು medium size ನೀರುಳ್ಳಿಯನ್ನು ಕತ್ತರಿಸಿ ಎಣ್ಣೆಯಲ್ಲಿ ಕೆಂಪಗೆ ಹುರಿದು ಅದನ್ನು ಮಸಾಲೆಯೊಂದಿಗೆ ಮಿಕ್ಸಿಯಲ್ಲಿ ಹಾಕ ಬೇಕು...)

ಪೂರಿ ಮಾಡುವುದು ಎಲ್ಲರಿಗೂ ಗೊತ್ತು...

:-)

ಹಾಲು ,,ಪೇಪರ್ ....ಸಂಚಿಯಿಂದ ತೆಗೆದ ಎರಡು ಬಿಡಿ ಬಿಡಿ ನೆನಪು

ನನ್ನ ತಮ್ಮನ ಹೆಂಡತಿ fb ನಲ್ಲಿ ಇದನ್ನು ಹಾಕಿದ್ಲು. ನಗುವಿನ ಜತೆ ಸುಮಾರೆಲ್ಲ ವಿಷಯಗಳನ್ನು ನೆನಪು ಮಾಡಿದೆ ಇದು!!:-)

ಮೊದಲಿಗೆ ಹಾಲಿನ ವಿಷಯಕ್ಕೆ ಬರುತ್ತೇನೆ

ನಾನು ಚಿಕ್ಕವಳಿರುವಾಗ ನಾನು ಏಳುವ ಮುಂಚೆಯೆ ಹಾಲಿನ ಬಾಟಲ್ ಹೊರಗಿಟ್ಟು ಹೋಗುತ್ತಿದ ಹಾಲಿನವ. ಆ ಬಾಟಲಿಗೆ ಬಿಗಡೆಯ ಮುಚ್ಚಳ. ಬಾಟಲಿ ಇಡುವ ಟಣ್ ಶಬ್ದ ಆದ ಕೂಡಲೆ ಅಜೋಬಾ ಮನೆಯೆದುರಿನಿಂದ ಬಾಟಲಿ ಒಳಗೆ ತರುತ್ತಿದ್ದರು. ಇಲ್ಲಿದಿದ್ದರೆ ಕಾಗೆಗಳು ಬಂದು ಅದರ ಮುಚ್ಚಳ ಕೊಕ್ಕಿನಲ್ಲಿ ತೂತು ಮಾಡಿ ಹಲವಾರು ಸಲ ಬಾಟಲಿ ಬಿದ್ದು ಪುಡಿಯಾಗಿದ್ದಿದ್ದೆ. ಹಿಂದಿನ ರಾತ್ರಿ ಖಾಲಿ ಬಾಟಲು ಹೊರಗಿಡಬೇಕು. ಮರುದಿನ ಹಾಲಿನವನು ಅದನ್ನು replace ಮಾಡುತ್ತಿದ್ದ.

Pic from Net

ಆ ಮೇಲೆ ಅಜ್ಜ ಬಾಟಲಿಯ ಮುಚ್ಚಳ ನನಗೆ ಕೊಡುತ್ತಿದ್ದರು. ಬಾಟಲಿಯ ತುದಿಗೆ ತೇಲಿ ಬಂದ ಕ್ರೀಮ ನನಗೆ - ನೆಕ್ಕಲು. ನನ್ನ ನಾನಿಗೆ ಸಂಧೀವಾತ ಇದ್ದುದರಿಂದ ಅವರು ಬೇಗ ಏಳುತ್ತಿರಲಿಲ್ಲ, ಸೂರ್ಯ ಬಂದ ಸ್ವಲ್ಪ ಹೊತ್ತಿಗೆ ಏಳುತ್ತಿದ್ದರು, ಅಷ್ಟರೊಳಗೆ ನನಗೆ ಅಜೋಬಾ ಹಾಲು ಕಾಯಿಸಿ ಎರಡು ಗುಲ್ಕೋಸ್ ಬಿಸ್ಕುಟ್ (glucose biscuit) ಕೊಡುತ್ತಿದ್ದರು. ಹಾಲು ಚಿಮಣಿ ಎಣ್ಣೆ  ಸ್ಟವ್ ಮೇಲೆ ಕಾಯಿಸುತ್ತಿದ್ದರು. ..ನನ್ನ ಹಾಲು ಕುಡಿದಾದ ಮೇಲೆ ನಮ್ಮ ವಾಕಿಂಗ್ ಇತ್ಯಾದಿ. ನನ್ನ ನಾನಿಗೆ ಕ್ಯಾನ್ಸರ್ ಆದ ಮೇಲೆ ನಾನು ಅಮ್ಮನ ಮನೆ ಅಂಧೇರಿ ಗೆ ಬಂದ ಮೇಲೆ, ಬೆಳಿಗ್ಗೆ ಹಾಲು ತರುವ ಕೆಲಸ ನನ್ನದಾಯಿತು. ಹಾಲು ತಂದದ್ದಕ್ಕೆ, ಹಾಲು ಹಾಕುವ ಹೆಂಗಸಿಗೆ ಕೊಡುವ ದುಡ್ಡನ್ನು ಅಮ್ಮ ನನಗೆ ಕೊಡುತ್ತಿದ್ದರು. ಪ್ಯಾಕೆಟ್ ಮೇಲೆ 10 ಪೈಸೆ ಅವಳ charges. ಆಗ ಹಾಲಿಗೆ ಎರಡು ರೂಪಾಯಿ ಆ ದುಡ್ಡನ್ನು ಜಮಾ ಮಾಡಿ ನಾನು scrabble board ಖರೀದಿಸಿದ್ದೆ.18  ರೂಪಾಯಿಗೆ!! ಈಗಲೂ ನನ್ನ ಅಮ್ಮನ ಮನೆಯಲ್ಲಿ ಇದೆ ಅದು.  ತಮ್ಮ ತಂಗಿ ಸೇರಿದಾಗ ನಾವೆಲ್ಲ ಈಗಲೂ scrabble ಆಡ್ತೇವೆ. ಎಂಜಾಯ್ ಮಾಡ್ತೇವೆ.
ಇಲ್ಲಿ ಬೆಂಗಳೂರಿನಲ್ಲಿ ನಂದಿನಿ ಹಾಲು ರಸ್ತೆ ಬದಿಯಲ್ಲಿ ಮಾರುವವಳು ಬೆಳಿಗ್ಗೆ 4 ಗಂಟೆಗೆ ಬಂದಿರುತ್ತಾಳೆ. ಹುಷಾರಿರಲಿ ಇಲ್ಲದಿರಲಿ ಯಾವಾಗಲೂ ಪಂಕ್ಚುಅಲ್. ನನಗಂತೂ ಖುಶಿ ನೆ. ಬೆಳಿಗ್ಗೆ..especially ಚಳಿಗಾಲದಲ್ಲಿ ಚುಮು ಚುಮು ನಸುಕಿನಲ್ಲಿ ಗಲ್ಲ ಮೂಗು ಕಿವಿಯೆಲ್ಲ ಐಸ್ ತರಹ ಮಾಡಿಕೊಂಡು, ಹಾಲು ತಂದು ( ಸುಮಾರು ಸಲ ನನಗೆ ಅಲ್ಲಿ ನಿಲ್ಲಿಸಿ ಹಾಲಿನವಳು ಕತ್ತಲೆ ಇರುವ ಕಾಂಪೌಂಡ್ ಎಡೆಯಲ್ಲಿ ಹೋಗಿ natures call ಮುಗಿಸಿ ಬಂದಿದ್ದು ಇದೆ. ಅವಳಿಗೆ ಬೈ ಪಾಸ್ ಸರ್ಜರಿ ಆಗಿದ್ದ ಹೊಲಿಗೆ ಮಾರ್ಕ್ ಕಂಡಿದ್ದೇನೆ.ನಮ್ಮ ತಂದೆಗೂ ಆಗಿದೆ ಆದ್ದರಿಂದ ನನಗೆ ಗೊತ್ತು. ಆದರೂ  ಒಂದು ದಿನ ಕೂಡ ತಪ್ಪಿಸಿಲ್ಲ..)ಆ ಮೇಲೆ ನಾನು ಹಾಲು ಕಾಯಿಸುವಷ್ಟರಲ್ಲಿ ನಿಹಾ ಎದ್ದಿರುತ್ತಾಳೆ. ನಾನು ಅವಳು ಟೀ ಕುಡೀತೇವೆ. it is one of a most pleasurable part of my daily life. ಮಾತಾಡ್ತೀವಿ, ನಗ್ತೀವಿ.....ನಮ್ಮ ಪಕ್ಕದ ಮನೆ ರಾಮು ಗೆ ಕುತೂಹಲ, ’Malathi, what do you find amusing so early in the morning...i dont feel like waking up let alone laughing/talking' ಅನ್ನುತ್ತಿರುತ್ತಾನೆ.

