ಕೊರೊನಾ ಕಾಲೇ ಕತೆ

 ಹೊರ ದೇಶದಲ್ಲಿರುವ ತಂಗಿಯ ಜತೆ ಮಾತು ಕತೆ ಮುಗಿಸಿ, ರಾಕಿಂಗ್ ಚೆಯರ್ ಮೇಲೆ ತೂಗುತ್ತ, ಆಫಿಸ್ ಗೆ ಹೋಗಲು ತಯಾರಾಗುತ್ತ ಅಲ್ಲೇ ಕನ್ನಡಿ ಎದುರು ನಿಂತು,ತಲೆ ಎತ್ತಿ, ಮೂಗು ಅರಳಿಸಿ, ಮೂಗಿನ ಹೊಳ್ಳೆಯಲ್ಲಿನ ಕೂದಲನ್ನು ಕಟ್  ಮಾಡುತ್ತಿದ ಗಂಡನ ಕಡೆ ನೋಡುತ್ತಾ 'ಹೇ ಕುಮಾರ್, ಯು ಆರ್ 62,  ಇಟ್ ಇಸ್ ಹೈ ಟೈಮ್ ಯು ರಿಟಯರ್ಡ್ ಅಂದ್ಲು ಹೇಮಾ.

ತಕ್ಷಣ ಅವಳ ಕಡೆ ಜಿಗುಪ್ಸೆಯಿಂದ ನೋಡಿ....ನಿವೃತ್ತಿ ಆದರೆ ನಿನ್ನನ್ನು ಸಾಕೋದು ಹೇಗೆ ಅಂದಾಗ ಹೇಮಾಗೆ ಶಾಕ್. ಒಂದು ಕ್ಷಣ ಮೈ ಎಲ್ಲ ತಣ್ಣಗಾಗಿ, ಬಿಸಿಯಾಯ್ತು.  ಪುನಃ ಅವಳ ಕಡೆ ನೋಡುತ್ತಾ.. ರಿಟೈರ್ ಆಗಿ ಏನು ಮಾಡಲಿ ಅಂದ್ರು ತುಸು ಮೆತ್ತಗಿನ ದನಿಯಲ್ಲಿ.
ಅರೆ ನೀವೊಬ್ಬ ಒಳ್ಳೆಯ ಆರ್ಟಿಸ್ಟ್, ಇತಿಹಾಸದ ಬಗ್ಗೆ ಕುತೂಹಲ, ಆ ಲೈನ್ ನಲ್ಲಿ ನಿಮ್ಮನ್ನು ತೊಡಗಿಸಬಹುದು ಅನ್ನುತ್ತಾ ಆಳವಾದ ಚಿಂತನೆಗೆ ಜಾರಿದಳು ಹೇಮಾ ಎಷ್ಟೆಂದರೆ, ಕಾಲೇಜಲ್ಲಿ ಲೆಕ್ಚರರ್ ಆದ ಮಗಳು, ಮನೆಯಿಂದ ಹೊರಡುವ ಮುನ್ನ 'ಬೈ ಮೊಮ್ಮಿ' ಅಂದದ್ದು ಕೇಳಿಸಲೇ ಇಲ್ಲ. 'ಅಮ್ಮ ಪೆನ್ನಿ ಫಾರ್ ಯುವರ್ ಥಾಟ್ಸ್' ಏನು ಯೋಚಿಸ್ತಾ ಇದ್ದೀಯಾ. ಅಲ್ವೇ ಅಪ್ಪ ಹೀಗಿಗೆ ಅಂದ್ರು ಕಣೆ. ಡಿಡ್ ಹಿ,  ಮೆನ್ !!!!' ಅನ್ನುತ್ತಾ ಚಪ್ಪಲಿ ಮೆಟ್ಟಿ, ಡಾರ್ ಲಾಕ್ ಹಚ್ಚಿ ಹೊರಟು ಬಿಟ್ಲು.
