ಕಾಕಿ ಸೊಪ್ಪಿನ ತಂಬುಳಿ

  

ತಂಬುಳಿ ಬ್ರೇಕ್ up ಮಾಡಿದ್ರೆ ಆಗುವುದು ತಂಪು + ಹುಳಿ. fireless cooking ನ ನಿಜವಾದ example. ಸ್ವಲ್ಪ ಜೀರಿಗೆ, ಸ್ವಲ್ಪ ಕಾಳು  ಮೆಣಸು, ಕಾಯಿ ಮತ್ತು ತಂಬುಳಿ ಗೆ ಹೇಳಿದಂತಹ ಎಲೆಗಳು, ಉಪ್ಪಿನೊಂದಿಗೆ ಒರಳಲ್ಲಿ ರುಬ್ಬಿ ಮಜ್ಜಿಗೆಗೆ ಬೆರೆಸಿ ಅನ್ನದ ಜತೆ ಉಣ್ಣಬಹುದು, ಅಥವಾ ಮಜ್ಜಿಗೆಯೊಂದಿಗೆ ಪೇಯದ ಹಾಗೆ ಕುಡಿಯುವುದು. ಇವೆಲ್ಲ ಪೂರ್ವಜರು ಬೇಸಿಗೆಗೆ  ಮಾಡಿದಂತಹ invention ಗಳು. ನಾನು ರುಬ್ಬುವ ಕಲ್ಲು ಉಪಯೋಗಿಸುತ್ತಿದ್ದಾಗ ಈ  ತಂಬುಳಿಗಳನ್ನೆಲ್ಲಾ ಮಾಡುತ್ತಿದೆ. ಈಗ ತೀರ್ಥಹಳ್ಳಿಯ ತೋಟಕ್ಕೆ ಭೇಟಿ ನೀಡಿದರೆ ಪೇರಳೆ ಹಣ್ಣಿನ ಕುಡಿ, season ನಲ್ಲಿ ಸಿಗುವ ಅಂಕ್ರೆ,  ಕಾಕಿಸೊಪ್ಪಿನ ಕುಡಿ ಎಲೆಗಳನ್ನೆಲ್ಲ ತಂದು ತಂಬುಳಿ ಮಾಡುತ್ತೇನೆ.

ಈಗ ಶ್ರೀಕಾಂತ್ ಗೆ liver cirrhosis. ಈ ಕಾಕಿ ಸೊಪ್ಪು /solanum nigrum/ night shade  ಯಕೃತ್ತಿನ ಆರೋಗ್ಯಕ್ಕೆ ಒಳ್ಳೆಯದೆಂದು ಮಾಡುತ್ತಿರುತ್ತೇನೆ. ವೈದ್ಯರು ಹಸಿ ಪದಾರ್ಥ ತಿನ್ನ ಕೂಡದು ಅಂತ ಹೇಳಿದ್ದಾರೆ. ಅದಕ್ಕೆ ನಾನು ಕೆಳಗಿನ ರೀತಿಯಲ್ಲಿ ತಯಾರಿಸುತ್ತೇನೆ.
ತುಪ್ಪದಲ್ಲಿ ಕಾಳು ಮೆಣಸು ಮತ್ತು ಜೀರಿಗೆ ಹುರಿದು ಅದಕ್ಕೆ ಸ್ವಚ್ಛವಾಗಿ ತೊಳೆದ ಎಲೆಗಳು ಮತ್ತು ಕಾಯಿ ತುರಿ ಹಾಕಿ ಸ್ವಲ್ಪ ಬಿಸಿ ಮಾಡುತ್ತೇನೆ. ತಣಿದ ಮೇಲೆ ಸ್ವಲ್ಪ ಉಪ್ಪು ಹಾಕಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳುತ್ತೇನೆ. ಮಜ್ಜಿಗೆ ಬೆರೆಸಿ ಬಿಸಿ ಅನ್ನದೊಂದಿಗೆ ಸರ್ವ್ ಮಾಡುತ್ತೇನೆ. 👍❤️🙏
ಮಕ್ಕಳಿಗೂ ಇದು ಇಷ್ಟವಾಗಿದೆ.