ಇನ್ನು ನ್ಯುಸ್ ಪೇಪರ್ ಬಗ್ಗೆ
ಮದುವೆಯಾದ ಮೇಲೆ ನನಗೆ ಗೊತ್ತಾಗಿದ್ದು ನಮ್ಮ ರಾಯರಿಗೆ ಸಂಡಾಸ್ ನಲ್ಲಿ ಪೇಪರ್ ಓದುವ ಅಭ್ಯಾಸ ಇದೆ ಅಂತ. ಮದುವೆಯಾದ ಮೇಲೆ ಮೊದಲ ಸಲ ಅಮ್ಮನ ಮನೆಗೆ ಹೋದಾಗ ಆದ ಫಜೀತಿ ಈಗಲೂ ನನಗೆ ನೆನಪಿದೆ. ನನ್ನ ತಂದೆಯವರು ಪೇಪರ್ ಎಲ್ಲಿ, ಪೇಪರ್ ಎಲ್ಲಿ ಅಂತ ಹುಡುಕುತ್ತಿದ್ದರು. ಇವರು ಸಂಡಾಸಿಗೆ ತೆಗೆದುಕೊಂಡು ಹೋದದ್ದು ನಾನು ನೋಡಿದ್ದೆ. ನನಗೋ ಹೇಳಲು ಮುಜುಗರ. ಆಮೇಲೆ ಎಲ್ಲರು ಸೀರಿಯಸ್ ಆಗಿ, ಇಲ್ಲೇ ಇತ್ತು ಪೇಪರ್ ಎಲ್ಲಿ ಹೋಯ್ತು ಅಂತ ಪೇಪರ್ ಹುಡುಕಲು ಶುರು ಮಾಡಿದರು. ನಾನು ನಾಚಿಕೆ ಪಟ್ಟು ನನ್ನ ತಮ್ಮನ ಬಳಿ ಇವರು ಪೇಪರ್ ತೆಗೆದುಕೊಂಡು ಹೋಗಿದ್ದು ಮೆಲ್ಲನೆ ಉಸುರಿದೆ. ನನ್ನ ತಮ್ಮಂದು ಗಲಾಟೆ ಅಂದ್ರೆ ಗಲಾಟೆ. toilet ಹೊರಗಡೆ ನಿಂತು , ’ಭಾವಾಜಿ, ನಮ್ಮ ಮನೆಯಲ್ಲಿ ನೀರಿನ ಪ್ರಾಬ್ಲೆಮ್ ಇಲ್ಲ, ಇದ್ದರೂ ಸಮುದ್ರ ಬಳಿಯಲ್ಲೇ ಇದೆ (ನಮ್ಮ ಕಿಟಕಿಯಿಂದ ಸಮುದ್ರ ಕಾಣುತ್ತೆ), ಟಾಯ್ಲೆಟ್ ಗೆ ಪೇಪರ್ ಒಯ್ಯುವ ಗರಜ್ ಇಲ್ಲ ಅಂತ ಎಲ್ಲರನ್ನೂ ನಗಿಸ ಬೇಕಾದ್ರೆ ನಾನು ಮಾತ್ರ ಟೊಮೇಟೊ ಹಣ್ಣು  ನಾಚ ಬೇಕು ಅಷ್ಟು ಕೆಂಪು ಕೆಂಪು...
ಈಗಲೂ ನಾನು ಪೇಪರ್ ಬಂದ ಕೂಡಲೆ ಓದಿ ಬಿಡುತ್ತೇನೆ. ಅವರು toilet ಗೆ ಒಯ್ದ ಪೆಪರ್ ನಾನು ಓದಲ್ಲ. ಸಧ್ಯ ಅವರು ಕನ್ನಡ ಪೇಪರ್ ಮಾತ್ರ ಒಯ್ಯೋದು ಒಳಗಡೆ. ಆಕಸ್ಮಾತ್ ಆ ದಿನ ಅವರು ಏಳುವ ಹೊತ್ತಿಗೆ (ಅಪರೂಪಕ್ಕೆ) ಪೇಪರ್ ಬರದೆ ಇದ್ದರೆ, ಛೆ ಇವತ್ತು motion ಸರಿಯಾಗಿಲ್ಲ ಅಂತ ನೆವ ಹೇಳಿ, ಪೇಪರ್ ಬಂದ ಮೇಲೆ ಇನ್ನೊಂದು ರೌಂಡ್...............
ಪೇಪರ್ ಎಂದರೆ ಇನ್ನೊಂದು ನೆನಪು ನಾನು ನನ್ನ ತಮ್ಮ ಮಾಡುತ್ತಿದ್ದ the sunday-midday cross word. ಒಂದು ಫುಲ್ ಪೇಜ್ ಪದಬಂಧ. ಭಾನುವಾರ ಮಧ್ಯಾಹ್ನ್ ಊಟ ಆದಮೇಲೆ ನಾನು ಅಮ್ಮನಿಗೆ ಅಡಿಗೆ ಮನೆ ಕ್ಲೀನ್ ಮಾಡಿಕೊಡುತ್ತಿದ್ದ ಹಾಗೆ ನನ್ನ ತಮ್ಮ ಪೆನ್ಸಿಲ್ ನಿಂದ ಖಾಲಿ ಹಾಳೆ ಮೇಲೆ ರಫ್ ಆಗಿ ಪದಬಂಧದ ಪ್ರತಿಯೊಂದು ಬಿಡಿಸಿಡುತ್ತಿದ್ದ. ಆಮೇಲೆ ನಾನು ಅವನು ಕೂತು ಪದಬಂಧ ಬಿಡಿಸುತ್ತಿದ್ದೆವು.-ಅದು ಪೂರ್ತಿಯಾದಮೇಲೆ ಅದನ್ನು ಪೇಪರ್ ನಲ್ಲಿ ತುಂಬಿಸುತ್ತಿದ್ವಿ. ನನ್ನ ಅಕ್ಶರ ಚೆನ್ನಾಗಿದೆ ಅಂತ ಆ ಕೆಲಸ ನನ್ನದು. ಪಕ್ಕದಲ್ಲಿ ಒಂದು dictionary ಬೇರೆ. ಪೂರ್ತಿ ಬಿಡಿಸಿದ ಪದಬಂಧ ಆಮೇಲೆ ಪೋಸ್ಟ್ ಮಾಡಬೇಕಿತ್ತು. ಹಲವಾರು ಸಲ ಸರಿಯಾದ ಉತ್ತರಗಳನ್ನು ಬಿಡಿಸಿ ಕಳುಹಿಸಿದ್ದರು ನಮಗೆ ಪ್ರೈಜ್(cash prize) ಬರಲಿಲ್ಲ, ಯಾಕೆಂದರೆ ಅದು ಲಾಟರಿ ಮೂಲಕ ವಿಜೇತರನ್ನು select ಮಾಡುವ ಪ್ರಕ್ರಿಯೆ ಇತ್ತು.
ಈಗ ನಾನು ಮಕ್ಕಳು the hindu metro plus crossword ಬಿಡಿಸುವುದು ಬೆಳಿಗ್ಗೆ ತಿಂಡಿ ತಿನ್ನುತ್ತ..ನಿಹಾ  lefty ಆದರೂ ತಿಂಡಿ ತಿನ್ನುವಾಗ ಬಲಗೈ ಉಪಯೋಗಿಸುತ್ತಾಳೆ ಆದ್ದರಿಂದ  ಉತ್ತರಗಳನ್ನು ತುಂಬುವ ಕೆಲಸ ಅವಳದ್ದು. ತುಂಬ ಎಂಜಾಯ್ ಮಾಡ್ತೇವೆ ನಾವು ಈ ಸಮಯ..love you akka and nymphs and Sri....
ಎಲ್ಲರಿಗೂ ಗಣರಾಜ್ಯೋತ್ಸವದ ಶುಭಾಶಯಗಳು....
:-)