ತುಂಬಾ ಚಿಕ್ಕ ವಯಸ್ದಿಗೆ ಮದುವೆಯಾಗಿ ಕುಮಾರ್ ನ ದೊಡ್ಡ ಕುಟುಂಬ ಸೇರಿದ್ದಳು ಹೇಮಾ. ಇನ್ನು ಓದು ಬಾಕಿಯಿತ್ತು. 'ಇಷ್ಟು ಬೇಗ ಮದುವೆ ಬೇಡಮ್ಮ ಅಂತ ಸಣ್ಣಗಿನ ದನಿಯಲ್ಲಿ ಹೇಳಿದ್ದು, ತಂದೆ ಅವಳ ಸಹಾಯಕ್ಕಾಗಿ ಬಂದಿದ್ಫು, ಅವರನ್ನು ಗದರಿ, ನೀವು ಸುಮ್ನಿರಿ, ಹಾರ್ಟ್ ಪೆಶೆಂಟ್, ಒಳ್ಳೆ ಸಂಬಂಧ , ಅವರೇ ಕೇಳಿಕೊಂಡು ಬಂದಿದ್ದಾರೆ, ಜಾಸ್ತಿ ಮಾತಾಡಿದ್ತೆ, ಮುಂದೆ ಅವಳ ಮದುವೆ ನನ್ನ ಜವಾಬ್ದಾರಿಯಲ್ಲ, ನೀವೇ ನೋಡಿಕೊಳ್ಳಿ ಅಂದು ಜಬರಿಸಿದ್ದಾಗ, ನಿಜಕ್ಕೂ ಸೀಕಾಗಿದ್ದ ತಂದೆ, ಮುಂದೆ ಮಾತು ಮುಂದುವರೆಸಲಿಲ್ಲ. ಕಾಲೇಜಿನ ಪ್ರಿನ್ಸಿಪಾಲ್ ಗೆ ತಂದೆ ಮದುವೆ ಯ ಆಮಂತ್ರಣ ನೀಡಲು ಹೋದಾಗ, ಅವರನ್ನು ಸರಿ ತರಾಟೆಗೆ ತೆಗೊಂಡು, ಏನು ಅರ್ಜೆಂಟ್ ಇತ್ತು, ಕಲಿಯಲು ಹುಷಾರು ನಿಮ್ಮ ಮಗಳು ಅಂದಾಗ, ಸುಮ್ಮನೆ ತಲೆ ತಗ್ಗಿಸಿದ ತಂದೆಗೆ, ಅಟ್ ಲೀಸ್ಟ್ ಅವಳು ಮದುವೆಯಾದ ಮೇಲೆ, ಓದು ಮುಂದುವರೆಸಲಿ ಅಂದು, ಡಿಸ್ಟನ್ಸ್ ಎಜುಕೇಶನ್ ನ ಆಪ್ಲಿಕೇಶನ್ ಫಾರ್ಮ್ ಕೊಟ್ಟಿದ್ದರು. ಅಪ್ಪ ಮಾತು ಕೊಟ್ಟು ಅವಳ graaduation ನ ಜಿಮ್ಮೆದಾರಿ ತೆಗೆದುಕೊಂಡಿದ್ದರು.  ದೊಡ್ಡ ಕುಟುಂಬದ  ಮನೆ ಕೆಲಸಗಳನ್ನು ಮುಗಿಸಿ, ಮಧ್ಯಾಹ್ನ ಒಂದೆರಡು ಗಂಟೆ ಓದಲು ಕುಳಿತಿರುತ್ತಿದ್ದಳು. ಕೊನೆಯ ವರ್ಷದ ಪದವಿ ಪರೀಕ್ಷೆಯ ಸಮಯ ಮನೆಯ ಮೂವರು ಹಿರಿಯ ಸದಸ್ಯರಿಗೆ ಹುಷಾರು ತಪ್ಪಿ, ಮೂವರನ್ನು ಮೂರು ಬೇರೆ ಬೇರೆ ಕಡೆ ಆಸ್ಪ ತ್ರೆಗೆ ಸೇರಿಸಲಾಗಿ, ಮನೆ-ಆಸ್ಪತ್ರೆ ಓಡಾಟದಲ್ಲಿ, ಸಿಕ್ಕಾ ಪಟ್ಟೆ ಕೆಲಸ ಇದ್ದು... ಓದಿದ್ದು ಕಡಿಮೆ, ಆದರೂ ಕೊನೆ ಗಳಿಗೆಯಲ್ಲಿ ಓದಿ ಪಾಸ್ ಮಾಡಿದ್ದಳು. 5 ವರ್ಷದ ಬಳಿಕ  ಕುಮಾರ್ ಗೆ ಪ್ರೊಮೋಷನ್ ಆಗಿ ಬೇರೆ ಊರಿಗೆ  ಬದಲಿ ಆಯ್ತು.. ಈ ಹೊಸ ಜಾಗ ಪಟ್ಟಣ ಪ್ರದೇಶ, ಆದುದರಿಂದ ಅವಳು ಸಣ್ಣದೊಂದು ಕೆಲಸಕ್ಕೆ ಸೇರಿ ಮನೆಯ ಖರ್ಚಿಗೆ ಅವಳ ಸಂಬಳ ಅಲ್ಪ ಸ್ವಲ್ಪ ಸಹಾಯ ಆಗ್ತಿತ್ತು...ಅದಾದ ಮೇಲೆ ಪುನಃ ಹಳ್ಳಿಗೆ ಟ್ರಾನ್ಸ್ಫರ್..ಆಗ ಕೈ ತೋಟ ಎಲ್ಲ ಮಾಡಿ ಗೃಹ ಬಳಕೆಗೆ ಆಗುವಷ್ಟು ತರಕಾರಿಗಳನ್ನು ಬೆಳೆಸಿ, ಅಕ್ಕಪಕ್ಕದ ಮನೆಯವರೊಂದಿಗೆ ಶೇರ್ ಮಾಡಿ ಖುಷಿಯಾಗಿದ್ದಳು. ತುಂಬಾ  ಮಿತವ್ಯಯದ, ಜಾಗರೂಕತೆಯಿಂದ ಖರ್ಚು ಮಾಡುವ ಅಭ್ಯಾಸ ಹೊಂದಿದರಿಂದ ಯಾವುದೇ ವಿಶೇಷವಾದ ಏರು ಪೇರಿಲ್ಲದೆ ಜೀವನ ಸಾಗಿತ್ತು. ಇಬ್ಬರು ಮಕ್ಕಳು ಕಾಲೇಜು ಸೇರುವ ಸಮಯ ಅವರು ಬೆಂಗಳೂರು ಮಹಾನಗರ ತಲುಪಿದರು.