ಹೀಗೂ ಇರ್ತಾರೆ ಕೆಲವರು part 2

ಮೊದಲಿಗೆ ಇದನ್ನು ಓದಿ

http://malathisanchiyinda.blogspot.com/2011/08/7.html

ಮೇಲ್ಕಂಡ  ಪೋಸ್ಟ್ ನ ಮೊದಲ ಭಾಗದಲ್ಲಿ ಇದು ಬರುತ್ತೆ

ಇದರ ಮುಂದುವರೆದ ಭಾಗ

ವಿ ಅರ್ ಎಲ್ ಬಸ್ ನ ಟು ಪ್ಲಸ್ ವನ್ ಸೀಟ್ ನಮಗೆ ಅನುಕೂಲ. ಮಕ್ಕಳಿಬ್ಬರೂ ಕೂತ ಲೈನ್ ನಲಿ ನಾನು ಕೂರ ಬಹುದು. ಬಸ್ ತುಂಬೆಲ್ಲ ಕಾಲೇಜು ಮಕ್ಕಳು. ಕಾಲೇಜ್ ನ ಸ್ಪೋರ್ಟ್ಸ್ ಟೀಮ್ ಅಥವ ಸುಮ್ಮನೆ ಟೂರ್ ಹಾಕ್ಕೊಂಡಿರಬಹುದು. ಬರೀ ಸದ್ದು ಗದ್ದಲ. ಮಾತನಾಡುವಾಗ ಪ್ರತೀ ವಾಕ್ಯದ  ಮೊದಲು ಹಾಗೂ ಕೊನೆಯಲ್ಲಿ ಬೆನ್ ಚೋದ್, ಮಾದರ್ ಚೋದ್, ಇಸ್ಕೀ ಮಾಂಕೀ, ಬೋಸುಡಿಕೆ ಇಂತವೆ ಎಲ್ಲ ಗಟ್ಟಿ ಮಾತು. ಅದರ ನಡುವೆ ಬೆಂಗಳೂರಿನಿಂದ ಬಸ್ ಹೊರಬರುವಷ್ಟರಲ್ಲಿ ಇಬ್ಬರ ಮದ್ಯ  ಜಗಳ ಕೂಡ ಆಯಿತು.ಆದರೆ ನಾನು ಶ್ರೀಕಾಂತಗೆ ಬೀಗದ ಕೈ ಹೇಗೆ ತಲುಪಿಸುವುದಪ್ಪ ಅಂತ ಚಿಂತೆಯಲ್ಲಿ ತೊಡಗಿದ್ದರಿಂದ ಆ ಹುಡುಗರ ಮೇಲಿನ ನನ್ನ attention ಸ್ವಲ್ಪ divert ಆಗಿತ್ತು. ಡೊಬ್ಸ್ ಪೆಟ್ ನಲ್ಲಿ ಬೀಗದ ಕೈ ಸಮಸ್ಯೆಗೆ ಸಮಾಧನ ಪಡೆದರಿಂದ ಸ್ವಲ್ಪ ನಿರಾಳವಾದೆ. ಪುನ: ಹುಡುಗರ ಬೈಗಳು ಮಾತುಗಳ ಕಡೆ ನನ್ನ ಗಮನ ಹೋಯಿತು.  ಛಿ!! ಇದೆಲ್ಲಿ ಸಿಕ್ಕಾಂಕೊಂಡ್ವಿಪ್ಪ ಅಂದುಕೊಂಡೆ. ತುಮಕೂರಿನಿಂದ ಸ್ವಲ್ಪ ಮುಂದಕ್ಕೆ ಬಂದಿರಬಹುದು. ನಾನು ಮಾಲವಿಕ ನ ಕಡೆ ನೋಡಿದೆ. ಅವಳು ಕಿಟಕಿಯಿಂದ ಹೊರ ನೋಡ್ತಾ ಇದ್ದಳು. ನಾನು ಅವಳಿಗೆ ಮಲಗುವಂತೆ ಹೇಳಿದೆ. ಆದರೆ ಅವಳ ಸೀಟ್ ಹಿಂದಕ್ಕೆ ಹೋಗ್ತಾ ಇರಲಿಲ್ಲ. ಅದಕ್ಕೆ ನಾನು ಅವಳ ಬಳಿ ಹೋಗಿ ಸೀಟ್ ಹಿಂದಕ್ಕೆ ಸರಿಸಿದ್ದೆ ಅಷ್ಟೆ. ಅವಳ ಭಾಗ ಕಿಟಕಿ ಗಾಜು ಚೂರು ಚೂರು.  