ಆಗ ಬ್ಯಾಂಕ್ ಸ್ವಯಂ ನಿವೃತ್ತಿ ಘೋಷಿಸಿತು.  ಕುಮಾರ್ ಮತ್ತು ಸ್ನೇಹಿತರು ಜಂಟಿಯಾಗಿ ಯಾವುದಾದರೂ ಉದ್ಯಮ ಶುರು ಮಾಡುವುದೆಂದ್ದು, ಮನೆಯಲ್ಲಿ ಹೇಳದೆ ಕೆಲಸಕ್ಕೆ ರಾಜೀನಾಮೆ ಕೊಟ್ಟು ಬಿಟ್ಟರು.  ಸಿಕ್ಕಾಪಟ್ಟೆ ಸಿಟ್ಟು ಬಂದರೂ, ಸಾವರಿಸಿ ಸುಧಾರಿಸಿ ಪುನಃ ಕೆಲಸಕ್ಕೆ ಸೇರಿ ಮನೆಯನ್ನು ಸರಿದೂಗಿಸಿದ್ದಳೂ ಕೂಡ. ಅವರ ಉದ್ಯಮ ಚೆನ್ನಾಗಿ ನಡೆದು ಕೈ ತುಂಬಾ ದುಡ್ಡು ಬರಲು ಆರಂಭಿಸಿದ ಮೇಲೆ, ಹಾಗೂ ದೊಡ್ಡ ಮಗಳ ಮದುವೆಯ ನಂತರ ಅವಳು ಟೆರೇಸ್ ಗಾರ್ಡನ್, ಬಾಲ್ಕನಿ ಗಾರ್ಡನ್ ಅಂತ ಆರಾಮಾಗಿ ಇದ್ಲು.... ಚಿಕ್ಕದಾಗಿ ಹೇಳುವುದಾದರೆ ಆರ್ಥಿಕವಾಗಿ ಅವಳು ಸಣ್ಣ ಮಟ್ಟಿಗಾದರೂ ಸಹಾಯ ಮಾಡಿರುವಾಗ ಕುಮಾರ್ ಮುಖದಲ್ಲಿನ ಅಸಡ್ಡೆ ಅವಳನ್ನು ಸ್ವಲ್ಪ ಹೊತ್ತು ಅಸ್ವಸ್ಥಳನ್ನಾಗಿಸಿತು.
ತಲೆ ಕೊಡವಿ ಮನೆ ಕೆಲಸದತ್ತ ಗಮನ ಹರಿಸಿದಳು.
ಇದಾದ ಮೂರೆ ದಿನಕ್ಕೆ ಲಾಕ್ ಡೌನ್ ಘೋಷಿಸಲಾಯಿತು. ಲಾಕ್ ಡೌನ್ ಮೊದಲ ದಿನ...ಏನು ನಡೀತಾ ಇದೆ ಎನ್ನುವ ಗೊಂದಲ, ಗೊತ್ತಾಗದ ತಳಮಳ...ಮನೆಗೆ  ಬೇಕಾದ ಅಗತ್ಯ ಸಾಮಾನುಗಳನ್ನು ತರುವ ಗಡಿಬಿಡಿ...ಮಾಸ್ಕ್ ಹಾಕಿಕೊಂಡು ಹೊಸ ಜೀವನ... ಆ ರಾತ್ರಿ ಅವಳ ಸೇಲ್ ಫೋನ್  ರಾತ್ರಿ ಇಡೀ ಸದ್ದು ಮಾಡುತ್ತಿತ್ತು. ಅವಳು ಅದರ ಬಗ್ಗೆ ಹೆಚ್ಚು ಗಮನ ಹರಿಸಲಿಲ್ಲ...