ಸಧ್ಯ ನಾನು ಸೀಟನ್ನು ಹಿಂದಕ್ಕೆ ವಾಲಿಸಿದರಿಂದ ಅವಳ ಮುಖ ಬಚಾವಾಯ್ತು, ನಿಹಾರಿಕ ನನ್ನ ಹಿಂದೆ ಇದ್ದಿದ್ದರಿಂದ ಅವಳಿಗೂ ನನಗೂ ಗಲ್ಲ ಹಣೆಗೆ ತರಚು ಗಾಯ ಆಯ್ತು. ಬಸ್ ತುಂಬೆಲ್ಲ ಗಾಜಿನ ಚೂರು. ಅಷ್ಟರೊಳಗೆ ಆ ಹುಡುಗರ ಗುಂಪಿನ ಕೆಲವರು ’ಕ್ಯಾ ಹುವಾ ಆಂಟಿ’ ಅಂತ ಎದ್ದು ನಿಂತರು. ಅವರಲ್ಲಿ ಒಬ್ಬ ಮುಂದಕ್ಕೆ  ಹೋಗಿ ಬಸ್ ಡ್ರೈವರ್ ಗೆ ಲೈಟ್ ಹಚ್ಚಿ, ಬಸ್ ನಿಲ್ಲಿಸಲು ಹೇಳಿದ. ಬಸ್ ಸೈಡ್ ಗೆ ನಿಂತ ಮೇಲೆ ನೋಡಿದ್ರೆ, ನಮ್ಮ ಸೀಟ್ ಮಧ್ಯದ aisle ನಲ್ಲಿ ದೊಡ್ಡ ಕಲ್ಲೊಂದು ಬಿದ್ದಿತ್ತು. ಯಾರೋ ಚಲಿಸುವ ಬಸ್ಸಿಗೆ ಬೀಸಿ ಓಗೆದ ಪರಿಣಾಮ. ಮಾಲವಿಕ ನ ಮುಖಕ್ಕೆ ಏನಾದರು ಬಡಿದಿದ್ದರೆ ಮುಖಚರ್ಯೆನೆ ಬದಲಾಗಿ ಹೋಗ್ತಿತ್ತು. ಡ್ರೈವರ್ ಹೆಲ್ಫರ್ ಬಂದು ಎಲ್ಲಾದರೂ ಏಟಾಗಿದೆಯೆ ಪರೀಕ್ಷಿಸಿ ಎಂದರು. ಮಾಲವಿಕನ ಗುಂಗುರು ತಲೆ ಕೂದಲಲ್ಲೆಲ್ಲ ಸಣ್ಣ  ಪುಟ್ಟ ಗಾಜಿನ ಚೂರು ಸೇರಿಕೊಂಡಿದ್ದು ಬಿಟ್ಟರೆ ಏನು ಆಗಲಿಲ್ಲ. ಒಬ್ಬ ಹುಡುಗ ಅವಳ ಕೂದಲನ್ನು ಬಿಚ್ಚಿ ಅವನ ಪಾಕೆಟ್ ಬಾಚಣಿಕೆಯಿಂದ ನಿಧಾನವಾಗಿ ಅವಳ ಕೂದಲು ಸಿಕ್ಕು ಬಿಡಿಸಿ, ಗಾಜಿನ ಚೂರನ್ನು ಹೆಕ್ಕಿದ, ಇನ್ನೊಬ್ಬ ನಮ್ಮನೆಲ್ಲ ಎಬ್ಬಿಸಿ newspaper ತಂದು ಸೀಟ್ ಮೇಲೆ ಬಿದ್ದ ಗಾಜನೆಲ್ಲ ತೆಗೆದ. ಇನ್ನೊಬ್ಬ first aid ಕಿಟ್ ನಿಂದ ಡೆಟ್ಟಲ್-ಹತ್ತಿ ತಂದು ಕೊಟ್ಟ. ಇನ್ನು ಕೆಲವು ಹುಡುಗರು ಡ್ರೈವರ್ ಜತೆ ಸೇರಿ ಹೊಸ ಗಾಜು ಅಳವಡಿಸಿದರು. ಕೆಲ ಹೊತ್ತು ಮುಂಚೆ ಇವರೇನಾ ಅವ್ಯಾಚ  ಶಬ್ದಗಳನ್ನು ಬಳಸಿ ಮಾತಾಡಿದ್ದು, ಜಗಳವಾಡಿದ್ದು ಅನ್ನಿಸುವಷ್ಟು ಸಾಮರಸ್ಯದಿಂದ ಚಕಚಕನೆ ಕೆಲಸ ಮಾಡುತ್ತ ಇದ್ದರು. ಗಾಜು ಕೂರಿಸಿದ್ದು ಸರಿಯಾಗಿಲ್ಲವೆಂದು ಅದರಲ್ಲಿ newspaper ಅವರ ಜ್ಯಾಕೆಟ್ ಗಳನ್ನೆಲ ತೂರಿಸಿ, ’ಆಂಟಿ ಇಲ್ಲಿಂದ ಗಾಳಿ ಬರುತ್ತೆ ನೀವು ಮಕ್ಕಳು ಮುಂದಿನ  ನಮ್ಮ ಸೀಟ್ ನಲ್ಲಿ ಕೂತುಕೊಳ್ಳಿ ಅಂತ ಹೇಳಿದರು..............

ಬೆಳಿಗ್ಗೆ ಬೆಳಗಾವಿ ತಲುಪಿದೆವು. ಅವರಿಗೆಲ್ಲ ನಾನು ಕೈ ಮುಗಿದೆ ಥ್ಯಾಂಕ್ಸ್ ಹೇಳಿದೆ.ಅವರು ’ಆಪ್ ಭಿ ನಾ ಆಂಟಿ, ಇಸ್ಮೆ ಥ್ಯಾಂಕ್ಸ್ ಕಿ ಕ್ಯಾ ಬಾತ್ ಹೈ’ ಅಂದರು.  ಹೇಗಿದೆ??
ಈ ಘಟನೆ ನಡೆದು ಹತ್ತು ವರ್ಷಗಳೇ ಸಂದಿವೆ!!

ಹೀಗೂ ಇರ್ತಾರೆ ಕೆಲವರು

ನಾನು ಬಸ್ ನಲ್ಲಿ ಪ್ರಯಾಣ ಮಾಡುವಾಗ ನನ್ನ ಬಳಿ ಯಾವಾಗಲೂ ಪುಸ್ತಕ ಇರುತ್ತೆ. ಬಸ್ಸ್ ನಿಂದ ಹೊರ ಇಣುಕಿ ಹೊರಗಿನ ದೃಶ್ಯಗಳನ್ನು ನೋಡುವುದು ನನಗೆ ಇಷ್ಟ, ಆದರೆ ಕೆಲವೊಮ್ಮೆ ತುಂಬ ಮಾತನಾಡುವವರು ಪಕ್ಕದಲ್ಲಿ ಕುಳಿತಾಗ ಹಿಂಸೆಯಾಗುತ್ತೆ. ಅಂತ ಸಮಯದಲ್ಲಿ ನಾನು ಪುಸ್ತಕ ಬ್ಯಾಗ್ ನಿಂದ ಹೊರ ತೆಗೆದು ಓದಲು ಶುರು ಮಾಡಿ ಬಿಡ್ತೇನೆ.

ಮೊನ್ನೆ ಹೀಗಾಯಿತು. ಗಡಿಬಿಡಿಯಲ್ಲಿ ಪುಸ್ತಕ ತರಲು ಮರೆತು ಹೋಯಿತು. ನನ್ನ ಪಕ್ಕದಲ್ಲಿ ಕುಳಿತ ಹೆಂಗಸು , ’ಮ್ಯಾಡಂ, ಟೈಮ್ ಎಷ್ಟು’ ಅನ್ನಲು ನಾನು 12.30 ಅಂದೆ

"ಇಲ್ಲಿಂದ ಮೆಜಿಸ್ಟಿಕ್ ಎಷ್ಟು ಹೊತ್ತು’?"

"ಅರ್ಧ ಗಂಟೆ"

"ವಾಪಸ್ ಬರಲು ನನಗೆ ಇದೇ ಬಸ್ ಸಿಗುತ್ತಾ?"

"ಗೊತ್ತಿಲ್ಲ"

"ಯಾಕೆ ಕೇಳಿದೆ ಅಂದ್ರೆ ಮ್ಯಾಡಂ, ನನ್ನ ತಂದೆ ತಾಯಿ ಊರಿನಿಂದ ಬಂದು ಈಗ ಮೆಜಿಸ್ಟಿಕ್ ನಲ್ಲಿ ಕಾಯ್ತಿದ್ದಾರೆ", ಅವರನ್ನು ಮನೆಗೆ ಕರೆದುಕೊಂಡು ಬಂದು ನಾನು ಅಡಿಗೆ ಮಾಡಬೇಕು"

"ಹೂಂ"

"ನೀವೆಲ್ಲಿಗೆ"

"ಜಯನಗರ"

"ಜಾಬ್ ಮಾಡ್ತೀರಾ ಮ್ಯಾಡಂ"

"ಹೂಂ"

"ಸಂಬಳ ಎಷ್ಟು"

"*********"

"ಹಸ್ಬೆಂಡ್ ಗೆ ಎಷ್ಟು ಸಂಬಳ"

"*******"

ಅಷ್ಟರೊಳಗೆ ನನ್ನ ಸೆಲ್ಲ್ ರಿಂಗ್ ಆಯ್ತು. ಉಸ್ಸಪ್ಪ ಅಂತ ಮಾತಾಡಿ ಇಟ್ಟೆ. ಆಕೆ ಪುನ:

"ನನ್ನ ಹತ್ತಿರ ಮೊಬೈಲ್ ಇಲ್ಲ ಮ್ಯಾಡಂ, ತೆಗೆದುಕೊಳ್ಳಬೇಕಂತ ಇದ್ದೇನೆ, ಯಾವುದು ತೆಗೊಳ್ಲಿ"

grrrrrrrrrrrrrrrrrrrrr. ನನ್ನ ಮುಖದಲ್ಲಿ guarantee ಅಸಹನೆ ಇದ್ದೇ ಇತ್ತು ನನಗೆ ಗೊತ್ತು. ಆದರೂ ಆ ಹೆಂಗಸು ಮೆಜೆಸ್ಟಿಕ್ ಬರೋ ತನಕ ತಲೆ ತಿಂದ್ರು.

ನಿಹಾರಿಕ ಯಾವತ್ತೂ ಕೇಳುತ್ತಾಳೆ, ಅದೇನು ಅವರೆಲ್ಲ ನಿನ್ನ ಹತ್ತಿರ ಅಷ್ಟು ಮಾತಾಡೋದು ಅಂತ ಕೆಲವೊಮ್ಮೆ. ನನಗೆ ಗೊತ್ತಿದ್ದರೆ ತಾನೆ ನಾನು ಅವಳಿಗೆ ಉತ್ತರ ಕೊಡುವುದು. ಇದಕ್ಕೆ ಒಂದು episode ಹೇಳ್ತೇನೆ:

ಮಾಲವಿಕ ನಿಹಾರಿಕ ಕಣ್ಣು ಪರೀಕ್ಷೆ ಮಾಡಲು ಹೋಗಿದ್ವಿ. ಹೊಸ ಕ್ಲಿನಿಕ್. ನಮ್ಮ ಸರದಿ ಪ್ರಕಾರ ಒಳಗೆ ಹೋದ್ವಿ. ಹೊರಗಡೆ ಸಿಕ್ಕಾಪಟ್ಟೆ ರಶ್.