ಮರು ದಿನ ಬೆಳಿಗ್ಗೆ ಹೇಗೂ ವಾಕಿಂಗ್ ಇಲ್ಲ, ಅಂತ ಬಾಲ್ಕನಿಯಲ್ಲಿ ಕೂತು ಚಹಾ ಹೀರುತ್ತಾ ಮೊಬೈಲ್ ನಲ್ಲಿ ಯು ಟ್ಯೂಬ್ ಆನ್ ಮಾಡಿದಳು. ಸಿಕ್ಕಾಪಟ್ಟೆ ಮೆಸೇಜ್, ಕಮೆಂಟ್ ಗಳು. ಅವಳು ಹಸಿರು ತರಕಾರಿಗಳನ್ನು ಅತಿ ಹೆಚ್ಚು ದಿನ ಹೇಗೆ ಕಾಪಿಡ ಬೇಕೆಂದು ಹಾಕಿದ ವಿಡಿಯೋ ಒಂದು ವೈರಲ್ ಆಗಿತ್ತು. ಯು ಟ್ಯೂಬ್ ಅದನ್ನು ಟ್ರೆಂಡಿಂಗ್ ಚ್ಯಾನೆಲ್ ಅಂತ ಘೋಷಿಸಿತು. ಇದಾದ ಒಂದೇ ವಾರಕ್ಕೆ ಹಲವು ಲಕ್ಷ ಜನ ಅವಳ ಚ್ಯಾನೆಲ್ subscribe ಮಾಡಿದ್ದಲ್ಲದೆ ಯು ಟ್ಯೂಬ್ ವತಿಯಿಂದ ಸಣ್ಣ ಮೊತ್ತದ ದುಡ್ಡು ಹೇಮಳ ಬ್ಯಾಂಕ್ ಖಾತೆಗೆ ಜಮಾ ಆಯಿತು. ಲಾಕ್ ಡೌನ್ ಅವಧಿಯನ್ನು ಹೇಗೆ ಉಪಯೋಗಿಸುವುದೆಂದು ಅವಳು ವಿಚಾರ ಮಾಡಿ, ಬಾಲ್ಕನಿಯಲ್ಲಿ ಒಂದು ಸಣ್ಣ ಜಾಗ ಮಾಡಿ ಅಲ್ಲೊಂದು ಟೇಬಲ್ ಇಟ್ಟು.... ಸುಲಭವಾದ ಅಡುಗೆ, ಮನೆಯಲ್ಲೇ ಇದ್ದುಕೊಂಡು ವ್ಯಾಯಾಮ, ಕೊತ್ತಂಬರಿ ಸೊಪ್ಪು, ಮೆಂತೆ ಸೊಪ್ಪು ಕುಂಡದಲ್ಲಿ ಬೆಳೆಸುವುದು, ಧ್ಯಾನ, ಯಾವಾಗಲೋ ಕಲಿತ ಯು ಎಸ್  english ಸ್ಪೀಕಿಂಗ್ ಕೋರ್ಸ್ ಮುಂತಾದವುಗಳನ್ನು ಮಾಡುತ್ತಾ ದುಡಿಯಲು ಆರಂಭಿಸಿದಳು.  ಕುಮಾರ್ ನ factory ಬಂದಾಗಿತ್ತು. ಆಲ್ಲಿರುವ ಕೆಲಸಗಾರರಿಗೆ ಎಲ್ಲ ಸ್ವಲ್ಪ ಮಟ್ಟಿಗೆ ಧನ ಸಹಾಯ ಮಾಡಲು ಈ ದುಡ್ಡು ನೆರವಿಗೆ ಬಂತು. ಕುಮಾರ್ ಕೂಡ ಸುಮ್ಮನಿರದೆ ಅವಳಿಗೆ ಮನೆ ಕೆಲಸದಲ್ಲಿ ಆದಷ್ಟು ಸಹಾಯ ಮಾಡಲಾರಂಭಿಸಿದನು.
ಲಾಕ್ ಡೌನ್ ಎಲ್ಲ ಮುಗಿದು ಈಗ ಹಲವಾರು ವರ್ಷಗಳು ಕಳೆದಿವೆ. ಅವನ್ನು ಮೆಲುಕು ಹಾಕುತ್ತ ಇಬ್ಬರೂ ಮೊಮ್ಮಕ್ಕಳೊಂದಿಗೆ ಆಡುತ್ತಾ ನೆಮ್ಮದಿಯ ಜೀವನ ನಡೆಸುತ್ತಾರೆಂಬುವಲ್ಲಿಗೆ ನನ್ನ ಕತೆ .... ಒಪ್ಪಿಸಿಕೊಳ್ಳಿ...🙏🙏🙂🤔