ಮಾಲವಿಕ ಕಣ್ಣು ಪರೀಕ್ಷೆ ಮಾಡುತ್ತ (ಈಗೆಲ್ಲ digitalised eye testing), ಅವಳ ಹೆಸರು, ಅವಳ ಓದಿನ ಬಗ್ಗೆ ಕೇಳಿದರು

whats your name

Malavika

What are you studying

Hotel Management

What?? thats an interesting subject'

ಅಂತ ಹೇಳಿ ನನ್ನ ಹತ್ತಿರ ತಿರುಗಿ

ಎಲ್ಲರು ಇಂಜಿನಿಯರಿಂಗ್, ಮೆಡಿಕಲ್ ಎಲ್ಲ ಮಾಡುವಾಗ ನೀವ್ಯಾಕೆ ಅವಳಗೆ hotel industry ಗೆ ಸೇರಿಸಿದ್ರಿ?

"ಅವಳ ಇಷ್ಟ. ಅವಳ ತಂದೆ-ಅವಳು ಕೂಡಿ ಎನೋ ಹೊಸದಾಗಿ ಮಾಡುವ plans ಇದೆ.

" ನೀವು ಹೇಳೋದು ಸರಿ ಬಿಡಿ.ಹೋಟಲ್ is one business that will not go out of business'. ಆ ಮೇಲೆ ಅವರ ಮಿತ್ರರು partnership ನಲ್ಲಿ ಹೋಟಲ್ ನಲ್ಲಿ ಹಣ ಹೂಡಿ ದುಡ್ದು ಮಾಡಿದ್ದನ್ನು ಹಂಚಿಕೊಂಡರು. ನಿಹಾರಿಕ ನ ಸರದಿ ಬಂದಾಗ ನನಗೆ ಹೊಟ್ಟೆಯಲ್ಲಿ ನಡುಕ ಶುರು ಆಯ್ತು. ನಿಹಾ ಗೆ ಸಿಟ್ಟು ಬರುತ್ತೆ ಅಂತಲೂ ಮೊದಲೆ ಗ್ರಹಿಸಿದೆ. ಸಿಟ್ಟು ಬಂದಾಗ ಆಕೆ ಸುಮ್ಮನಿರಲ್ಲ.

and young lady, whats your name

Niharika

Which class?

PUC 2nd

What?? you look like a 12 year old..ok what subject?

"Arts"

ನಿಜಕ್ಕೂ ಡಾಕ್ಟರ್ ಗೆ ಎಷ್ಟು ಶಾಕ್ ಆಯ್ತೆಂದರೆ, ಸ್ವಲ್ಪ ಹೊತ್ತು ನನ್ನನ್ನು, ನಿಹಾ ನ ಮಿಕಿ ಮಿಕಿ ನೋಡಿ ಸುಮ್ಮನಾದರು. ಸಧ್ಯ ನಾನು ಹಾಂ ಇನ್ನು ಇವರು ಮಾತನಾಡಲಿಕ್ಕಿಲ್ಲ ಅಂದುಕೊಂಡೆ ಖುಶಿ ಪಟ್ಟೆ.ಆದರೆ

"why? how much marks did you get in SSLC' ಅಂತ ಕೇಳಿಬಿಟ್ರು. ನಿಹಾ ಆಗಲೆ ಕೆಂಪು ಕೆಂಪು...ಯಾಕಂದರೆ ಹತ್ತನೆ ಕ್ಲಾಸಿನ ಪರೀಕ್ಷೆ ಮುಗಿದ ಕೂಡಲೆ, ಈಗ pre university college ನ application ಮುಂಚಿತವಾಗಿ ಕೊಡುತ್ತಾರಲ್ಲವಾ? ನನಗೆ ನೀಹಾ ಗೆ ಹಲವಾರು ಕಡೆ bitter experience ಆಗಿದೆ.

"92%"

"then why did you not take science"

ನಿಹಾ rude ಆಗಿ, "Its my wish" ಅಂದಳು

ಡಾ ನನ್ನ ಕಡೆ ತಿರುಗಿ ’ನೀವು ಸಪೋರ್ಟ್ ಮಾಡಿದ್ರಾ" ಅಂದ್ರು

ನಾನು ’ಹೌದು’ ಅವಳಿಗೆ economist ಆಗಬೇಕೆಂದಿದೆ. so she has chosen her stream wisely ಅಂದೆ

ಆ ಮೇಲೆ ಅವರು ನಿಟ್ಟುಸಿರು ಬಿಟ್ಟು ’even i was not interested in being a doctor, i wanted to be a musician, i wanted to play the violin' iam very good at it' But my father forced me to be a doctor and i thought opthalmology was a better choice. at least i can have weekends off. i am a good photographer and every weekend me and friends go outskirts of bangalore' You are such a nice mother.

ಮತ್ತೆ ಶ್ರೀಕಾಂತ ಬಗ್ಗೆ ಮಾತು ಬಂತು, ನಮ್ಮ NGO ಬಗ್ಗೆ...

ಅಲ್ಲೇ ಇದ್ದ ಅವರು ಓದ್ತಾ ಇರೋ ಪುಸ್ತಕದ ಬಗ್ಗೆ, ನಮ್ಮ ಮನೆ, ನಮ್ಮ ಆಫಿಸ್ ಎಲ್ಲಿ ಬರುತ್ತೆ ಇಂತಹುದೆಲ್ಲ ಕೇಳ್ತಿರಬೇಕಾದ್ರೆ ಸುಮಾರು ಹೊತ್ತು ಆಯಿತು.ನನಗೆ ಹೊರಗೆ ಕುಳಿತಿರುವ patients ಬಗ್ಗೆ tension

6 ತಿಂಗಳಾದ ಮೇಲೆ ಇಬ್ಬರು ಕಾಂಟೆಕ್ಟ್ ಲೆನ್ಸ್ ಗೆ ಅಂತ ಆ ಡಾಕ್ಟರ್ ನ್ನು ಭೇಟಿ ಮಾಡಲು ಹೋಗುವಾಗ, ನಿಹಾ ನನಗೆ ,’ಅಮ್ಮ ನೀನು ಬರೋದು ಬೇಡ’ ನೀನು ಬಂದ್ರೆ ಅವರು ತುಂಬ ಮಾತಾಡ್ತಾರೆ, ನಾವು ನಾವೆ (ಈ ಪ್ರಸಂಗ ಆದಮೇಲೆ ಅವರು ಎರಡು ಮೂರು ಸಲ ಅವರ ಕ್ಲಿನಿಕ್ ಗೆ ಹೋಗಿದ್ದರು)  ಹೋದಾಗ ಅವರು ಅಷ್ಟು ಮಾತಾಡಲ್ಲ ಅಂದು ಬಿಟ್ರು

:-)

Sweet pongal with bansi Rawa, fried moongdaal , jaggery, coconut and cashewnuts fried in Ghee (homemade :-)) it was awesome

ಎಲ್ಲರಿಗೂ ಸಂಕ್ರಾಂತಿ ಹಬ್ಬದ ಶುಭಾಶಯಗಳು. ಎಳ್ಳು ಬೆಲ್ಲ, ಸಿಹಿ ಪೊಂಗಲ್, ಹುಗ್ಗಿ ನಮ್ಮ ಮನೆಯ ತಿಂಡಿ..ನಿಮ್ಮಲ್ಲಿ??

ವೈಕುಂಠ ಏಕಾದಶಿ ಪ್ರಯುಕ್ತ ಒಂದು recipe

ಬ್ಲಾಗ್ ನ್ನು ವೆಬ್ ಸೈಟ್ ಮಾಡುವ ಅಂದುಕೊಂಡಿದ್ದೆ. ಬಟ್ ಯಾಕೋ ಸಮಾಧಾನ ಅನ್ನಿಸಲಿಲ್ಲ. ಅದಕ್ಕೆ ನಾನೀಗ ಅದನ್ನು ನನ್ನ ತಮ್ಮನ ಕಂಪೆನಿ ವೆಬ್ ಸೈಟ್ ಆಗಿ ಬದಲಾಯಿಸಿದ್ದೇನೆ. ಈ ವೆಬ್ ಸೈಟ್ ಡಿಸೈನ್ ಮಾಡುವುದಿದೆಯಲ್ಲ ಕಂಡಾಪಟ್ಟೆ addictive. ಈಗಾಗಲೇ ನಾಲಕ್ಕೈದು ಪಾತ್ರೆ ಸೀದು ಹೋಗಿದೆ. ಬೆಳಿಗ್ಗೆ ರಾತ್ರಿ ಸಿಸ್ಟಮ್ ಎದುರಿಗೆ ಕೂತು ಕಣ್ಣು ಪರೀಕ್ಷೆ ಮಾಡುವ ಹಂತಕ್ಕೆ ಬಂದಿದೆ. ಪುಸ್ತಕ ಓದದೆ ಎಷ್ಟೊಂದು ದಿನ ಆಯ್ತು. ಒಟ್ಟಿಗೆ ನಾಲ್ಕು ವೆಬ್ ಸೈಟ್ ಡಿಸೈನ್ ಮಾಡ್ತಾ ಇದ್ದೇನೆ.I am enjoying it immensely!! :-) ನನ್ನfavorite ಪಾಸ್ ಟೈಮ್ ಆದ ಪುಸ್ತ್ಕಕದ ಓದನ್ನು ಹಿಂದಿಕ್ಕಿದೆ ಇದು. ಈಗ ಸಂಜೆ ಶ್ರೀಕಾಂತ ನನಗೆ ಕಡ್ಡಾಯವಾಗಿ ವಾಕ್ ಕಳುಹಿಸುತ್ತಿದ್ದಾರೆ.

ಅರೇ ತಿಂಡಿ ಬಗ್ಗೆ ಬರೆಯೋದು ಬಿಟ್ಟು ಇದೇನು ರಾಮಾಯಣ ಅಂದುಕೊಂಡ್ರಾ?? ಅದು ಯಾಕೆಂದರೆ ನನ್ನ ವೆಬ್ ಸೈಟ್ ಗೋಸ್ಕರ ಸುಮಾರು ಮಿತ್ರರು ಶುಭ  ಹಾರೈಸಿದ್ದರು. ಅವರಿಗೆಲ್ಲ :' ನಾನು ಬ್ಲಾಗ್ ನ್ನು ಇಲ್ಲೇ ಮುಂದುವರೆಸುತ್ತಿದ್ದೇನೆ'- ಅಂತ ಹೇಳೊದಿಕ್ಕೆ..

ಸರಿ ಇವತ್ತು ವೈಕುಂಠ ಏಕಾದಶಿ. ನಾವು ನೀರುಳ್ಳಿ ಬೆಳ್ಳುಳ್ಳಿ ಬಳಸಲ್ಲ (ಇದನ್ನೆ ಸುಮಾರು ಪೋಸ್ಟ್ ಗಳಲ್ಲಿ ಬರೆದಿದ್ದೇನೆ). ಮಾಲವಿಕ ’ಅಮ್ಮ, ಇವತ್ತು ರಜೆ (ಕೆಲಸಕ್ಕೆ) ಏನಾದರೂ ಸ್ಪೇಷಲ್ ಮಾಡು ಅಂದಾಗ, ಅದನ್ನೆ ಚಾಲೆಂಜ್ ಆಗಿಟ್ಟುಕೊಂಡು ಈ ರೈಸ್ ಐಟಮ್ ಪ್ರಾಯೋಗಿಕವಾಗಿ ಮಾಡಿದ್ದೇನೆ.

ಬೇಕಾಗುವ ಪದಾರ್ಥ:

ಪರಿಮಳದ ಅಕ್ಕಿ (ನಾನು ಬಾಸುಮತಿ ಅಕ್ಕಿಯನ್ನು ಬೆಳಗಾವಿಯಿಂದ ಹೊತ್ತು ತರುವುದು. ಅಲ್ಲಿನ ಸಂತೆಯಲ್ಲಿ ಲೋಕಲ್ ಬಾಸುಮತಿ ಅಂತ ಸಿಗುತ್ತೆ. 38 ರೂ/ಕೆ.ಜಿ (:-))

ಮಿಶ್ರ ತರಕಾರಿ ಒಂದು ಕಪ್ (ಕ್ಯಾರೆಟ್, ಬಟಾಣಿ (ಈಗ ಹೇಗೂ ಸೀಸನ್) ಕಾಲಿಫ್ಲವರ್, ಬೀನ್ಸ್) ಮೊದಲೆ ಬೇಯಿಸಿಡಿ

5 ಹಸಿಮೆಣಸಿನಕಾಯಿ, ಒಂದು ಇಂಚ್ ಶುಂಠಿ- ನೀರು ಹಾಕದೆ ಮಿಕ್ಸಿಯಲ್ಲಿ ರುಬ್ಬಿ

ಎಣ್ಣೆ ಅಥವಾ ತುಪ್ಪ ಒಂದು ದೊಡ್ಡ ಟೇಬಲ್ ಸ್ಪೂನ್ ಬಿಸಿ ಮಾ,ಡಿ ದಾಲ್ಚಿನಿ ಎಲೆ ಎರಡನ್ನು ಹಾಕಿ, ಅಮೇಲೆ ಒಂದು ಸ್ಪೂನ್ ಜೀರಿಗೆ, ನಾಲಕೈದು ಕರಿಬೇವಿನ ಎಲೆ ಹಾಕಿ. ಇದಕ್ಕೆ ಹಸಿಮೆಣಸಿನಕಾಯಿ-ಶುಂಠಿ ಪೇಸ್ಟ್ ಬೆರೆಸಿ. ಹಸಿ ವಾಸನೆ ಹೋಗುವವರೆಗೆ ಕೈಯಾಡಿಸಿ, ಅರಿಸಿನಪುಡಿ ಬೆರೆಸಿ, ಅರೆ ನಿಮಿಷ ಬಿಟ್ಟು ಬೇಯಿಸಿದ ಅನ್ನ-ತರಕಾರಿ ಮಿಶ್ರಣ ಬೆರೆಸಿ, ಉಪ್ಪು, ಚಿಟಿಕೆ ಸಕ್ಕರೆ ಬೆರೆಸಿ. ಬಡಿಸುವ ಮುಂಚೆ ಸಣ್ಣ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಮತ್ತು ತಾಜಾ ತೆಂಗಿನ ಕಾಯಿಯ ತುರಿ ಬೆರೆಸಿ. ಲಿಂಬೆ ಹುಳಿ ಬೆರೆಸ ಬಹುದು ಅಥವಾ ಮೊಸರಿನೊಟ್ಟಿಗೆ ತಿನ್ನಬಹುದು.

ಮಾಡಿ ನೋಡಿ. ಇಷ್ಟ ಆಗದಿದ್ದರೆ ನನ್ನ ಹೆಸರನ್ನು ಬದಲಾಯಿಸುತ್ತೇನೆ :-)

ನಮ್ಮ ಮನೆಯಲ್ಲಿ ನಮಗೆ ನಾಲ್ಕು ಜನರಿಗೂ ಇಷ್ಟ ಆಯ್ತು....ಇದರ ಜತೆ ಜಾಮೂನು ಕೂಡ ಮಾಡಿದೆ

photo by my blog fan: Niharika
Few Readers want this recipe in English:
Pre- cook the rice with the vegetables( a mix of Carrot, Cauliflower, Green peas and beans)Add salt while cooking the rice. let it cool.
Grind and prepare paste with 5 green chillies and 1 inch Ginger piece. Heat oil/ghee, add tej patta, jeera, a few curry leaves. Next add the ginger-chiily paste and fry until the raw smell disappears. Add a half a tsp of turmeric, pich of sugar and cooked rice+ Vegetables. Garnish with freshly grated coconut, and coriander leaves. Serve with wedge of Lemon or Curds....
:-)

2012

ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು. ನನ್ನ ಜಾಲತಾಣ ಇನ್ನು construction stage ನಲ್ಲೆ ಇದೆ. ಅದರ ಡಿಸೈನ್ ಬಗ್ಗೆ ಸಮಾಧಾನ ಆದಮೇಲೆ ನಿಮಗೆಲ್ಲ ಅದರ ಕೊಂಡಿ ಕಳುಹಿಸಿಕೊಡುತ್ತೇನೆ.

ದಿನವಿಡೀ ಶ್ರೀಕಾಂತ ರಾಯರಿಗೆ ಕಿರಿಕಿರಿ ಮಾಡಿ ಈಗ ನನಗೋಸ್ಕರ ಅವರು ಒಂದು ಹೊಸ ವರ್ಷದ greeting card ಮಾಡಿಕೊಟ್ಟಿದ್ದಾರೆ. ಚೆನ್ನಾಗಿದೆಯಾ??

ಈಗ ಕೆಲ ಹೊತ್ತಿಗೆ ಮುಂಚೆ ನನ್ನ ಲ್ಯಾಪ್ಟಾಪ್ ನಲ್ಲಿ ಬರಹ ತಂತ್ರಾಂಶ ಅಳವಡಿಸಿದೆ.

Photo: Niharika

Baraha is giving some trouble. will trouble shoot after posting here!! This has been a very good year for me. I made many new friends. 

Books i read and have stayed in my mind: Hungry Tide (great narration) by Amitava Ghosh,' ಸಂಸ್ಕಾರ by U R Ananthamurthy', 'ಕಾಡತೊರೆಯ ಜಾಡು- ಸಂಗ್ರಹ ಮತ್ತು ಕೃತಿರೂಪ : ಅಕ್ಷತಾ ಕೆ', ತುಂಗ: ವಿ. ಗಾಯತ್ರಿ (ನಮ್ಮೂರು ತೀರ್ಥಹಳ್ಳಿಯಿದೆ ಅದರಲ್ಲಿ :-))

ನನಗೆ ಇಷ್ಟವಾದ ಸಿನಿಮಾ: ಸಿನಿಮಾ ಪ್ಯಾರಾಡಿಸೋ, ಚಲೋ ದಿಲ್ಲಿ, Delhi Belly, The dirty Picture, Run Lola Run, The reader, The Legend of 1900, ಬೆಟ್ಟದ ಜೀವ, The Pack.......ರಮೇಶ ಅವರ ಸಿನಿಮಾ' ಒಂದು ನಿಜ ಮೂರು ಸುಳ್ಳು'---i forgot the name..ಸಿನಿಮಾ ಹಾಲ್ ನಲ್ಲಿ 10  ನಿಮಿಷ ಇದ್ದು ಹೊರಗೆ ಬರುವ ಹಾಗೆ ಮಾಡಿತು. I had liked his movie 'accident'( sorry baraha giving me problems again :-)

ಆಫಿಸ್ ಕೆಲಸಗಳ ಹಾಗೂ ಮಾಲವಿಕ ಕೆಲಸಕ್ಕೆ ಸೇರಿದ ನಿಮಿತ್ತ ಈ ವರ್ಷ ಹೆಚ್ಚು ಟೂರ್ ಕೈಗೊಳ್ಳಲಾಗಲಿಲ್ಲ. ನನ್ನ ಪಾಂಡಿಚೆರಿ ಟ್ರಿಪ್ ಕಳೆದ ವರ್ಷ ಮೂರ ಸಲ ಕ್ಯಾನ್ಸಲ್ ಆಯ್ತು. ಈ ತಿಂಗಳು ಖಂಡಿತ ಪಾಂಡಿಚೆರಿ ಆಶ್ರಮಕ್ಕೆ ಹೋಗಲೇ ಬೇಕು!!

take care until my next post. I have 53 followers to my blog and 17,500+ hits. i am mentioning this because i have not told  about my blog to anyone. I have loved all your encouraging comments. 

Thanks and everybody have a great year. I am sure to have one!!!

:-)